Rɔmri 13:1 - Kuo

¹ Nzoɓ ha̰a ha̰a lɛ, ka ɗaa vu mbom ɓo tul nzoɓ rewpuori, ɓay ḭi lɛ, rewpuo ha̰a ha̰a kara uru saa luo Ŋgɛrɛwṵru. Ɓari ká i kaw tul puori na, ɓa ɓe kḭ ze ka ɗaa ri kaw tul kariŋgaw mbay.

Rɔmri 13:1 Iomraidhean Croise

Matiye 6:13

Mu ha̰ ɓuru se ɓil nzaa úla ya, roo lɛ, mu ya̰a ɓuru ya̰a mǎa ká ɓil nduo ŋgɛrɛtemndaya. [Tusuɛke lɛ, réke mbay nda̰w, hṵrusuo nda̰w, rɔɔ riŋ ɗika nda̰w na ɓa taa ɓo ɓaŋguɔ kpaɗara. Amɛm. Ndaɗ ɓay haŋa ni ka ɗo munu na kḭ.]”

Za̰a 19:11

Lɛɛ, Zezu yḭiŋra ɓáy ɓay a ɓaa ha̰ ni mii: «Ɓa Ŋgɛrɛwṵru ze ha̰ mù hṵrusuo. Zaɗka Ŋgɛrɛwṵru ha̰ mù hṵrusuo key na ya lɛ, mù ti mbaka tul-i ɓáy hṵrusuo mbḭw ya. Sa̰wke mini ze, nzoɓ ká pɔŋ mì nduo nduo-ɔ na, ɓay mgba tul-e kal mù rɔɓay.»

Peɗ nzoɓ ndáy nzaapeɗri 2:41

Nzoɓri ŋgḭi ɓamba ká sakra ɓari na, i ya̰a ɓay ɓe na ha ri ɗaa tul-ri nduo mbii. Namke ku na, nzoɓri maa isɔɗ sɔɗ duɔ zaɗ say (3.000) nde tul nzoɓ mbika law ha̰wri.

Rɔmri 12:21

Mu ha̰ fe ka̰aya na ka mba tul-a ya, roo lɛ, mu háw yṵm ká tul fe ka̰aya ɓáy faa fe ɗáa kere.

Rɔmri 13:2

Ɓe mini ze, nzoɓ ká tuŋ ri ŋgereŋ lɛ, ka nda puu ɓay feri ká Ŋgɛrɛwṵru mbi nzi-ɛ ká ɗi na zu. A nzoɓri ká i nda puu ɓayke na, ɓa ɓari kḭ sùo-ri ze i a̰n ɓay ɓo tul-ri.

Efɛzeri 5:21

a í ɗiŋ tul-rì ká pol kḭ ɓay tul hḭɛ Krisi ká ɗo ɓil law-rì na.

1 Timote 2:2

ɓay tul mbayri nda̰w, nzoɓ rewpuori riw bele nda̰w, ɓay haŋa ɓo ɗɛkɛkɛ ka ɗo puo naari ha̰ náa káwkeri ɓáy kere, a náa ɗáakeri mbay ka ɓo tul Ŋgɛrɛwṵru ɓáy faa simseɗ kere.

Tite 3:1

Mu túma law nzoɓri ɓay haŋa ri ɗiŋ tul-ri ká pol mbay puori ɓáy nzoɓ rewpuori, í ɗaa vu mbom ka ɓo tul-ri, a í ɗo ɗi ya ɓay ɗáa fe kereri riw bele.

Mbeɗe ká Zud ɗaa 1:8

Ɗo faa mbḭw munu nda̰w, ɓari nzoɓri ká i rìi sakra ɓaarì hiyaw hiyaw na, feri ká vi tul-ri ɓa lɔm na kuɔ ri ha ri ɗáake fe ɗáa kɔn naysuo nda̰w, í ḭ̌m hṵrusuo Ŋgɛrɛwṵru nda̰w, a í tḭ̌irike nzoɓ riŋ ɗikari ká nulue nda̰w pi.

Fe ká tina nun ha̰ Za̰a 1:5

Ndaɗ ɓay haŋa Zezu *Krisi, ɓe ká ɓa nzoɓ nasi ɓay Ŋgɛrɛwṵru ɓáy zaɗɛ, ɓe káʼa ɓa titire nzoɓ káʼa tḭi saa sakra nzoɓ huɗeri, a ɓa mbay ká kaw tul mbayri riw bele ká tusiri key na, ka ha rì law huoke ɓáy ɗɛkɛkɛ na nda̰w pi. Ɓe Zezu na, ka hii naari. Ka tina naari saa ɓil hṵrusuo feya̰a naari ɓáy faa sím ɓe,

Fe ká tina nun ha̰ Za̰a 17:14

Fe mgbamke ɓáy mbayri ká duɔ na, i rúu ziŋ Vu Baɗu, roo lɛ, Vu Baɗu na, a háw yṵm ká tul-ri, ɓay ḭi lɛ, ka ɓa Ŋgɛrɛmbay ká kal tul ŋgɛrɛmbayri, a ɓa Mbay luye ká kal tul mbayri riw bele. A ɓari ká Ŋgɛrɛwṵru ɗi ri a nan ri zuɔ ɓoɗ ká í ɗo tul ɓay ɓe na, ì ɓá nzoɓ háw yṵm ziŋ ni.

Fe ká tina nun ha̰ Za̰a 19:16

Riŋ ká i vbie ɗo maagari ɓe ɓáy tul kul-e na ze ɗo key: «Ŋgɛrɛmbay ká kal tul ŋgɛrɛmbayri, Mbay Luye ká kal tul mbayri riw bele.»