Marki 13:13 - Kuo

¹³ Nzoɓri riw bele i fṵ́y rì ɓay tul-i. Roo lɛ, nzoɓ ká mgba ŋgɔ-ŋgɔŋ kpṵru tḭi gbṵke lɛ, Ŋgɛrɛwṵru a ya̰aŋa ni.»

Marki 13:13 Iomraidhean Croise

Matiye 10:22

Nzoɓri riw bele, i fṵ́y rì ɓay tul-i. Roo lɛ, nzoɓ ká mgba ŋgɔ-ŋgɔŋ kpṵru tḭi gbṵke lɛ, Ŋgɛrɛwṵru a ya̰aŋa ni.

Matiye 24:13

Roo lɛ, nzoɓ ká mgba ŋgɔ-ŋgɔŋ kpṵru tḭi síe ɔ́rɔ ɓie nam na, Ŋgɛrɛwṵru a ya̰aŋa ni.

Matiye 24:9

I mgbaka rì í ɗaa nun-rì tuɔ síe a í i rì. Sa̰w nzoɓri riw bele ká tusiri key na i fṵ́y rì ɓay tul-i.

Marki 13:12

Namke ku na, yṵ kḭri mbika tul kḭ ha ri i ri nda̰w, bǎa leɗri ɗáa munu ziŋ vu ɓari nda̰w, a leɗri kara i úru ziŋ nzoɓ mbóŋ ri rì ha ri ɗaa ɓay huɗ ɓo tul-ri nda̰w.

Luku 21:17

Nzoɓri riw bele na, i fṵ́y rì ɓay tul-i.

Luku 6:22

Zaɗka nzoɓri fṵy rì, mase i túŋ rì ŋgereŋ, mase i raɗ rì, mase i ɓaa ɓay ɓaarì ndaya ɓay tul-i ká mì ɓa *Vu Nzoɓ na lɛ, suoriya ɓa taa ɓaarì.

Za̰a 15:21

I ɗáa fe ka̰ayari riw bele ziŋ rì ɓay tul-i, ɓay ḭi lɛ, Bǎa ká pie mì na i tuu ni ya.

Za̰a 17:14

Mì ha ri ɓay ɓo na. Ze nzoɓ tukɛlɛri na fṵy ri, ɓay ḭi lɛ, i ɓa taa ɓari ya, munu ká ɓi kara mì ɓa taa ɓari ya nda̰w.

Rɔmri 2:7

ɓari ká i geɗe tul fe ɗáa kereri ɓaŋguɔ, í nzáake faa ɓay haŋa Ŋgɛrɛwṵru ka ɗaa riŋ ɗika ɓo tul-ri nda̰w, ka ɗaa mbay ɓo tul-ri nda̰w, rɔɔ a ha ri ɓa nzoɓ hu-huɗ yari nda̰w na ze, káʼa haŋa ri káw ɓáy kumnun ká ɗo ɓaŋguɔ na.

Galasiri 6:9

Ndaɗ ɓay haŋa náa ɗáari fe kere ɓaŋguɔ taŋ haŋa law naari ka sa̰a. Zaɗka náa ɗáari munu ɓaŋguɔ, rɔɔ namke vi lɛ, náa zíŋri fe tunduoke na.

Eborori 10:39

A naari laa lɛ, náa zuɔri ziŋ ɓari ká i yḭ̀i ɓáy tigba̰a-ri ɓa fal a í wṵru faa í se ɓa zaɗ ɓíɛ na ku ya, roo lɛ, náa ɓári nzoɓri ká náa ɗáari law naari ɓo tul Ŋgɛrɛwṵru ɓay zíŋ pam.

Eborori 3:14

Ì kɔ, zaɗka náa mgbári law naari ŋgɔ-ŋgɔŋ kpṵru ká tul *Krisi ká náa ɗáari law naari ɓo ɗi ɓáy titire na lɛ, náa ɓári bǎw peɗ ɓe.

Mbeɗe ká Zak ɗaa 1:12

Nzoɓ ká mgba law-ɛ ŋgɔ-ŋgɔŋ ká tul fe líe lawri ká tḭi tul-e na, suoriya ɓa taa ɓe, ɓay ḭi lɛ, zaɗkaʼa mba tul fe líe law na, a ɗoko ɓáy kumnun ká ɗo ɓaŋguɔ ɓa fe tunduo ká Ŋgɛrɛwṵru waa ɓay tul nzoɓri ka i hii ni na.

1 Za̰a 3:13

Yṵ-iri, Zaɗka nzoɓri ká tukɛlɛ key fṵy rì lɛ, ì ha̰ ni ka túku rì ya.

Fe ká tina nun ha̰ Za̰a 2:10

Fe sɛkɛ káʼa tḭ́i tul-rì na, ì ha̰ law-rì ka tɔ ká ɗi ya. Ì laa key: ŋgɛrɛtemndaya a ɗáa ha̰ nzoɓ tul ŋga̰ni ɓaarì fa̰a nzoɓ ha̰nɛri ká sakra ɓaarì zuɔ hul sal ɓay lie law-rì; lɛ, ì ɗoko ɓil kɔ́kɔ sɛkɛ fe nam duɔ. Ì siŋ law-rì í ɗǒke tul ɓay ɓi kpṵru í huke, lɛ, mì haŋa rì káw ɓáy kumnun ɓaŋguɔ ɓa fe tunduo ɓaarì.

Fe ká tina nun ha̰ Za̰a 3:10

Munu ká ì kɔrɔ ɓay ɓi ɓáy sṵu law na, ɓi hɔy kara, mì kɔ́rɔ rì ká ɓil sɛkɛ fe káʼa tḭ́i tul nzoɓri riw bele ká tusiri key ɓay líe ri ɓay kɔ́kɔ.