Marki 1:8 - Kuo

⁸ Ɓi na, mbii ze mì ɗaa tul-rì nduo ɗi, roo lɛ, ɓe na a ɗáa rì nduo ɓil Tem Law Pie.»

Marki 1:8 Iomraidhean Croise

Matiye 3:11

Ɓi na, mì ɗaa tul-rì nduo mbii ɓay kíɛke mii, ì suo kér ɓay ɓaarì ro. Roo lɛ, nzoɓ káʼa ví fal-i vuku na, hṵrusuo-ɛ kal tul-i pavbaɗ, a dikɔn ɓe hɔy kara, mì maa ɓay nán ká ɓal-ɛ ya. Ɓe na, a ɗáa rì nduo ɓil Tem Law Pie, ɓáy huu.

Marki 1:7

Ka ka-káa ha̰ ruɔ nzoɓri a ɓaa mii: «Nzoɓ káʼa ví fal-i vuku na hṵrusuo-ɛ kal tul-i pavbaɗ. Mì maa húku siri ɓay hina sal dikɔn ɓe ya.

Marki 1:9

Ɓil sewke ku na, Zezu uru saa puo ká Nazarɛɗ, kuɗu zaɗ ká Galele. Lɛɛ, Za̰a ɗaa tul-e nduo mbii Zurdɛ̰.

Luku 3:16

Báyḭi lɛ, Za̰a mbi ɓay a ɓaa ha ri riw bele mii: «Ɓi na, mbii ze mì ɗaa tul-rì nduo ɗi, roo lɛ, nzoɓ káʼa ví fal-i vuku na, hṵrusuo-ɛ kal tul-i pavbaɗ. Mì maa ɓay hina sal dikɔn ká ɓal-ɛ ya. Ɓe na, a ɗáa rì nduo ɓil Tem Law Pie ɓáy huu.

Za̰a 1:26

Lɛɛ, Za̰a yḭiŋra ɓáy ɓay ha ri mii: «Ɓi na, mbii ze mì ɗaa tul-rì nduo ɗi, roo lɛ, nzoɓ mbḭw ɗo sakra ɓaarì ku ká ì kɔ ni ya.

Za̰a 1:33

Ka ɓa nzoɓ ve kara, mì kɔ ya ɓáy, roo lɛ, Ŋgɛrɛwṵru ká píe mì ha̰ mì ɗaa tul nzoɓri nduo mbii na ɓaa ha̰ mì mii: “Mu kɔ́kɔ Tem Ŋgɛrɛwṵru ɗì a kaw tul nzoɓ mbḭw. Ɓa ɓe ze a ɗáa nzoɓri nduo ɓil Tem Law Pie.”

Peɗ nzoɓ ndáy nzaapeɗri 1:5

Tusuɛke lɛ, Za̰a na ɗaa tul nzoɓri nduo mbii. Roo lɛ, ɓaarì na, nam tɔ̀ŋ ŋgḭi ya hɔy ro ɓay haŋa mì ɗáa rì nduo ɓil Tem Law Pie.»

Peɗ nzoɓ ndáy nzaapeɗri 10:45

Feke ku na ɗaa ha̰ nzoɓ mbika lawri ká i ɓa sa̰w Ziɓ ká í se ziŋ Piyɛr na, tuku ri ɓay tul Tem Law Pie ká Ŋgɛrɛwṵru ha̰ ni ya̰a ɓil law nzoɓri ká i ɓa Ziɓ ya na,

Peɗ nzoɓ ndáy nzaapeɗri 2:17

Ŋgɛrɛwṵru ɓaa ha̰ ni mii: “Síe ɔ́rɔ ɓie namri ká tusiri key na, mì haŋa Tem Law Pie ɓi ya̰a ɓil law nzoɓri riw bele. Vu ɓaarì taa wa̰rakeri ɓáy má̰ykeri na, i ya̰aŋa ɓay saa nzaa-i í ɓaa ha̰ nzoɓri. Leɗ kuban ɓaarì na, mì haŋa fe tina nun ha ri, a ŋgɛrɛri hɔy kara ì kɔ́kɔ fe ɓáy lɔm.

Peɗ nzoɓ ndáy nzaapeɗri 2:4

Lɛɛ, Tem Law Pie ya̰a ɓil law-ri kpol kpol bele, ha ri tii sa̰w ɓáa nzaa kḭri ɓoɗ ɓoɗ, munu ká Tem Law Pie ha ri ɓaa na.

1 Kɔrɛ̰teri 12:13

Naari riw bele na, ze náa ɓári Ziɓri, mase Ziɓ ya, náa ɓári koy nzoɓ, mase nzoɓri ká i kaw ɓáy tul-ri hɔy kara, i ɗaa naari nduo ɓil Tem Law Pie ɓay haŋa ɓo náa víri ɓa sùo ká mbḭw, a Tem taa mbḭw na key nda̰w ze, mbaa ɓil law naari riw bele.