Luku 4:18 - Kuo

¹⁸ «Tem Ŋgɛrɛmbay ɗo tul-i; Ka náa mì ɗo ɓoɗ ɓay haŋa mì ka-káa Ɓay Kere ha̰ nzoɓ kṵkuri. Ka píe mì ɓay haŋa mì ka-káa tḭ́i saa ɓil sɛkɛ fe ha̰ nzoɓri ká i naa hul salri, Ha̰ ra̰wri kɔ-kɔ́m nda̰w, Rɔɔ, nzoɓri ká i mgba nzaa-ri na, mì tína ri ká ɗi ha̰ law-ri huo.

Luku 4:18 Iomraidhean Croise

Matiye 11:5

Ra̰wri kɔ-kɔ́m *taŋ kaɗ kaɗ nda̰w, nzoɓ kpɛɗɛri se siya kiyaw kiyaw nda̰w, nzoɓri ká kpḭri ɗo sùo-ri kara, kpḭri ɓari na ɔ a pɔŋ sùo-ri duo mgbereŋ nda̰w, mbikiri laa ɓay nda̰w, nzoɓri ká i hu hɔy kara, i tuma í kaw ɓáy kumnun nda̰w, rɔɔ i ka-káa Ɓay Kere ha̰ nzoɓ kṵkuri nda̰w pi.

Matiye 12:18

Ɓayke ɓaa mii: «Ɓe key na, ka ɓa leɗ peɗ ɓi ká mì naa ni. Mì kɔ ni ɓa nzoɓ nun-i, a sùo-i rii mì ɓamba ká tul-e. Mì haŋa Tem ɓi ɗo tul-e ha̰ ni káake káa faa ká mì ya̰aŋake nzoɓri na ha̰ sa̰w nzoɓri riw bele.

Matiye 12:20

Nzoɓ ká ta̰a ndɔli ndɔli munu ká ŋgasikri ká fṵ-fṵmra na, ka ti háw ni ya. A nzoɓ ká hṵrusuo-ɛ ŋgḭi ya munu ká huu ndele ká ɗo mbuu na kara, ka ti ruma ni ya nda̰w. Káʼa ɗáa munu kpṵru ɓay haŋa fe ká mì ɗáa ɓay ya̰aŋake nzoɓri na ka ɔ riw bele, a haw yṵm ká tusiri key.

Matiye 4:16

Nzoɓkeri ká i kaw ɓil suŋ tilo na, i kɔ́kɔ zaɗ taŋa káʼa táŋ kaɗ kaɗ! A ɓari ká tem huɗ guɓa tul-ri gbukru na, zaɗ taŋa a híe gbay gbay ká tul-ri.»

Matiye 5:3

«Suoriya ɓa taa nzoɓri ká i kɔ mii, ɓari se síe Ŋgɛrɛwṵru í ɗaa kɔn ɓe ká ɓil law-ri; ɓari na, puoruo Ŋgɛrɛwṵru ɓa taa ɓari.

Luku 4:17

lɛ, i mbi mbeɗe Ezay nzoɓ ya̰aŋa ɓay saa nzaa Ŋgɛrɛwṵru ha̰ ni. Ka hina ɓil mbeɗeke na ku yɛ̌rɛrɛ, a nzaara zaɗ kḭiŋake a ziŋ. Báyḭi lɛ, ɓay káʼa kḭi na ze ɗo key:

Luku 6:20

Falɛ na ku báyḭi lɛ, Zezu fɛrɛ nun-ɛ ɓa luo leɗ nduoɓal-ɛri a ɓaa mii: «Suoriya ɓa taa ɓaarì nzoɓ kṵkuri ká ì kɔ mii, ì se síe Ŋgɛrɛwṵru; ɓaarì na, puoruo Ŋgɛrɛwṵru ɓa taa ɓaarì.

Luku 7:22

Lɛɛ, Zezu yḭiŋra ɓáy ɓay ha̰ leɗ nduoɓal Za̰ari na mii: «Ì yḭ̀i í se ɓo, í vǎa kḭi fal feri ká ì kɔ ɓáy nun-rì, í laa ɓáy suku-rì nda̰w key na ha̰ Za̰a laa. Ra̰wri kɔ-kɔ́m *taŋ kaɗ kaɗ nda̰w, nzoɓ kpɛɗɛri se siya kiyaw kiyaw nda̰w, nzoɓri ká kpḭri ɗo sùo-ri kara, kpḭri ɓari na ɔ a pɔŋ sùo-ri duo mgbereŋ nda̰w, mbikiri laa ɓay nda̰w, nzoɓri ká i hu hɔy kara, i tuma í kaw ɓáy kumnun nda̰w, rɔɔ i ka-káa Ɓay Kere ha̰ nzoɓ kṵkuri nda̰w pi.

Za̰a 1:41

Falɛ ku lɛ, Andere vǎa ziŋ yṵ-ɛ na a ɓaa ha̰ ni mii: «Ɓuru ziŋ *Mesi, nzoɓ ká Ŋgɛrɛwṵru waa ɓay píe ni ví ya̰a nzoɓri na!» (Má̰ra sa̰w riŋke lɛ, ɓa Krisi).

Za̰a 12:46

Ɓi na, mì vi tusiri key munu ɓa zaɗ taŋa, ɓay haŋa nzoɓri riw bele ká i ɗaa law-ri ɓo tul-i na, i ɗo ɓil suŋ tilo na mbǎa.

Za̰a 3:34

Tusuɛke lɛ, nzoɓ ká Ŋgɛrɛwṵru pie ni na, ka nday bol nzaa Ŋgɛrɛwṵru, ɓay ḭi lɛ, Ŋgɛrɛwṵru ha̰ Tem ɓe mbaa ɓil law-ɛ gba̰y gba̰y.

Peɗ nzoɓ ndáy nzaapeɗri 10:38

Ŋgɛrɛwṵru naa Zezu ká Nazarɛɗ ɗo ɓoɗ a ha̰ Tem Law Pie mbaa ɓil law-ɛ a ha̰ ni hṵrusuo. Ka se ɓáy zaɗ zaɗ a ɗaa fe kereri nda̰w, a vaa nzoɓ ha̰yri ká i ɗo ɓil koy ŋgɛrɛtemndaya riw bele nda̰w, ɓay ḭi lɛ, Ŋgɛrɛwṵru ɗo ziŋ ni.

Peɗ nzoɓ ndáy nzaapeɗri 26:18

Mì píe mù ɓay haŋa mù se luo-ri mú vǎa mgbúɗa nun-ri, mú tína ri saa ɓil suŋ ha ri vi zaɗ taŋa, a mú tína ri saa nduo *Satan ká re mbay ká tul-ri ha ri vi luo Ŋgɛrɛwṵru, ɓay haŋa ɓo, ɓari na kara ɓáy faa law-ri ká i ɗaa ɓo tul-i na, mi ndǎke buma ká tul feya̰a ɓari ha ri vi ɓa nzoɓ taa ɓiri a í ɗo sakra nzoɓ ha̰wri ká Ŋgɛrɛwṵru nan ri a ɗaa ri zuɔ ɓoɗ na.”»

Peɗ nzoɓ ndáy nzaapeɗri 4:26

Mbayri ká tusiri key i mbṵ kḭ, a ŋgɛrɛdɔma̰yri kara i uru ɓay rúu ziŋ Ŋgɛrɛmbay ɓáy Krisi, ɓe káʼa naa ni ɗo ɓoɗ ɓa nzoɓ peɗ ɓe.”

Peɗ nzoɓ ndáy nzaapeɗri 4:27

«Ɓa tusuɛ, Ŋgɛrɛwṵru ɓuru, ká ɓil puo ni key na, *Eroɗ ɓáy Po̰s Pilaɗ i mbṵ kḭ ziŋ sa̰w nzoɓri ká i kɔ mù ya ɓáy leɗ Izarayɛlri na, í leke ɓay ká sakra kḭ ɓay ɗáa fe ziŋ Zezu, nzoɓ ká taŋ kaɗaŋ ká mù naa ni ɗo ɓoɗ ɓa nzoɓ peɗ ɓo na.

Kolosiri 1:13

Ɓe na, ka tina naari saa ɓil hṵrusuo suŋ tilo, a ha̰ Vi-e káʼa kɔ ni ɓa nzoɓ nun-ɛ na re mbay ká tul naari.

Mbeɗe ká Zak ɗaa 2:5

Ɓaarì yṵ-iri ká mì kɔ rì ɓa nzoɓ nun-i na, ì te suku-rì í laa ɓay key na ɓáy kere! Ŋgɛrɛwṵru nan nzoɓ kṵkuri ká nzoɓri ká tusiri key kɔ ri ɓa fe ya na ɓay haŋa ri vi ɓa nzoɓri ká i ŋgɔŋ ká ɓil mbika law, í ɗo ɓil puoruo ɓe káʼa waa ɓay tul ɓari ká i hii ni na wa̰a, ì kɔ ya lɛ woo?

1 Piyɛr 2:9

Roo lɛ, ɓaarì na ì ɓa sa̰w nzoɓri ká Ŋgɛrɛwṵru nan rì ɓa taa ɓe, í ɓa nzoɓ fe poyri ká ì mbi sùo-rì í ɗáake peɗ ha̰ ni ɓe káʼa ɓa mbay luye, í ɓa nzoɓ sa̰w puo ká taŋ kaɗ kaɗ, a í ɓa nzoɓri ká ì ɗo ɓoɗ ɓa taa ɓe. Ɓaarì na, ka nan rì ɓay haŋa rì ka-káa ɓay ká se tul bawda fe ɗáa kere ɓeri, ɓe káʼa ɗi rì a tina rì saa ɓil suŋ tilo ká ɗo nduŋ a ha rì kaw ɓil zaɗ taŋa taa ɓe ká ndaɗ ɓamba tasiri na.