Luku 2:14 - Kuo

¹⁴ «Riŋ ɗika ɓa taa Ŋgɛrɛwṵru ká kaw nulue siya! Ɗɛkɛkɛ taa ɓe ɗo tusiri key ɓay tul nzoɓri káʼa hii ri.»

Luku 2:14 Iomraidhean Croise

Matiye 21:9

Báyḭi lɛ, ruɔ nzoɓri ká i se pol Zezu, ɓáy ɓari ká i se fal-ɛ na, i guu fe gǔrum gǔrum ɓáy nzaa-ri ɓa siya mii: «Hozana! Naa písiri vu bulu Daviɗ! Ndaɗ ɓay haŋa Ŋgɛrɛwṵru ka sá̰m fe zuɔ tul nzoɓ ká vi ɓáy riŋ Ŋgɛrɛmbay! Hozana! Naa písiri Ŋgɛrɛwṵru ká kaw nulue!»

Luku 1:79

Zaɗ taŋake na, a táŋ ká ɓil law nzoɓri ká i ɗo ɓil suŋ ká tem huɗ ɗo tul-ri, a kiɛ naari faa ká ɓay haŋa náa séri ɓáy law ɗɛkɛkɛ.»

Luku 19:38

í ɓaa mii: «Ndaɗ ɓay haŋa Ŋgɛrɛwṵru ka sá̰m fe zuɔ tul mbay ká vi ɓáy riŋ Ŋgɛrɛmbay! Law lɔm ɓáy riŋ ɗika ɓa taa Ŋgɛrɛwṵru ká kaw nulue!»

Luku 2:13

Zaɗɛ ku hɔy ruɔ leɗ nzaapeɗri ká nulue tḭi gikiki, í zuɔ tul leɗ nzaapeɗ taa mbḭwke na, i pisi Ŋgɛrɛwṵru í ɓaa mii:

Luku 2:15

Zaɗka leɗ nzaapeɗri ká nulue pɔŋ nzoɓ kɔ́rɔ baɗuri kaw zaɗɛ, í yḭ̀i ɓáy tul ɓal-ri nzɛk ɓa nulue na báyḭi lɛ, nzoɓ kɔ́rɔ baɗuri na, i ɓaa ɓay ká sakra kḭ mii: «Munu zu lɛ, náa séri kpṵru ɓa Betelehɛm, ɓo náa vǎa kɔ́ri fe ká kal ká ɗi, fe ká Ŋgɛrɛmbay ha̰ náa láari ɓayke na.»

Luku 3:22

ha̰ Tem Law Pie ɗì zà̰a munu ká bɛɗɛ pie a ví mgba tul-e kɔkrɔ a kaw ɗi. Báyḭi lɛ, kusol nzoɓ mgba ɓeleŋ ká nulue mii: «Mù ɓa vu-i; mì kɔ mù ɓa nzoɓ nun-i. Ɓa ɓo na ze sùo-i rii mì ɓamba ká tul-a.»

Za̰a 14:27

«Ɗɛkɛkɛ ka sáɗ ziŋ rì. Ɓa ɗɛkɛkɛ taa ɓi ze mì ha rì. Mì ha rì munu ká nzoɓ tukɛlɛri key ha rì ya. Ì ha̰ law-rì ka nzáa-rì ya, a í ha̰ hḭɛ ka ɗáa rì ya nda̰w.

Za̰a 17:4

Mì ha ri kɔ riŋ ɗika ɓo ká tusiri key, mí ɗaa peɗ ká mù pɔŋ zuɔ nduo-i ha̰ ni ɔ ɓáy zaɗɛ ŋgiɗ.

Za̰a 3:16

Ì kɔ, Ŋgɛrɛwṵru hii nzoɓri ká tusiri key ŋgḭi ɓamba, a ha̰ Vi-e ká ɓa leɗ mbḭw hɔy keklek, ɓay haŋa ɓo nzoɓ ha̰a ha̰a ká ɗaa law-ɛ ɓo tul-e lɛ, ka ti ɓíɛ ya, roo lɛ, a káw ɓáy kumnun ká ɗo ɓaŋguɔ na.

Peɗ nzoɓ ndáy nzaapeɗri 10:36

Ɓe na, ka ha̰ nzoɓri vǎa ka-káa ɓay ɓe ha̰ leɗ Izarayɛlri. Ɓa Ɓay Kere ká se tul ɗɛkɛkɛ ká ɗo sakra ɓe ɓáy nzoɓri ɓáy faa Zezu *Krisi ká ɓa Ŋgɛrɛmbay tul nzoɓri riw bele.

Rɔmri 5:1

Ɓe ze, munu ká Ŋgɛrɛwṵru naa ɓay ká tul naari ha̰ náa ɗori ɓáy zaɗɛ nzɛɗɛm ká nun-ɛ ɓáy faa mbika law na, ɗɛkɛkɛ ɗo sakra naari ɓáy Ŋgɛrɛwṵru ɓay tul fe ká Ŋgɛrɛmbay naari Zezu *Krisi ɗaa na.

Efɛzeri 1:6

Munu zu lɛ, riŋ ɗika ɓa taa Ŋgɛrɛwṵru ɓay tul bawda law kere ɓe káʼa ha̰ naari ɓáy ɓil law-ɛ puluk, ɓay ḭi lɛ, náa zuɔri ziŋ Vi-e káʼa kɔ ni ɓa nzoɓ nun-ɛ na.

Efɛzeri 1:9

Ka ha̰ náa kɔ́ri fe ká ɗo zaɗ muni káʼa mbi nzi-ɛ ká ɗi piɛɗ lew hɔy ɓáy law hiiya ɓe ɓay ɗáa ɓáy faa Krisi na.

Efɛzeri 2:4

Roo lɛ, Ŋgɛrɛwṵru na ɓa nzoɓ kɔ́kɔ nun síe nzoɓ nda̰w, a law ini ɓe ká ɓay tul naari kara ŋgḭi ɓamba tasiri nda̰w pi.

Efɛzeri 2:7

Ka ɗaa munu ɓay kíɛke leɗ falri ká ɓil sewri riw bele káʼa ví vuku na ha ri kɔ bawda law kere ɓe ká ɓa hḭɛ ɓamba zikiki káʼa ɗaa ɓáy law hiiya ɓe ziŋ naari ɓáy faa Zezu Krisi.

Filiɓri 2:11

í ɓaa ɓay ɓáy nzaa-ri riw bele mii: «Zezu Krisi ɓa Ŋgɛrɛmbay,» ɓay ɗáake riŋ ɗika ɓo tul Bǎa naari Ŋgɛrɛwṵru.

Filiɓri 2:13

ɓay ḭi lɛ, ɓa ɓe ze ka ɗaa peɗ ká ɓil law-rì ɓaŋguɔ, a ha rì law hiiya ɗáa fe káʼa hii, a í ɔ́rɔke ɓie feke na.

Kolosiri 1:20

Rɔɓay, ɓáy faa ɓe na, ka hii ɓay haŋa feri riw bele na i zúɔ ziŋ ni. Ɓáy faa sím Vi-e ká uo ká tul puu say huɗ na, ka ɗaa ha̰ ɗɛkɛkɛ ɗǒke sakra ɓe ɓáy feri riw bele ká tusiri key nda̰w, nulue nda̰w pi.

2 Tesalonikri 2:16

Ndaɗ ɓay haŋa Ŋgɛrɛmbay naari Zezu Krisi kḭ sùo-ɛ ɓáy Bǎa naari Ŋgɛrɛwṵru, ɓe káʼa kɔ naari ɓa nzoɓ nun-ɛ, káʼa ha̰ law naari huo wṵ̌m, a ha̰ náa ɗáari law naari nzokɗo te tul fe kere ká náa ziŋri ɓáy faa law kere ɓe na,

Fe ká tina nun ha̰ Za̰a 5:13

Rɔɓay, mì laa kusol feri riw bele ká Ŋgɛrɛwṵru ɗaa, ká nulue nda̰w, tusiri key nda̰w, zaɗ baw nda̰w, ká ɓil bawda maambii nda̰w, rɔɔ ɓáy feri riw bele káʼa ɗaa na, i ɗi sim mii: «Ŋgɛrɛwṵru, nzoɓ ká kaw tul kariŋgaw mbay ɓáy Vu Baɗu na, pisi nda̰w, ɗáa mbay nda̰w, riŋ ɗika nda̰w, rɔɔ hṵrusuo nda̰w na, ɓa taa ɓari mbiimbam ɓáy mbiimbam ɓaŋguɔ!»