Luku 2:13 - Kuo

¹³ Zaɗɛ ku hɔy ruɔ leɗ nzaapeɗri ká nulue tḭi gikiki, í zuɔ tul leɗ nzaapeɗ taa mbḭwke na, i pisi Ŋgɛrɛwṵru í ɓaa mii:

Luku 2:13 Iomraidhean Croise

Luku 15:10

Munu zu lɛ, mì ɓaa ha rì: ɗo faa mbḭw munu ɓa má̰y ká ziŋ lari ɓe ká mbḭw káʼa ɗaa suoriya na, leɗ nzaapeɗ Ŋgɛrɛwṵruri ká nulue na i ɗaa suoriya ɓay tul nzoɓ feya̰a mbḭw ká suo kér ɓay ɓe ká tul feya̰a ɓe.»

Luku 2:12

Fe ká ɓay haŋa rì kɔ́ke ɓa sùo ɓay na ze ɗo key: leɗ tupɛŋke ku na, i kaa ni ɓáy gari, í ɗaa ni ɓo ɓil gbokro fe sṵm ndayri. Ɓe ze ɓa zaɗ ká ì zíŋ ni ká ɗi.»

Luku 2:14

«Riŋ ɗika ɓa taa Ŋgɛrɛwṵru ká kaw nulue siya! Ɗɛkɛkɛ taa ɓe ɗo tusiri key ɓay tul nzoɓri káʼa hii ri.»

Efɛzeri 3:10

ɓay haŋa ɓo timbɛɗɛ key ká ɓáy faa nzoɓ mbika lawri riw bele ká i mbṵ tul kḭ na, temri ɓáy hṵrusuori ká re mbay na i kɔ́ke nun nzɛm ɓe ɓáy faa gosikeri ɓoɗ ɓoɗ riw bele.

1 Timote 3:16

Ì kɔ, Zezu Krisi na ví ya̰a sùo ziŋ nzoɓ; Tem Law Pie kiɛ ni ɓa nzoɓ ká ɗo ɓáy zaɗɛ nzɛɗɛm; Leɗ nzaapeɗri ká nulue kɔ ni; Sa̰w nzoɓri riw bele laa ɓay ɓe; Nzoɓri ká tusiri key ɗaa law-ri ɓo tul-e; Ŋgɛrɛwṵru ha̰ ni kaw zaɗ káw riŋ ɗika. Ɓe ze ɓa tusuɛ ɓay ká ɗo zaɗ muni ká Ŋgɛrɛwṵru tina ha̰ ni ɗo zaɗ hie, ká náa ɗáari law naari ɓo ɗi. Tusuɛ ɓay key na ɓa bawda fe na kḭ!

Eborori 1:14

A wa̰a, leɗ nzaapeɗ Ŋgɛrɛwṵruri na, i ɓa nzoɓ veri lɛ? Ɓari riw bele na, i ɓa temri ká i ɗaa peɗ ha̰ Ŋgɛrɛwṵru. Ka pie ri ɓay haŋa ri sɔ nzoɓri ká pam a ɗoko ɓay tul-ri.

1 Piyɛr 1:12

Báyḭi lɛ, Ŋgɛrɛwṵru kiɛ ri ha ri kɔ mii, ɓay ká i ɓaa na ɗo ɓay tul-ri ya, roo lɛ, ɗo ɓay tul-rì. Ɓa ɓay ká ì laa ɓáy faa nzoɓri ká i ví ka-káa Ɓay Kere Krisi ɓáy hṵrusuo Tem Law Pie ká Ŋgɛrɛwṵru pie saa nulue. A leɗ nzaapeɗri ká nulue sùo-ri kara, i ɗaa kɔn tuuka fekeri na.

Fe ká tina nun ha̰ Za̰a 5:11

Báyḭi lɛ, mì kɔ-kɔ́m, a mí laa kusol ruɔ leɗ nzaapeɗ Ŋgɛrɛwṵruri ŋgḭi ɓamba wuruk wuruk mba kḭiŋa. I kiri kariŋgaw mbay ɓáy fe ɗoko ɓáy kumnunri ká niŋ, rɔɔ ɓáy ŋgɛrɛ tul peɗri na,