Luku 10:36 - Kuo

³⁶ Lɛɛ, Zezu vbi ni ɓay mii: «Ká sakra nzoɓri ká say key na wa̰a, nzoɓ ve ze ɓa bǎw nzoɓ ká tḭi saa sakra nzoɓ riiɓari na lɛ woo?»

Luku 10:36 Iomraidhean Croise

Matiye 17:25

Lɛɛ, ka yḭiŋra ɓáy ɓay mii: «Ka pu-puo puo.» Zaɗka Piyɛr ɗo ndúo ɓa hula báyḭi lɛ, Zezu mbi ɓay a ɓaa pola se tul larimbuo na a ɓaa ha̰ ni mii: «Simo̰n, wa̰a, mù ker mina ro ká ɓil law-a lɛ? Wa̰a, mbayri ká tusiri key na, i ya̰a larimbuo saa nduo nzoɓ veri, mase i puo tul fe ɓari ha̰ nzoɓ veri lɛ? I ya̰a saa nduo vu ɓari mase, nzoɓ tul puori lɛ?» Lɛɛ, Piyɛr yḭiŋra ɓáy ɓay mii: «I ya̰a saa nduo nzoɓ tul puori.»

Matiye 22:42

«Ì ker ɓay mina ze ká ɓil law-rì lɛ? *Krisi, nzoɓ ká Ŋgɛrɛwṵru waa ɓay píe ni ví ya̰a nzoɓri na wa̰a, ka ɓa vu bulu ve lɛ?» Lɛɛ, i yḭiŋra ɓáy ɓay ha̰ ni mii: «Ka ɓa vu bulu Mbay *Daviɗ.»

Luku 10:35

Nzaaruoke ku báyḭi lɛ, ka nduo ɓil ɓɔl ɓe a fa̰a lari vay ɓa siɗi, a ha̰ nzoɓ kɔ́rɔ faa hul varuri na a ɓaa ha̰ ni mii: “Mu ya̰a lari na key ɓo, mú ɗáake leɗban key na ɓáy kere ha̰ mì. Ze ɓo mù ɓiɛ lari kḭ ɓay tul-e hɔy kara, yḭ́i ɓi lɛ, ɓi kḭ sùo-i mì púo mù mbɔl fe ha̰yri ká mù ɓiɛ ɓay tul-e ká fal-i na ɓáy.”»

Luku 10:37

Nzoɓ ká fere nzoɓri bol kusolri na yḭiŋra ɓáy ɓay mii: «Ɓa nzoɓ ká kɔ nun síe leɗban na.» Báyḭi lɛ, Zezu ɓaa ha̰ ni mii: «Mu se mú ɗaa faa mbḭw munu ká ɓe na nda̰w.»

Luku 7:42

Munu ká i ɗo ɓáy fe mbḭw ká ɓay púoke mbɔl ɓari ya na, ka ha̰ mbɔl ɓari na siɗi bele ɗo tul-e. A ku wa̰a, nzoɓ taa ha̰a rɔɔ, a kɔ́kɔ ni ɓa nzoɓ nun-ɛ mba nzoɓ ha̰w lɛ?»