Proverbios 3:7 - El Nuevo Testamento y unos libros del Antiguo Testamento

⁷ Ma kokuu ron ñayiu ndichi jin ja ndakani ini maa ron, koyuꞌu niꞌnu Jitoꞌo, te kujioo nuu jakueꞌe.

Proverbios 3:7 Iomraidhean Croise

Éxodo 20:20

Te jiñaꞌa Moisés nuu ñayiu ñuu: ―Ma vi koyuꞌu ni, chi vaji ia Dios nagua ja koto tnuni ña ya, te saa nagua ja siun ni vi koyuꞌu ni ya, te ma vi saꞌa ni yika kuechi ―jiñaꞌa de.

Proverbios 14:16

Ñayiu ndichi, chi yuꞌu niꞌnui ia Dios, te kujioi nuu jakueꞌe. Su ñayiu vasa, chi saꞌa teyii, te tu nagua ndiꞌni saꞌuin.

Proverbios 14:27

Nuu ka yuꞌu niꞌnuo Jitoꞌo, te taa ja vi kotekuo, nagua ja vi kaku niꞌnuo nuu ndaꞌa ja jaꞌni ña.

Proverbios 16:6

Nuu ka kundaꞌu ini tnaꞌa ñayiu vi ka saꞌa ndai, te jakaꞌnu ini ia Dios yika kuechi, te ja yuꞌu niꞌnu ñayiu Jitoꞌo, kuu ja kujioi nuu jakueꞌe.

Proverbios 23:4

Ma nduku ndee ndevaꞌa ron ja kuu kuika ron, kaꞌnde ini, ma kondiꞌni ron jin yun.

Proverbios 26:12

¿A jini ron in tee ja kaꞌan de ja tee ndichi kuu maa de? Te guaꞌa ka kuu ja kukanu inio in tee vasa, masu tee kaꞌan ja tee ndichi kuu de.

Proverbios 26:5

Ndakaꞌan nuu ñayiu vasa naxa kuini ja kaꞌan ron nui, nagua ja ma kokuu teyii ja ñayiu ndichi kuu mai.

Proverbios 28:11

Ñayiu kuika, chi kaꞌin ja ñayiu ndichi ndevaꞌa kui. Su ñayiu kundaꞌu ja jinkuiꞌnu ini, chi skuaꞌa guaguaꞌi naxa oo ñayiu kuika yun.

Proverbios 28:26

Ñayiu kukanu ini mai, chi in ñayiu vasa kui. Su ñayiu jika jin tnoꞌo ndichi, chi kakui nuu tnundoꞌo.

Proverbios 8:13

Te ja yuꞌu niꞌnuo Jitoꞌo kuu ja skexiko jakueꞌe, te ruꞌun, chi skexiko rin tnoꞌo teyii vi tnoꞌo niꞌi vi ichi kueꞌe vi tnoꞌo neꞌe.

Romanos 11:25

Kuini san ja vi kuni ni, vi ñani vi kuaꞌa, naxa oo tnoꞌo yaꞌa ja ni yiyuꞌu, nagua ja ma vi kokuu teyii ni ja inu ndichi ka ni. Te yaꞌa kuu ja ka kundee ini sava ñayiu Israel, guaa ndee na jino kiuu ja vi kandija ñayiu sava ka tatatnoꞌo.

Romanos 12:16

Te vi kintnaꞌa inuu ni jin in in ni. Te ma vi kokuu teyii ni, chi vi koo inuu ni jin ñayiu ka saꞌa ndaꞌu maa. Te ma vi kani ini ni ja inu ndichi ka ni.