Proverbios 3:3 - El Nuevo Testamento y unos libros del Antiguo Testamento

³ Te ma kujioo jandaꞌu ini ia Dios vi tnoꞌo ndaa ya nuu ron, te tnaa sukun ron na kuinio in ja ñuꞌu sukun, te tee tnoꞌo ya ini anu ron.

Proverbios 3:3 Iomraidhean Croise

Salmos 119:11

Chi ndee ini ndee anu san tavaꞌa san tnoꞌo kaꞌan ni, nagua ja ma saꞌa san yika kuechi nuu ni.

Salmos 25:10

Te ndiꞌi ichi kuiñi Jitoꞌo kuu ichi ndaa, te kundaꞌu ini ya ñayiu ka tavaꞌa tnoꞌo ni kee yuꞌu ya vi tnoꞌo tatnuni ya.

Salmos 85:10

Te vi nukuntnaꞌa ja ndaꞌu ini ya jin tnoꞌo ndaa, te vi ndakanu niꞌnu tnaꞌa tniuu ndaa jin jamani.

Éxodo 13:9

Te viko yaꞌa na kokuu na kuinio in seña ja kondee nuu ndaꞌa ni axi tnee ni, nagua ja vi kondakaꞌan ni, te na koo Ley Jitoꞌo nuu yuꞌu ni, chi jin jakaꞌnu ndevaꞌa maa Jitoꞌo, te ni ndeneꞌe ña ya nuu ñuu Egipto.

Proverbios 1:9

chi tnoꞌo vii tnoꞌo vaꞌa yun ndukutu xini ron, te kokuu na kuinio in chiꞌi ja ñuꞌu sukun ron.

Proverbios 14:22

Naa ndoñuꞌu ñayiu ndakani ini ja saꞌi jakueꞌe. Su ñayiu ndakani ini ja saꞌa guaꞌi, chi niꞌi ja kundaꞌu ini ña inka ñayiu vi tnoꞌo ndaa.

Proverbios 16:6

Nuu ka kundaꞌu ini tnaꞌa ñayiu vi ka saꞌa ndai, te jakaꞌnu ini ia Dios yika kuechi, te ja yuꞌu niꞌnu ñayiu Jitoꞌo, kuu ja kujioi nuu jakueꞌe.

Proverbios 20:28

Jin tniuu guaꞌa vi ja saꞌa ndaa rey tavaꞌa ña jin de, te jin ja ndaꞌu ini de oo yutnu nuu tatnuni de.

Proverbios 6:21

Tnaa vaꞌa ndee ini ndee anu ron, te tnaa na kuꞌun sukun ron.

Proverbios 7:3

Te kuꞌni na kindee xindaꞌa ron, vi tee ini anu ron.

Malaquías 2:6

Te ni okaxtnoꞌo de tnoꞌo ndaa nuu ñayiu, te tu na tnoꞌo kueꞌe ni okaꞌan de. Ni oo mani de vi ni ojika ndaa de nuu rin, te kuaꞌa ñayiu ni ndatau de nuu ichi kueꞌe.

San Mateo 23:23

’¡Ndaꞌu ni ka maa ni, tee ka kaxtnoꞌo Ley vi tee ka kuu fariseo, seꞌe ndijani ini! Chi ka saꞌa siin ni uxi ja ciento menta vi anís vi cominu, te ka soko ni nuu ia Dios. Su ka xndoo ni jakaꞌnu ka nuu Ley ja vi saꞌa ndaa ni, te vi kundaꞌu ini ni ñayiu, te vi kandija ni. Yaꞌa kuu ja kanuu ka ja vi saꞌa ni, te suni maa vi xndoo ni ja vi soko ni.

2 Corintios 3:3

Te ka xtuu ndijin ni maa ni ja ka kuu ni na kuinio in tutu maa Jesukristu, ja ni ka tee san. Te masu jin tinta ni ka tee san, chi jin Espíritu maa Dios, ia teku. Te masu in nuu yuu jite nuu ni tee ia Dios Ley ya, chi nuu anu ñayiu ni ka tee san.

Efesios 5:9

Chi nuu ia yeꞌe niꞌnu vaji ja vaꞌa ini ñayiu vi ja kaka ndai vi ja saꞌa ndaꞌi.

Hebreos 10:16

Yaꞌa kuu tratu ja saꞌa rin jin ñayiu nuu na kenta kiuu yun, kachi Jitoꞌo Dios: Saꞌa rin ja junkuꞌun Ley rin ini anui, te nuu jajintnuni tee rin Ley rin.