San Lucas 9:5 - El Nuevo Testamento y unos libros del Antiguo Testamento

⁵ Te nuu ja ndee in ñuu tu ka kuini ñayiu ja vi kuantaꞌu ñai, te ndekuei ni ñuu yun, te vi kisi ni ñuyaka siꞌin ni, nagua ja na kokuu in seña ja kokaꞌan kuechi siki ñayiu ñuu yun ―jiñaꞌa ya.

San Lucas 9:5 Iomraidhean Croise

San Mateo 10:18

Te suni vi ndasiaꞌa ña de guaa ndee ndaꞌa tee ka netniuu sava ka ñuu vi nuu ndaꞌa tee ka kuu rey ja jaꞌa sein. Saa te kuu vi ndakani ni tnoꞌo san nuu de vi nuu ñayiu sava ka tatatnoꞌo.

San Marcos 6:11

Te nuu ja in ñuu tu ka jantaꞌu ña ñayiu jin ni, te ni tu ka kuini ja vi konini tnoꞌo ka kaꞌan ni, ndekuei ni yun, te vi kisi ni ñuyaka ka ndaa siꞌin ni ja kokuu in seña ja ka tavi kuechi ja tu ni ka jantaꞌui. Chi kaꞌan ndandaa san ja kiuu sandaa ia Dios kuechi ñayiu ñuyiu, te kuaꞌa ka vi tniuyaꞌu ñayiu ñuu yun saa ñayiu ñuu Sodoma vi Gomorra ―jiñaꞌa ya.

San Marcos 9:37

―Na ñayiu jantaꞌu in suchi luluu ja jaꞌa maa san na kuinio suchi yaꞌa, te jantaꞌu ñai jin maa san. Te na in jantaꞌu ña jin maa san, te masu maintnoꞌo maa san jantaꞌui, chi suni jantaꞌui ia ni tetniuu ña jin san ―jiñaꞌa ya.

San Lucas 10:16

Yun te jiñaꞌa ya nuu tee ni tetniuu ya: ―Na ñayiu ka nini tnoꞌo ka kaꞌan ni, te suni ka nini tnoꞌo kaꞌan san. Te na ñayiu ka skexiko ña jin ni, te suni ka skexiko ñai jin san. Te na ñayiu ka skexiko ña jin san, te suni ka skexikoi ia ni tetniuu ña jin san ―jiñaꞌa ya.

San Lucas 5:14

Yun te ni tatnuni Jesús ja ma ndakani de nuu ni in ñayiu ja suu ya ni ndasaꞌa ña. Te jiñaꞌa ya: ―Kuaꞌan ni, te xneꞌe ni maa ni nuu sutu, te soko ni nuu ia Dios nagua ni tatnuni Moisés, nagua ja na vi kuni ñayiu ja ni nduvaꞌa ni ―jiñaꞌa ya suaꞌa.

San Lucas 9:4

Te ndee ni ñayiu xiin veꞌe jinokuei ni, yun ni vi koo ni ndee ndekuei ni ja kiꞌinkuei ni inka ñuu.

San Lucas 9:48

Te jiñaꞌa ya: ―Nani kuu ñayiu jantaꞌu in suchi luluu ja jaꞌa maa san na kuinio suchi yaꞌa, te jantaꞌu ñai jin maa san. Te nani kuu ñayiu jantaꞌu ña jin maa san, te jantaꞌui ia ni tetniuu ña jin san. Chi ñayiu kuu lule ka neꞌu ndiꞌi maa ni, kuu ñayiu kuu kaꞌnu ka ―jiñaꞌa ya.

Hechos 13:51

Yun te ni ka kisi de ñuyaka siꞌin de siki ñayiu ñuu yun, ja kuu in seña ja tu ni ka jantaꞌui tnoꞌo vaꞌa Jesús, te kuaꞌankuei de ja ni jinokuei de ñuu Iconio.

Hechos 18:6

Su saa suaꞌa ni ka ndakoo ñayiu yun siki de vi ni ka nani ñai jin de. Yun te ni kisi Pablo saꞌun de ja kokuu in seña ja tu ni ka kandija ñayiu yun, te jiñaꞌa de: ―Kuechi maa ni vi kokuu ja vi naa ni. Te ma kotavi kuechi ña san, chi ni kaxtnoꞌo san tnoꞌo Jesús. Te ndee vitna te kee san kiꞌin san nuu ñayiu sava ka tatatnoꞌo.