San Lucas 9:41 - El Nuevo Testamento y unos libros del Antiguo Testamento

⁴¹ Yun te jiñaꞌa Jesús: ―Ñayiu kueꞌe ja tu ka kandija ka kuu ni. ¿Nasaa ka kiuu guaa kundee ini san ja vi koo? Nuu saa te kisiaꞌa ni seꞌe ni yaꞌa ―jiñaꞌa ya.

San Lucas 9:41 Iomraidhean Croise

Salmos 78:8

te ma vi kosaꞌi nagua ni ka osaꞌa ndi nijaꞌnui, ja ni ka okuu ñayiu tu ka jini nagua ka saꞌa, vi ni ka ondakoo siki ia Dios, vi ni ka okuu ñayiu ja yaꞌa yun ni ja ni ka ondakani ini, te tu ni ka okuu ñayiu ndaa nuu ia Dios.

Éxodo 10:3

Yun te ni jaꞌankuei Moisés vi Aarón nuu Faraón, te ka jiñaꞌa de: ―Suaꞌa kaꞌan Jitoꞌo Dios ñayiu hebreo: “¿Nasaa ka kiuu te saa nuu soꞌo ron nuu rin? Kuandetu na kiꞌinkuei ñayiu ñuu rin, nagua ja na vi chiñuꞌu ñai jin rin.

Éxodo 16:28

Te jiñaꞌa Jitoꞌo nuu Moisés: ―¿Nasaa ka kiuu vi kokusoꞌo ron nuu tnoꞌo tatnuni rin vi nuu Ley rin?

San Mateo 11:28

Neꞌekuei ndiꞌi maa ni ja ni ka kuita ni jin tniuu ka saꞌa ni vi jin javee ndevaꞌa ka ndiso ni, te maa san saꞌa ja vi ndatatu ni.

San Mateo 12:39

Yun te jiñaꞌa ya: ͏―͏Ñayiu yaꞌa, chi inu kueꞌe ndevaꞌi, te tu ka jantaꞌu kuiti ia Dios, ka jikan ja na saꞌa san in tniuu kaꞌnu. Su tu ka na tniuu kaꞌnu saꞌa san, chi maa ni nagua ni ndoꞌo Jonás, tee ni ndakani tnoꞌo ia Dios ndee janaꞌa.

San Mateo 12:45

Yun te kiꞌin junkuaka uja tachi kueꞌe ndevaꞌa ka saa maa, te ndajinokuei, te kiukuei ja vi koo ini anu ñayiu yun. Nuu saa, te kueꞌe ndevaꞌa ka ñayiu kokui saa jaxtnañuꞌu. Te suni saa vi ndoꞌo ñayiu ka oo tiempu vitna, chi ñayiu kueꞌe ndevaꞌa ka kui ͏―͏jiñaꞌa ya.

San Mateo 16:4

Tatatnoꞌo kueꞌe ja tu ka kandija ia Dios, ka jikan in tniuu kaꞌnu, su ma saꞌa san, chi maintnoꞌo ni tniuu kaꞌnu nagua ni ndoꞌo Jonás, tee ni ndakani tnoꞌo ia Dios ndee janaꞌa, kuu ja xneꞌe san ͏―͏jiñaꞌa ya, te kuaꞌan ya.

San Mateo 17:17

Yun te jiñaꞌa Jesús: ͏―͏Tatatnoꞌo kueꞌe ja tu ka kandija, ¿nasaa ka kiuu kuu ja koo san jin ni? ¿Nasaa ka kiuu guaa kuandee ini san jin ni? Vi kisiaꞌa ni jin yaꞌa nuu saa ͏―͏jiñaꞌa ya.

San Mateo 23:36

Te kaꞌan ndaa ndija san ja ndiꞌi kuechi yaꞌa nanakau siki ñayiu ka oo kiuu vitna ͏―͏jiñaꞌa ya.

San Mateo 3:7

Su nuu ni jini de ja vajikuei kuaꞌa ñayiu fariseo vi ñayiu saduceo ja vi kuandute, te jiñaꞌa de suaꞌa: ͏―͏Seꞌe tatatnoꞌo koo, ¿na in ni kaxtnoꞌo ja kuu vi kaku niꞌnu ni nuu tnundoꞌo ja oo yatni ja tetniuu ia Dios?

San Marcos 10:14

Te nuu ni jini Jesús, te ni kiti ini ya, te jiñaꞌa ya: ―Vi kuandetu ni na kikuei maa suchi kueli jian nuu san, te ma vi kasi niꞌnu ni ja kikuei, chi nuu tatnuni ia Dios kuu nuu vi koo ñayiu ka kuu na kuinio suchi kueli yaꞌa.

San Marcos 10:49

Yun te ni jinkuiin Jesús, te ni kaꞌan ya ja na vi kana ña jin de. Te ni ka kaꞌan ña jin tee kuꞌu nuu yun, te ka jiñaꞌa: ―Koo anu ni, te ndakoo ni neꞌe ni, chi kana ña de jin ni ―ka jiñaꞌa de.

San Marcos 9:19

Yun te jiñaꞌa ya: ―Tatatnoꞌo kueꞌe ja tu ka kandija, ¿nasaa ka kiuu guaa koo san jin ni? ¿Nasaa ka kiuu guaa kuandee ini san? Vi kisiaꞌa ni jin yaꞌa nuu saa ―jiñaꞌa ya.

San Lucas 8:25

Yun te jiñaꞌa ya nuu tee ka skuaꞌa jin ya: ―¿Nau ja tu ka kandija ni? ―jiñaꞌa ya. Su ni ka yuꞌu ndevaꞌa de vi ni ka saꞌu kuii ini de ka ndiaꞌa de ja siun ni saꞌa Jesús, te ni ka jinkondee de ka ndatnoꞌo de: ―¿Na in kuu tee yaꞌa ja vi ndee nuu tikacha vi nuu ndute mar tatnuni de, te ka jantnoꞌo tnoꞌo kaꞌan de? ―ka ndatnoꞌo de suaꞌa.

San Lucas 9:40

Te ja ni jikantaꞌu san nuu sava ka tee ka skuaꞌa jin ni ja vi tanundaꞌa de vi tajioo de espíritu kueꞌe ñuꞌu ña jin seꞌe san, su tu ni kuu ja vi saꞌa de ―jiñaꞌa de.

San Lucas 9:42

Te nuu makuyatni suchi kuꞌu yun nuu oo Jesús, te ni xndonso ña tachi yun ja ni skunee tuku ña. Su ni kaꞌan xeen Jesús jin espíritu tachi yun, te ni kujioo. Saa te ni nduvaꞌa suchi yii yun, te ni ndakuñaꞌa ña ya jin nuu tatai.

San Juan 14:9

Te jiñaꞌa Jesús: ―Felipe, ja ni kunaꞌa ka oo, ¿te a vi tu jini ña ni jin san? Chi na in jini ña jin san, te jini Tata san. ¿Te nau ja kaꞌan ni: “Xneꞌe ni Tata ni”?

San Juan 20:27

Yun te jiñaꞌa ya nuu Tomás: ―Chiꞌi xindaꞌa ron ini ndaꞌa rin, te kondiaꞌa ndaꞌa rin, te chiꞌi ndaꞌa ron yika rin, te kuni ron nuu ni tuji, te kandija; ma kokuu ron in tee soꞌo ja tu kandija ―jiñaꞌa ya.

Hechos 13:18

Te ni jandee ni jakaꞌnu ini ya ja ni ka osaꞌa ñayiu yun ndee nuu uu xiko kuia ja ni ka ojionditai nuu ñuꞌu teꞌa ja tu na ñayiu oo.

Hechos 2:40

Ni kaꞌan Pedro ndiꞌi tnoꞌo yaꞌa vi kuaꞌa ka tnoꞌo, te xteku ña de: ―Vi kujioo ni nuu ñayiu ka saꞌa jakueꞌe ka oo vitna ―jiñaꞌa de.

Romanos 2:4

Ma skexiko maa ni javaꞌa ndevaꞌa ini ia Dios, chi jandee ini ya ja tu tetniuu ya tnundoꞌo tnaꞌa ni, chi ndetu nuu ni ya. ¿Te a tu jinkuiꞌnu ini ni ja javaꞌa ini ya nduku ja ndatnaꞌu ini ni nuu yika kuechi ni?

Hebreos 3:19

Te ka jinio ja tu ni kuu kiukuei ñayiu yun, chi tu ni ka kandijai.

Hebreos 4:11

Nuu saa te na vi nduku ndeo kiukueio ja vi ndatatuo, nagua ni ion ma vi kanakau nuu kuechi ja vi kondikion nagua ni ka saꞌa ñayiu janaꞌa yun, ja tu ni ka kandijai.

Hebreos 4:2

Chi suni ni ka oninio ja ni ka ndakani tnoꞌo vaꞌa ia Dios, nagua ni ka onini ñayiu janaꞌa. Su tu ni jiniuꞌu nuu ñayiu yun ja ni ka onini, chi tu ni ka kandijai tnoꞌo ni ka onini yun.

Hebreos 7:25

Yun guaa kuu skaku niꞌnu ya ñayiu ka kuyatni nuu ia Dios ja vi kotekui nikuii nikani jin maꞌñu sagua maa ya, chi teku ya nikuii nikani ja kaꞌan niꞌnu ya ja jaꞌa ñayiu nuu ia Dios.