San Lucas 8:47 - El Nuevo Testamento y unos libros del Antiguo Testamento

⁴⁷ Te nuu ni jini ñaꞌa yun ja ma kuu kuyuꞌu ña, te vi suaꞌa kisi ña ja yuꞌu ña, te ni jinkuiin jiti ña nuu Jesús, te ni kaxtnoꞌo ña jin nuu ndiꞌi ñayiu nau ja ni keꞌe ña saꞌun ya, te vi nuu saa ni nduvaꞌa ña.

San Lucas 8:47 Iomraidhean Croise

San Marcos 5:33

Te ñaꞌa yun, chi vi suaꞌa niꞌi ña ja yuꞌu ña, chi ja jini ña naxa ni kuu jin maa ña. Ni jino ña, te ni jinkuiin jiti ña nuu ya, te ni ndakani ndaa ña ndiꞌi naxa ni ndoꞌo ña.

2 Corintios 7:15

Te viꞌi ka kutoo ña de jin in in maa ni, nuu ndakaꞌan ña de ja ndiꞌi ni ni ka jantnoꞌo nagua ni kaꞌan de, te yiñuꞌu ndevaꞌa ni ka jantaꞌu ni de.

Hebreos 12:28

Chi taa ia Dios nuo in nuu tatnuni maa ya nuu ma xtajioo ya. Te na vi ndakuantaꞌuo nuu ya ja jaꞌa yaꞌa, vi na vi chiñuꞌo ya, te siun ni vi koyuꞌu niꞌnuo nuu ya, nagua ja na junkuaan ini ya.

1 Corintios 2:3

Te nuu ni jaa san nuu ka oo ni, chi vita ni oo san, vi kisi san ja yuꞌu ndevaꞌa san.

Salmos 2:11

Vi kunukuechi ni nuu maa Jitoꞌo, te vi chiñuꞌu ni ya ja vi suaꞌa ka niꞌi ni ja ka yuꞌu ni ya.

Hechos 16:29

Yun te ni jikan tee jito vekaa yun ja ni ka xnuu ñuꞌu, te vi jino ndaa de ni kiuu de, te vi suaꞌa niꞌi de ja yuꞌu de, te ni jinkindei de ndee nuu ñuꞌu nuu jaꞌa Pablo vi Silas.

Isaías 66:2

Chi jin ndaꞌa maa rin ni saꞌa rin ndiꞌi yaꞌa, te yun guaa ni ka jinkoo ndiꞌi”, kachi Jitoꞌo. “Te ñayiu kaꞌan vaꞌa rin ka kuu ñayiu ka saꞌa ndaꞌu ka saꞌa kee mai vi ñayiu ka kusuchi ini ja ka ndatnaꞌu ini nuu jakueꞌe ka saꞌi, te vi ka niꞌi ja ka yuꞌu niꞌnui nuu tnoꞌo rin.

Salmos 38:9

Ja jini maa ni ndiꞌi nagua ndioo ini san, vi Jitoꞌo san, te ja jini maa ni ja jaka ndaꞌu ini san.

Filipenses 2:12

Nuu saa, vi ñani vi kuaꞌa ja kaꞌan too ña san, nagua ni ka ojantnoꞌo ni tnoꞌo ni kaxtnoꞌo san nuu ni ka oo, te vi kuantnoꞌo guaꞌa ka ni vitna ja oo jika san, te vi kondiꞌni ni ja vi kaka ndaa ni jin tnoꞌo ja ni skaku niꞌnu ña ya jin ni, te vi saꞌa ndaꞌu ni maa ni ja ka yuꞌu niꞌnu ni ya.

San Mateo 28:8

Yun te ni ndekuei ñama ña yau ñaña yun, te vi joo ka yuꞌu ña vi ka kusii ndevaꞌa ini ña. Te ni ka jino ña kuanoꞌokuei ña ja vi kaxtnoꞌo ña nuu tee ni ka oskuaꞌa jin Jesús. Te vi nini kuanoꞌokuei ña ja vi kaxtnoꞌo ña nuu de,

Salmos 66:16

Neꞌekuei ndiꞌi ni ja ka yuꞌu niꞌnu ni ia Dios, te vi konini ni. Na ndakani san naxa ni saꞌa ya jin san.

San Lucas 8:46

Su jiñaꞌa Jesús: ―Oo ndee in ñayiu ni keꞌe ña jin san, chi ni jini san ja ni nduvaꞌa in ñayiu jin jakaꞌnu ndiso san ―jiñaꞌa ya suaꞌa.

San Lucas 8:48

Yun te jiñaꞌa Jesús: ―Sesiꞌi, ni nduvaꞌa ni, chi ni kandija ña ni jin san. Te kuanoꞌo sii ini ni ―jiñaꞌa ya.