San Lucas 8:25 - El Nuevo Testamento y unos libros del Antiguo Testamento

²⁵ Yun te jiñaꞌa ya nuu tee ka skuaꞌa jin ya: ―¿Nau ja tu ka kandija ni? ―jiñaꞌa ya. Su ni ka yuꞌu ndevaꞌa de vi ni ka saꞌu kuii ini de ka ndiaꞌa de ja siun ni saꞌa Jesús, te ni ka jinkondee de ka ndatnoꞌo de: ―¿Na in kuu tee yaꞌa ja vi ndee nuu tikacha vi nuu ndute mar tatnuni de, te ka jantnoꞌo tnoꞌo kaꞌan de? ―ka ndatnoꞌo de suaꞌa.

San Lucas 8:25 Iomraidhean Croise

Proverbios 30:4

¿Chi na in ni kaa ndee andivi, te ni ndajiokuiin? ¿Axi na in ni jasi tachi nuu yiꞌi in nuu tikoko ndaꞌi? ¿Axi na in ni tniutuu ndute in nuu saꞌuin? ¿Axi na in ni tatnuni ndenu yituu jaꞌa ñuyiu? ¿Naxa nani ya, vi naxa nani seꞌe ya, nuu ja jini ni?

Proverbios 8:29

Te nuu ni tatnuni ya nuu ndute ja ma kee de kiꞌin de, nagua ni chikuaꞌa ya ja koo de nuu ni jani ya naxa koo ñuꞌu,

San Mateo 14:31

Yun te vi nuu saa ni skaa Jesús ndaꞌa ya, te ni ndatnii ña ya, te jiñaꞌa ya: ͏―͏Tee tu kandija guaꞌa kuu ni. ¿Nau ja ni ndakani ini ni?

San Mateo 17:20

Te jiñaꞌa Jesús: ͏―͏Saa chi tu ka kandija guaꞌa ni. Chi kaꞌan ndaa ndija san ja nuu na vi kandija ni visi ja in taꞌu luluu nagua luluu in ndikin yuku stancia, te vi kuñaꞌa ni nuu tinduu yaꞌa: “Kujioo te ndayaꞌa ron ndee yun”, te vitna ñuꞌni ndayaꞌa kiꞌin. Chi tu na in tniuu kachio ja ma kuu vi saꞌa ni.

San Mateo 6:30

Chi nuu ja saa skuiꞌnu ia Dios ita yuku yun ja vitna ka oi te xtnee kekuei nuu ñuꞌu ja vi kai, te viꞌi ka tu maa ni ja ma skuiꞌnu ña ya, visi ñayiu tu ka kandija guaꞌa ka kuu ni.

San Mateo 8:10

Te nuu ni onini Jesús, te vini saꞌu kuii kuiti ini ya, te jiñaꞌa ya nuu ñayiu ka ndikin ña: ͏―͏Kaꞌan ndaa san ja nii ñuu mao Israel, tu jinkuꞌun san ni in ñayiu ja kandija ia Dios nagua kandija capitán yaꞌa.

San Mateo 8:26

Yun te jiñaꞌa ya: ͏―͏¿Nau ja ka yuꞌu ni, seꞌe tee tu ka kandija guaꞌa? Yun te ni ndakoo ya, te ni tatnuni ya nuu tikacha yun jin ola ndute yun, te ni jinkuiin ndiꞌi.

San Marcos 4:35

Te nuu ni kunee kiuu yun, te jiñaꞌa ya nuu tee ka skuaꞌa jin ya: ―Na vi yaꞌo inka jioo ndute mar.

San Lucas 12:28

Chi nuu ja saa skuiꞌnu ia Dios jin yuku yun ja vitna oi, te xtnee vija kei nuu ñuꞌu ja kai, te viꞌi ka tu maa ni ja ma skuiꞌnu ña ya, visi tu ka kandija guaꞌa ni.

San Lucas 8:24

Yun te ni jinokuei de ja ni ka xndoto de Jesús, te ka jiñaꞌa de: ―Mastru, Mastru, ndoto ni, chi makekueio nuu ndute yaꞌa ―ka jiñaꞌa de. Yun te ni ndakoo Jesús, te ni tatnuni ya nuu ndute mar vi nuu tachi yiꞌi yun, te ni ka jinkuiin.

San Lucas 8:26

Yun te ni jinokuei ya yuku ja tnii Gadara, ñuu ja kaa inka jioo ndute mar Galilea.

San Juan 11:40

Te jiñaꞌa Jesús: ―Ja ni kaꞌan san nuu ni ja nuu ja kandija ni, te kuni ni jakaꞌnu ia Dios ―jiñaꞌa ya.