San Lucas 7:39 - El Nuevo Testamento y unos libros del Antiguo Testamento

³⁹ Te ndiaꞌa tee kuu fariseo yun, te ni ndakani ini de: “Nuu ja ndija ja tee ndakani tnoꞌo ia Dios kuu tee yaꞌa, chi kuni de na ñaꞌa kuu ñaꞌa yaꞌa ja tnii ña jaꞌa de, chi in ñaꞌa saꞌa yika kuechi kuu ña”, ndakani ini de.

San Lucas 7:39 Iomraidhean Croise

Proverbios 23:7

Chi nagua ndakani ini de jin anu de, te saa oo de, te kachi de: “Kaa vi koꞌo ron”, su masu ndija de ja kaꞌan de jin anu de.

Isaías 65:5

Te ka kachi: Jian ni koo maa ni, te ma kitnaꞌa ña ni jin san, chi ñayiu ii ka kuu san saa maa ni. Te ñayiu yaꞌa ka kuu na kuinio ñuaꞌa ja saꞌa kueꞌe xnii rin ja ka skiti ini ñai jin rin na kuinio ñuꞌu ja ndiꞌi ni kiuu kai.

San Mateo 20:16

Te yun guaa ñayiu xtnañuꞌu vitna vi kokui jasandiꞌi, te ñayiu sandiꞌi vi nduu ñayiu xtnañuꞌu. Chi kuaꞌa ñayiu kana ia Dios, su joo ni ñayiu ndakaji ya ͏―͏jiñaꞌa Jesús.

San Mateo 21:11

Te ka jiñaꞌa sava ñayiu: ͏―͏Tee yaꞌa kuu Jesús, tee ndakani tnoꞌo maa ia Dios, tee ñuu Nazaret ja tnii Galilea ͏―͏ka jiñaꞌi.

San Marcos 7:21

Chi ndee ini anu ñayiu, makana ja ndakani kueꞌe ini, ja skindee tnaꞌi, ja saꞌi kuechi ñuyiu nuu kuini ka tnandaꞌi, ja kaꞌni ndiyi,

San Lucas 12:17

Te ni ndakani ini de jin anu de: “¿Naxa saꞌo, te tu ndee nune ja tavaꞌo ja ni kee nuu ñundeꞌio?” kachi de.

San Lucas 15:2

Te yun guaa ni ka kaꞌan ndee ña tee ka kuu fariseo vi tee ka kaxtnoꞌo Ley Moisés, te ka jiñaꞌa de: ―Tee yaꞌa, chi jantaꞌu de ñayiu ka saꞌa yika kuechi, vi in ni ka jaa de xtaa ―ka kachi de suaꞌa.

San Lucas 16:3

’Te ni jinkondee tee yun ndakani ini de: “¿Naxa saꞌo vitna, te ma taa ka lamuo tniuu saꞌo? Te tu oo ndakuio ja kutuo nuu ñuꞌu, te vitna kukanoo ja kiꞌon kakan uon ja kao.

San Lucas 18:4

Te kuaꞌa jichi tu ni kuini de ja saꞌa ndaa de kuechi yun. Su ni oo in kiuu, te ni ndakani ini de: “Visi tu yuꞌo Dios, te ni tu ndiꞌnio nagua ka kuu ñayiu,

San Lucas 3:8

Vitna, te vi saꞌa ni javaꞌa ja ni ka ndataꞌu ini ndija ni. Te ma vi saꞌa teyii ni maa ni ja tatatnoꞌo Abraham ka kuu ni, chi kaꞌan ndaa san ja ia Dios, chi vi ndee yuu yaꞌa te kuu ndasaꞌa ya ja vi ndui tatatnoꞌo Abraham.

San Lucas 7:16

Te nuu ni ka jini ñayiu ja siun ni kuu, te ni ka yuꞌu ndevaꞌi, te ni ka chiñuꞌi ia Dios, te ka jiñaꞌi: ―Vitna te ni ka jinio in tee kaꞌnu ndevaꞌa ja ndakani tnoꞌo ia Dios. Te ni kii ia Dios ja ni chituu ña ya jion ja ka kuo ñayiu ñuu ya ―ka kachi suaꞌa.

San Lucas 7:37

Te ñuu yun oo in ñaꞌa saꞌa ndevaꞌa yika kuechi. Te nuu ni jini ña ja ni jino Jesús veꞌe tee kuu fariseo yun, te ni kiꞌin ña in tindoꞌo vii ndevaꞌa ja ñuꞌu tatna xiko, te kuaꞌan ña nuu oo ya.

San Lucas 7:38

Te nuu ni jino ña, te ni jinkuiin jiti ña nuu jaꞌa Jesús, te ni jinkondee ña jaku ña, te joso ña ndute nuu ña siki jaꞌa ya. Yun te ndasaꞌa yichi ña jin ixi xini ña, te tetuyuꞌu ña jaꞌa ya, te ni chiꞌi ña tatna xiko nee ña yun.

San Lucas 7:40

Yun te jiñaꞌa Jesús: ―Simón, oo in tnoꞌo kuini san ja kaꞌan san jin ni ―jiñaꞌa ya. Te jiñaꞌa de: ―Kaꞌan ni, Mastru.

San Juan 4:19

Te jiñaꞌa ñasiꞌi yun: ―Kuaꞌa, na tnoꞌo kaꞌan san ja tee ndakani tnoꞌo ia Dios kuu ni.

San Juan 7:12

Su ni ka kaꞌan ndevaꞌa ñayiu kuaꞌa yun ja jaꞌa ya, te sava de ka kachi: “Tee guaꞌa kuu de”. Su sava ka de ka kachi: “Ñaꞌa, chi ninoꞌo ni xndaꞌu de ñayiu ñuo”.

San Juan 9:24

Yun te ni ka ndakana de tee ni okuꞌu nuu yun, te ka jiñaꞌa de: ―Kaꞌan ndaa ni jin nuu ia Dios, chi ja ka jini san ja tee yun, chi tee saꞌa yika kuechi kuu de ―ka jiñaꞌa de.