San Lucas 7:22 - El Nuevo Testamento y unos libros del Antiguo Testamento

²² Yun te jiñaꞌa Jesús nuu tee ni tetniuu Juan: ―Kuaꞌankuei ni te vi ndakani ni nuu Juan ndiꞌi ja ni ka jini ni vi ni ka onini ni, ja ni ka nduvaꞌa ñayiu ka kuꞌu nuu, vi ñayiu ka kuꞌu siꞌin, vi ñayiu ka kuꞌu kueꞌe teꞌi, vi ñayiu ka ndesi soꞌo vi ni ka ndateku ñayiu ni ka jiꞌi. Te vaji san kaxtnoꞌo san tnoꞌo ia Dios nuu ñayiu ka kundaꞌu.

San Lucas 7:22 Iomraidhean Croise

Salmos 146:8

Vi ndasaꞌa Jitoꞌo nduchi nuu ñayiu ka ndesi nuu, vi ndoneꞌe ña Jitoꞌo jin ñayiu ka ndondiso, vi kutoo ña Jitoꞌo jin ñayiu ndaa.

Isaías 42:16

Te kondeka rin ñayiu ni ka kuaa ja vi kakai nuu ichi tu ka jini, vi nuu ichi chindaa ja tu na ama ka jikai. Te vi jin nui, te ndasama rin ñunee ja na yeꞌe, te ndasaꞌa ndaa rin ichi ja ni ndee ni nana ni kaa, te saa saꞌa rin, chi ma xndendoo ndaꞌu rin jin.

Isaías 43:8

’Vi ndeneꞌe ñayiu ñuu rin ja inu kuai, visi ka oo nduchi nui, vi inu soꞌi visi ka oo soꞌi, te na ndikuei.

San Mateo 11:5

Ñayiu ka kuꞌu nuu te ka ndayeꞌe nduchi nui. Ñayiu ka kuꞌu siꞌin, te kuu ka ndakakai. Te ñayiu ka kuꞌu kueꞌe ndiꞌyi teꞌi, te ka nduvii. Te ñayiu ka ndesi soꞌo, te ka ndanune soꞌi. Te ñayiu ni ka jiꞌi, te ni ka ndatekui. Te ñayiu ka kundaꞌu, ni ka jini tnoꞌo vaꞌa ia Dios.

San Mateo 21:14

Yun te ni jinokuei ñayiu ka ndesi nduchi nuu vi ñayiu ka kuꞌu siꞌin nuu oo ya veñuꞌu yun, te ni ndasaꞌa ña ya.

San Lucas 4:18

Espíritu maa ia Dios oo jin san, chi ni saꞌa siin ña ya, nagua ja ndakani san tnoꞌo vaꞌa ya nuu ñayiu ka kundaꞌu. Te ni tetniuu ña ya vaji san ja ndasaꞌa san ñayiu ka ndatnaꞌu ini nuu yika kuechi, vi kana ndoso san ja na vi yaa ñayiu ka oo nuu ndaꞌa ñayiu inka ñuu, vi ndasaꞌa san ñayiu ka ndesi nuu vi siaa san ñayiu ka kaꞌan uꞌu ña tnaꞌi.

San Lucas 7:21

Te vi ore saa ni ndasaꞌa Jesús kuakuaꞌa ñayiu ka kuꞌu nasaa nuu kueꞌe, te ni ka nduvaꞌa ñayiu ka ñuꞌu ña tachi vi ñayiu ka kuꞌu nuu.

San Lucas 7:23

Te na taꞌu na ndetu ñayiu tu ka chiyata ña jin san, vi kuñaꞌa ni nuu Juan ―jiñaꞌa ya.

San Juan 1:46

Yun te jiñaꞌa Natanael: ―¿A ndee ñuu Nazaret kee in jaguaꞌa? Te jiñaꞌa Felipe: ―Neꞌe ni te kuni ni.

Hechos 26:18

nagua ja ndakune ron nduchi nui nuu kaxtnoꞌo ron tnoꞌo rin, te ma vi kokakai nuu inee ja kuu ichi kueꞌe, chi na yeꞌe ñuꞌu nui. Te ma vi kosaꞌa kai nagua kuini Tachi, chi na vi saꞌi nagua kuini maa ia Dios, te na vi kandija ñai jin rin. Te vi niꞌi ja konekaꞌnu ini rin yika kuechi, te vi niꞌi in nuu vi saꞌa jajin jin ñayiu ka nduvii nuu rin”, kachi ya nuu san ―jiñaꞌa de.

Hechos 8:7

Chi kuaꞌa ñayiu ka ñuꞌu ña tachi ni ka nduvaꞌa, te vi ka kana koꞌo tachi yun, te kanakuei ña jin ñayiu yun. Te suni kuaꞌa ñayiu ni ka ndutuchiin vi ñayiu ka kuꞌu siꞌin ni ka nduvaꞌa.

Santiago 2:5

Vi konini ni tnoꞌo yaꞌa, vi ñani vi kuaꞌa, ja kaꞌan too ña san: ni kaji ia Dios ñayiu ka kundaꞌu ñuyiu yaꞌa nagua ja na vi kukuikai jin tnoꞌo ka kandijai, te vi niꞌi nuu tatnuni ya ja vi saꞌa jajin, nagua ni kee yuꞌu ya jin ñayiu ka kutoo ya.