San Lucas 7:16 - El Nuevo Testamento y unos libros del Antiguo Testamento

¹⁶ Te nuu ni ka jini ñayiu ja siun ni kuu, te ni ka yuꞌu ndevaꞌi, te ni ka chiñuꞌi ia Dios, te ka jiñaꞌi: ―Vitna te ni ka jinio in tee kaꞌnu ndevaꞌa ja ndakani tnoꞌo ia Dios. Te ni kii ia Dios ja ni chituu ña ya jion ja ka kuo ñayiu ñuu ya ―ka kachi suaꞌa.

San Lucas 7:16 Iomraidhean Croise

Salmos 65:9

Te jito maa ni ñundeꞌi, te skuun ni sau ja joso ni, te saꞌa ni ja vii ndevaꞌa kuvaꞌa. Te ñuꞌu chitu ndute yute maa ni, vi Dios, te saꞌa tuaꞌa ni ñundeꞌi, nagua ja vi kuaꞌnu vii triu.

Éxodo 4:31

Te ni ka kandija ñayiu ñuu de nuu ni ka onini ja ndiꞌni Jitoꞌo ja jaꞌi, chi ni jini ya tnundoꞌo ka tnaꞌi. Yun te ni ka chindei xini, te ni ka chiñuꞌi ya.

San Mateo 15:31

Te vi ni ka saꞌu kuii kuiti ini ñayiu yun ka ndiaꞌa ja ni kuu ka ndakaꞌan ñiꞌi, vi ni ka nduvaꞌa ñayiu tikundu, vi ni ka ndakaka ñayiu ña ni okuu vi kaka, vi ni kuu ka ndiaꞌa ñayiu tu ni okuu vi kondiaꞌa. Te ndiꞌi kuiti ñayiu ni ka ndakuantaꞌu nuu ia Dios ñayiu Israel.

San Mateo 21:11

Te ka jiñaꞌa sava ñayiu: ͏―͏Tee yaꞌa kuu Jesús, tee ndakani tnoꞌo maa ia Dios, tee ñuu Nazaret ja tnii Galilea ͏―͏ka jiñaꞌi.

San Mateo 28:8

Yun te ni ndekuei ñama ña yau ñaña yun, te vi joo ka yuꞌu ña vi ka kusii ndevaꞌa ini ña. Te ni ka jino ña kuanoꞌokuei ña ja vi kaxtnoꞌo ña nuu tee ni ka oskuaꞌa jin Jesús. Te vi nini kuanoꞌokuei ña ja vi kaxtnoꞌo ña nuu de,

San Mateo 9:8

Te nuu ni ka jini ñayiu ja siun ni saꞌa ya, te ni ka yuꞌi, vi ni ka chiñuꞌi ia Dios ja ni jiñaꞌa ya in jakaꞌnu ya nuu ñayiu.

San Lucas 1:65

Te vi ndiꞌi ñayiu ni ka saꞌu kuii ini ja ni kuu ni ndakaꞌan de vi ni ka ndakani ja siun ni kuu. Te ni jitenuu tnoꞌo nii ñuu ka ndaa neꞌu yuku ja tnii Judea yun.

San Lucas 1:68

Kaꞌnu kuu Jitoꞌo, ia kuu Dios ñayiu ñuo Israel, chi vitna te ni kee ya ja ndatau ya ñayiu ñuu ya nuu yika kuechi,

San Lucas 19:44

Te vi xnaa ndiꞌi ñuu ni, chi ni in yuu ma vi xndoo ka siki inka. Te vi kaꞌni ñai jin ndiꞌi ni, chi tu ni ka jinkuiꞌnu ini ni kiuu ni kikoto ña ia Dios ja skaku niꞌnu ña ya ―jiñaꞌa Jesús.

San Lucas 2:20

Yun te nuu ni ka ndajiokuiin tee ka jito ndikachi yaꞌa ja kuanoꞌokuei de, te ka ndakuantaꞌu de nuu Dios, vi ka saꞌa kaꞌnu de ya, chi ndiꞌi ja ni ka onini de ni ka jini de oo ndaa, nagua ni kaꞌan ia jinokuechi nuu ya.

San Lucas 24:19

Te jiñaꞌa Jesús: ―¿Te nagua ni kuu, nuu saa? ―jiñaꞌa ya. Te ka jiñaꞌa de: ―Ka ndatnoꞌo san siki Jesús, tee ñuu Nazaret, ja in tee ni ndakani tnoꞌo ia Dios ni okuu de. Chi ni saꞌa de tniuu naꞌnu vi ni kaꞌan de tnoꞌo guaꞌa, te ni jantaꞌu ña ia Dios, vi ni ka onee yiñuꞌu ñayiu nuu de.

San Lucas 5:26

Te ndiꞌi ñayiu ni ka saꞌu kuii kuiti ini ja siun ni kuu, te ka saꞌa kaꞌnui ia Dios, te vi ka yuꞌu ndevaꞌi, te ka kaꞌin: ―Vitna te ni ka jinio in tniuu vii ndevaꞌa ―ka kachi.

San Lucas 5:8

Te nuu ni jini Simón Pedro ja siun ni kuu, te ni jinkuiin jiti de nuu Jesús, te jiñaꞌa de: ―Jitoꞌo san, kujioo ni, chi tee oo ndevaꞌa yika kuechi kuu san ―jiñaꞌa de.

San Lucas 7:15

Yun te ni ndakoo ndiyi yun, te ni jinkondei ndakaꞌin. Te ni ndakuñaꞌa Jesús suchi yaꞌa nuu nanai.

San Lucas 7:39

Te ndiaꞌa tee kuu fariseo yun, te ni ndakani ini de: “Nuu ja ndija ja tee ndakani tnoꞌo ia Dios kuu tee yaꞌa, chi kuni de na ñaꞌa kuu ñaꞌa yaꞌa ja tnii ña jaꞌa de, chi in ñaꞌa saꞌa yika kuechi kuu ña”, ndakani ini de.

San Lucas 8:37

Te vija siun ni kuu, te ndiꞌi ñayiu ñuu ja tnii Gadara ni ka jikantaꞌui nuu Jesús ja na kujioo ya, chi ka yuꞌu ndevaꞌi. Yun te ni ndekuei Jesús nuu barco yun, te kuanoꞌokuei ya Galilea.

San Lucas 9:19

Te ka jiñaꞌa de: ―Sava ñayiu ka kaꞌan ja Juan, tee ni oskuandute, kuu ni. Te sava kai ka kaꞌan ja ndi Elías kuu ni, vi sava kai ka kaꞌan ja kuu ni ndee inka tee ni ondakani tnoꞌo ia Dios ndee janaꞌa, te ni ndateku ni vitna, ka kaꞌin ―ka jiñaꞌa de.

San Juan 1:21

Te ni ka jikan tnoꞌo ña tee yun: ―¿Nuu saa te na in kuu ni? ¿A ndi Elías kuu ni? Te jiñaꞌa de: ―Masu kuu san. ―¿A tee ndakani tnoꞌo vaꞌa ia Dios ja kaꞌan nuu tutu ii ja kii kuu ni? ―ka jiñaꞌa de. ―Masu kuu san ―jiñaꞌa de.

San Juan 1:25

ni ka jikan tnoꞌo ña de, te ka jiñaꞌa de: ―Nuu saa, te ¿nau ja skuandute ni ñayiu, te nuu masu Kristu, ni masu ndi Elías, ni masu tee ndakani tnoꞌo vaꞌa ia Dios ja kaꞌan nuu tutu ii ja kii kuu ni? ―ka jiñaꞌa de.

San Juan 4:19

Te jiñaꞌa ñasiꞌi yun: ―Kuaꞌa, na tnoꞌo kaꞌan san ja tee ndakani tnoꞌo ia Dios kuu ni.

San Juan 6:14

Te nuu ni ka jini ñayiu yun tniuu kaꞌnu ni saꞌa Jesús, te ka kachi: ―Tee yaꞌa kuu ndija ndaa kuiti tee ndakani tnoꞌo ia Dios ja kii nuu ñuyiu ―ka kachi.

San Juan 9:17

Yun te ni ka jikan tnoꞌo tuku de nuu tee ni okuꞌu nuu yun: ―Te maa ni, ¿naxa kaꞌan ni jin tee ni ndasaꞌa nduchi nuu ni? ―ka jiñaꞌa de. Te jiñaꞌa tee ni okuꞌu nuu yun: ―Tee ndakani tnoꞌo ia Dios kuu de.

Hechos 5:5

Te vi nuu ni onini Ananías tnoꞌo yaꞌa, te ni ndonso de ja vi ni jiꞌi saꞌun de. Te ni ka yuꞌu ndevaꞌa ñayiu nuu ni ka jini ja siun ni ndoꞌo de.

Hechos 7:37

Te suu Moisés yaꞌa kuu tee ni kaꞌan nuu tnaꞌo Israel: “Ndoneꞌe ia Dios in tee ndakani tnoꞌo ya neꞌu ñanio, na kuinio sein, te vi konini ni tnoꞌo ja kaꞌan de”.

Gálatas 1:24

Te ni ka chiñuꞌi ia Dios ja jaꞌa san.