San Lucas 7:13 - El Nuevo Testamento y unos libros del Antiguo Testamento

¹³ Te nuu ni jini ña ya, te ni kundaꞌu ini ña ya jin ñaꞌa yun, te jiñaꞌa ya: ―Ma kuaku ni ―jiñaꞌa ya.

San Lucas 7:13 Iomraidhean Croise

Salmos 103:13

Chi vi nagua kundaꞌu ini tata jin seꞌe de, saa kundaꞌu ini ña Jitoꞌo Dios jin ñayiu ka yuꞌu niꞌnu ya.

Salmos 86:15

Su maa ni, vi Jitoꞌo, chi kuu ni ia Dios ndaꞌu ini vi kaꞌnu ndevaꞌa ini ni, te kuekuee kiti ini ni vi kutoo ni ñayiu, te saꞌa ndaa ni.

Salmos 86:5

Chi ia guaꞌa kuu ni, vi Jitoꞌo san, te jakaꞌnu ini ni yika kuechi ñayiu, te kundaꞌu ndevaꞌa ini ni jin ndiꞌi ñayiu ka ndakakuneꞌe ña jin ni.

Isaías 63:9

Te ndiꞌi ni jichi nuu ka kusuchi ini ñayiu, te tnaꞌu ini ya, te ni tetniuu ya in ia jinokuechi ja oo nuu ya ja ni skaku niꞌnu ña, chi ja kutoo ña ya vi ja kundaꞌu ini ña ya, te ni ndatau ña ya, te ni ndoneꞌe ña ya, te ni jito ña ya ndiꞌi ni kiuu ndee jananaꞌa.

San Marcos 8:2

―Kundaꞌu ini san ñayiu yaꞌa, chi ja ni kuu uni kiuu ka oi jion, te tu nagua ka nevaꞌi ja vi kai.

San Lucas 10:1

Te nuu ni yaꞌa ja ni kaꞌan Jesús tnoꞌo yaꞌa, te ni kaji tuku ya uni xiko uxi ka de, te ni tetniuu ya ndi uu ndi uu de ka yoxnoꞌo de kuaꞌankuei de taka ñuu vi taka ichi nuu yaꞌa ya ja kiꞌin ya.

San Lucas 11:1

Ni oo in kiuu oo Jesús in nuu ndakuatu ya. Te nuu ni ndiꞌi ni ndakuatu ya, te jiñaꞌa in tee skuaꞌa jin ya: ―Jitoꞌo san, kaxtnoꞌo ni naxa vi ndakuatu san nagua ni saꞌa Juan, tee ni oskuandute, ja ni kaxtnoꞌo de naxa vi ndakuatu tee ni ka oskuaꞌa jin de ―jiñaꞌa de.

San Lucas 11:39

Su yun te jiñaꞌa Jitoꞌo Jesús nuu de: ―Maa ni ja ka kuu ni tee fariseo, chi ka ndakate ni yata vasu jin yata koꞌo, su ichi ini oo chitu jin jatneꞌe. Te suni saa ka kuu maa ni, chi ka oo chitu ni jin tniuu kuiꞌna vi janeꞌe jayichi.

San Lucas 12:42

Te jiñaꞌa Jitoꞌo Jesús: ―¿Ndee tee kuu tee jinokuechi ndaa nuu jitoꞌo de, te jinkuiꞌnu guaꞌa ini de ja chitniuu ña jitoꞌo de ja na kokoto de veꞌe tee yun, te na kokuñaꞌa de ja vi kokaa sava ka ñayiu ka jinokuechi yun jin ore?

San Lucas 13:15

Yun te jiñaꞌa Jesús: ―¡Seꞌe ndijani ini! ¿A tu ka ndajin in in maa ni isndiki ni axi mentu ni kiuu ndatatu ja kiꞌinkuei ni jin ti ja vi koꞌo ti ndute?

San Lucas 17:5

Yun te ka jiñaꞌa tee ka skuaꞌa jin Jesús: ―Jitoꞌo san, chituu ña ni na vi kandija guaꞌa ka san ―ka jiñaꞌa de.

San Lucas 17:6

Yun te jiñaꞌa ya: ―Nuu ja ka kandija ni visi ja joo luluu na kuaꞌa in ndikin yuku, te kuu vi kuñaꞌa ni nuu yutnu kaꞌnu nukuiin yaꞌa: “Kana ndee yoꞌo ron, te kuaꞌan nukuiin ron ndee nuu ndute mar yun”, vi kuñaꞌa ni, te vi kuantnoꞌo tnu tnoꞌo vi kaꞌan ni ―jiñaꞌa ya.

San Lucas 18:6

Te jiñaꞌa tuku ya ja kuu ya Jitoꞌo: ―Vi konini ni tnoꞌo ni kaꞌan tee kueꞌe ja jaꞌnde kuechi yun.

San Lucas 19:8

Yun te ni ndakoo Zaqueo, te jiñaꞌa de nuu Jesús: ―Jitoꞌo san, kaꞌnde sagua san ndiꞌi ja nevaꞌa san, te kuñaꞌa san nuu ñayiu ka kundaꞌu. Te nuu ja na in ñayiu ni suꞌu san ja ni jikan javaꞌa ka san xuꞌun, te na ndajioneꞌe san kuun ka jichi saa nagua ni suꞌu san ―jiñaꞌa de.

San Lucas 22:61

Yun te ni jionenuu Jesús, ndiaꞌa ya nuu de, te ni ndakankaꞌan de tnoꞌo ni kaꞌan ya nuu de, ja ama ka ja kana liꞌli, te tayuꞌu tnoꞌo de uni jichi ja tu jini ña de.

San Lucas 24:3

Te ni kiukuei ña ni ka ndiaꞌa ña, su tu ka na yiki kuñu Jesús oo.

San Lucas 24:34

Te ka jiñaꞌa tee ka oo yun: ―Ja ndaa ndija ja ni ndateku Jitoꞌo Jesús, chi ni ndenta ya nuu Simón Pedro ―ka jiñaꞌa de.

San Lucas 7:12

Te nuu ni ka kuyatni ya yeꞌe ñuu yun, te ni jini ya ja kuaꞌankuei kuaꞌa ñayiu ñuu yun jin in ndiyi ja vi tayuꞌu ñai. Te vi invaa suchi ni jiꞌi yun kuu seꞌe in ñaꞌa ni ndondaꞌu.

San Lucas 7:14

Te nuu ni jintnaꞌa ya, te ni keꞌe ya jatnu yun, te ni ka jinkuiin tee ka ndiso jatnu yun. Te jiñaꞌa ya nuu ndiyi yun: ―Sajin, nuu maa ron kaꞌan rin ja ndakoo ―jiñaꞌa ya.

San Lucas 7:19

te ni tetniuu de tee yun ja vi kakan tnoꞌo de Jesús, te vi kuñaꞌa de suaꞌa: “¿A maa ni kuu ia ni tetniuu Dios ja kii, axi vi kondetu san inka?”

San Lucas 8:52

Te ndiꞌi ñayiu veꞌe yun ka jaku vi ka ndaꞌi ka kanai ja jaꞌa suchi siꞌi yun, su jiñaꞌa Jesús: ―Ma vi kuaku ni, chi kixin, masu ni jiꞌi ―jiñaꞌa ya.

San Juan 11:2

Te María yaꞌa kuu kuaꞌa Lázaro tee ni okuꞌu, te suu ñaꞌa yaꞌa ni chiꞌi tatna xiko siꞌin Jitoꞌo Jesús nuu kuee ka, te ni ndasichi ña jin ixi xini ña.

San Juan 11:3

Te nduu kuaꞌa de yun ni ka tetniuu tnoꞌo kuaꞌan nuu Jesús nuu ka jiñaꞌa ña: ―Jitoꞌo, kuꞌu tee kaꞌan too maa ni.

San Juan 20:13

Te ni ka jikan tnoꞌo ña ya jin ña: ―Kuaꞌa, ¿nau ja ndaꞌi ron? Te jiñaꞌa ña: ―Saa, chi ni ka ndatava yiki kuñu jitoꞌo san, te tu jini san ndenu ni ka ndatayuꞌu ña jin.

San Juan 20:15

Te ni jikan tnoꞌo ña Jesús: ―Kuaꞌa, ¿nau ja ndaꞌi ron? ¿Te na in ndanduku ron? ―jiñaꞌa ya. Te maa ña, chi ni ndakani ini ña ja tee jito xtnuu kuii yun kuu ya, te jiñaꞌa ña: ―Nuu ja maa ni kuaꞌan jin yiki kuñu de, vi kuaꞌa, te kaxtnoꞌo ni joo ndenu ni ndachiyuꞌu ni de, nagua ja kuu noꞌo san jin de ―jiñaꞌa ña.

San Juan 4:1

Te nuu ni jini Jitoꞌo Jesús ja ni ka onini tee ka kuu fariseo ja ka kaꞌan ñayiu: “Mavikaya ka tee ka skuaꞌa jin Jesús vi kuaꞌa ka ñayiu skuandute de saa Juan”, ka jiñaꞌi,

San Juan 6:23

Su sava ka barco ni jinokuei ndee Tiberias, yatni nuu ni ka jaa ñayiu xtaa na ni ndakuantaꞌu Jitoꞌo Jesús nuu ia Dios, te ni jaꞌnde ya.

1 Corintios 7:30

Te ñayiu ndaꞌi, na saꞌi nani tnoꞌo ja tu ndaꞌi. Te ñayiu kusii ini, na saꞌi nani tnoꞌo ja tu kusii ini. Te ñayiu jaan ndatniuu, na kani ini nani tnoꞌo ja tu nagua nevaꞌi.

1 Tesalonicenses 4:13

Te ka kuini san, vi ñani vi kuaꞌa, ja vi kuni ni naxa kokuu jin ñayiu ni ka jiꞌi, nagua ja ma vi kokusuchi ini ni, nagua ka saꞌa sava ka ñayiu ja tu ka ndetu kaꞌnui ja vi ndateku ndiyi.

Hebreos 2:17

Te ja jaꞌa yun guaa vi oo vi kaa ya nagua ka ndaa ñani ya, nagua ja saa te ni jinkokuu ya in sutu kuu nijaꞌnu ja ni skunkuu ndaa ya nuu ia Dios. Te ni kundaꞌu ini ña ya jin, ja ni soko ya maa ya, saa te ni kindee ya yika kuechi ñayiu.

Hebreos 4:15

Chi ka nevaꞌo in sutu kuu nijaꞌnu ja kundaꞌu ini ña ya, chi inu vitao, te suni ni tnaꞌa maa ya tnundoꞌo nuu ni ka jito tnuni ña jin ya, nagua ka ndoꞌo yoon, su tu saꞌun ni kanakau ya nuu yika kuechi.