San Lucas 5:8 - El Nuevo Testamento y unos libros del Antiguo Testamento

⁸ Te nuu ni jini Simón Pedro ja siun ni kuu, te ni jinkuiin jiti de nuu Jesús, te jiñaꞌa de: ―Jitoꞌo san, kujioo ni, chi tee oo ndevaꞌa yika kuechi kuu san ―jiñaꞌa de.

San Lucas 5:8 Iomraidhean Croise

Éxodo 20:19

Yun te ka jiñaꞌi nuu Moisés: ―Kaꞌan maa ni, te na vi konini san, su ma kaꞌan ia Dios nuu san, nagua ja ma vi kuu san ―ka jiñaꞌi.

San Mateo 17:6

Su nuu ni ka jini soꞌo tee ka skuaꞌa yun, te ni ka chindei de nuu de ndee nuu ñuꞌu, chi ni ka yuꞌu ndevaꞌa de.

San Mateo 2:11

Yun te ni kiukuei de veꞌe yun, te ni ka jini de lulu yun jin nanai María, te ni ka jinkuiin jiti de, te ni ka chiñuꞌu de lulu yun, te ni ka june de nuu ka nee de ja vi skutaꞌu de lulu yun. Ni ka jiñaꞌa de oro vi suja vixin vi inka suja nani mirra.

San Mateo 8:8

Yun te jiñaꞌa tee kuu capitán yun: ͏―͏Jitoꞌo san, masu na in guaa kuu saꞌun san ja kiuu ni ini veꞌe san. Suaꞌa ni kaꞌan ni, te na nduvaꞌa tee jinokuechi nuu san.

San Lucas 5:7

Yun te ni ka kaja ndaꞌa de sava ka tnaꞌa de ka ñuꞌu nuu inka barco yun ja na kiꞌinkuei de vi chituu ña de. Te ni jinokuei tee yun, te vini ka chitu xini de nduu barco yun, te vi saa ndee ni ka ja kee ndute ja vi saꞌu.

San Lucas 5:9

Chi ni ka yuꞌu ndevaꞌa de ja siun kuaꞌa ndevaꞌa chiaka ni ka tnii de.

San Juan 11:32

Te nuu ni kenta María nuu oo Jesús, te ni junkuiin jiti ña nuu jaꞌa ya, te jiñaꞌa ña: ―Jitoꞌo san, nuu suaꞌa te ni oo ni yaꞌa, chi ma kuu kuaꞌa san nuu siun ―jiñaꞌa ña.

1 Corintios 13:12

Te suni saa ni vitna, chi tu ka jini guaꞌo naxa oo ia Dios, chi ka ndiaꞌo ya na kuinio in speju ja tu ndijin guaꞌa. Su in kiuu te vi kunio nuu jin nuu ya. Vitna, chi joo ni jini san, su kiuu yun, te kuni ndaa san, nagua jini ña maa ya jin san.

El Apocalipsis 1:17

Te nuu ni jini san ya, te ni ndonso san nuu jaꞌa ya na kuinio ja ni jiꞌi san. Su ni sonee ya ndaꞌa kuaꞌa ya siki san, te kachi ya: ―Ma yuꞌu ron, chi maa rin kuu ia oo xtnañuꞌu vi ia oo sandiꞌi.