San Lucas 5:34 - El Nuevo Testamento y unos libros del Antiguo Testamento

³⁴ Te jiñaꞌa Jesús: ―¿A kuu vi tenini ni ñayiu ka oo in viko tnandaꞌa ja vi kondite kiuu ja vi ka oi jin maa tee tnandaꞌa yun? Maa kuu.

San Lucas 5:34 Iomraidhean Croise

Isaías 54:5

Chi ia ni saꞌa ña jin ron kuu yii ron, te Jeovaa, ia ndakui ndevaꞌa, nani ya, te ia ni ndatau ña jin ron kuu ia ii ñayiu Israel, ja nani ya ia Dios ninii ñuyiu.

Isaías 62:5

Chi nagua saꞌa in suchi yii ja tnandaꞌi jin suchi siꞌi ja ndita ndaꞌu jin, te saa vi tnandaꞌa ron jin ia ni saꞌa ña jin ron. Te nagua kusii ini teyii jin ñasiꞌi de, saa kusii ini ia Dios ron jin ron.

San Mateo 22:2

͏―͏Nuu tatnuni ia Dios ndee andivi kuu inuu jin in rey ja ni saꞌa de in viko ja tnandaꞌa seyii de.

San Mateo 9:15

Yun te jiñaꞌa Jesús: ͏―͏Te ¿a kuu vi kondite ñayiu ka oo viko tnandaꞌa ja siun vi ka oi jin tee tnandaꞌa yun? Ñaꞌa, ma kuu vi kondite ñayiu ja siun vi ka oi jin maa tee tnandaꞌa yun.

San Lucas 5:33

Yun te ni ka jikan tnoꞌo de Jesús: ―¿Nau ja tee ka skuaꞌa jin Juan vi tee ka skuaꞌa jin tee ka kuu fariseo, ka ondite de kuaꞌa jichi, vi kuaꞌa jichi ka ndakuatu de, su tee ka skuaꞌa jin ni, chi vi siun ni ka jaa ka jiꞌi de? ―ka jiñaꞌa de.

San Lucas 5:35

Su koo in kiuu ja naa ndoñuꞌu tee tnandaꞌa yun, saa guaa vi konditei, chi vi koi jin tnoꞌo suchi ini ―jiñaꞌa ya.

San Juan 3:29

Chi nuu ka saꞌa ñayiu in viko tnandaꞌa, te na in oo jin ñasiꞌi yun kuu maa tee tnandaꞌa, te amigo de, chi vi xiin tee tnandaꞌa yun oo de, te nuu nini de tnoꞌo kaꞌan tee tnandaꞌa yun, te kusii ndevaꞌa ini de. Te suni saa ni sein, chi kusii ndevaꞌa ini san nini san tnoꞌo kaꞌan ya.

2 Corintios 11:2

Chi ja kuu kuiñu san ja jaꞌa ni kuu in ja vaji nuu maa ia Dios ja kokuu kuiñu san, chi ni kee yuꞌu san ja vi tnandaꞌa ni jin Jesukristu, na kuinio in ñaꞌa oo ndutu vi oo vii ña ja tnandaꞌa ña jin invaa yii ña.