San Lucas 5:30 - El Nuevo Testamento y unos libros del Antiguo Testamento

³⁰ Yun te ni ka jinkondee tee ka kuu fariseo vi tee ka kaxtnoꞌo Ley Moisés ja ka kaꞌan ndee de tee ka skuaꞌa jin Jesús, te ka jiñaꞌa de: ―¿Nau ja vi in ni ka jaa ni vi ka jiꞌi ni jin ñayiu ka xtutu xuꞌun impuestu vi ñayiu ka saꞌa yika kuechi? ―ka jiñaꞌa de.

San Lucas 5:30 Iomraidhean Croise

Isaías 65:5

Te ka kachi: Jian ni koo maa ni, te ma kitnaꞌa ña ni jin san, chi ñayiu ii ka kuu san saa maa ni. Te ñayiu yaꞌa ka kuu na kuinio ñuaꞌa ja saꞌa kueꞌe xnii rin ja ka skiti ini ñai jin rin na kuinio ñuꞌu ja ndiꞌi ni kiuu kai.

San Mateo 5:46

Chi nuu ja kaꞌan too ni na in ñayiu kaꞌan too ña jin ni, te ma vi niꞌi yaꞌu ni, chi suni saa ka saꞌa ñayiu kueꞌe ja ka tnoꞌo ña xuꞌun kuanoꞌo ñuu Roma.

San Mateo 9:11

Te nuu ni ka jini tee ka kuu fariseo yun, te ni ka jikan tnoꞌo de nuu tee ka skuaꞌa jin ya: ͏―͏¿Nau ja vi in ni ka jaa mastru ni xtaa jin tee ka xtutu xuꞌun impuestu vi ñayiu ka saꞌa jakueꞌe? ͏―͏ka jiñaꞌa de.

San Marcos 2:16

Su nuu ni ka jini tee ka kaxtnoꞌo Ley Moisés vi tee ka kuu fariseo ja in ni ka jaa ya xtaa jin tee ka xtutu xuꞌun impuestu vi ñayiu ka saꞌa jakueꞌe, te ka jiñaꞌa de nuu tee ka skuaꞌa jin ya: ―¿Na tnoꞌo kuu yaꞌa ja vi in ni ka jaa ka jiꞌi mastru ni jin tee ka xtutu xuꞌun impuestu vi ñayiu ka saꞌa jakueꞌe? ―ka jiñaꞌa de.

San Marcos 7:3

Chi tee ka kuu fariseo vi sava ka ñayiu judio ka ndee ka ndikin de jin costumbre tee nijaꞌnu, te tu ka jaa de nuu ja tu ka ndaꞌa de.

San Marcos 9:16

Te ni jikan tnoꞌo ña ya jin tee ka skuaꞌa jin ya: ―¿Nagua ka tee tnaꞌa ni jin tee yun? ―jiñaꞌa ya.

San Lucas 18:11

Ni jino tee kuu fariseo ni jinkuiin de, te ni jinkondee de ndakuatu de nuu ia Dios, te jiñaꞌa de suaꞌa: “Tata Dios, ndakuantaꞌu san nuu ni, chi masu nagua ka oo sava ka de oo san ja ka suꞌu de, vi ka saꞌa de janeꞌe jayichi, vi ka skindee de ñasiꞌi de, ni tu kaa san na kaa tee xtutu xuꞌun impuestu yaꞌa.

San Lucas 19:7

Su nuu ni ka jini ñayiu, te ndiꞌi ni ka kaꞌan ndee ña ja veꞌe in tee saꞌa yika kuechi ni jino ya ja ndoo ya.

San Lucas 5:17

Te in kiuu oo Jesús kaxtnoꞌo ya nuu ñayiu. Te yun ka nukoo sava tee ka kuu fariseo vi tee ka kaxtnoꞌo Ley Moisés ja vajikuei de taka ñuu ja tnii Galilea vi Judea vi Jerusalén. Te oo Jesús jin jakaꞌnu maa Dios, yun guaa ndasaꞌa ya kuaꞌa ñayiu ka kuꞌu.

San Lucas 5:21

Yun te ni ka kiti ini tee ka kaxtnoꞌo Ley Moisés vi tee ka kuu fariseo ja siun ni kaꞌan ya, te ni ka jinkondee de ka ndakani ini de: ―¿Na in kuu tee yaꞌa ja kaneꞌe de jin ia Dios? Te tu na in kuu konekaꞌnu ini yika kuechi, chi maintnoꞌo maa ia Dios guaa kuu konekaꞌnu ini ya ―ka ndakani ini de.

San Lucas 7:34

Te vitna ni kee maa san ja kuu san Seꞌe Teyii, te jaa vi jiꞌi san, te suni ka kaꞌan kuechi ni, te ka kachi ni: “Vi ninoꞌo ni ja jaa ndevaꞌa de vi jiꞌi de vi ka ndeka tnaꞌa guaꞌa de jin tee ka xtutu xuꞌun impuestu vi tee ka saꞌa jakueꞌe”.

San Lucas 7:39

Te ndiaꞌa tee kuu fariseo yun, te ni ndakani ini de: “Nuu ja ndija ja tee ndakani tnoꞌo ia Dios kuu tee yaꞌa, chi kuni de na ñaꞌa kuu ñaꞌa yaꞌa ja tnii ña jaꞌa de, chi in ñaꞌa saꞌa yika kuechi kuu ña”, ndakani ini de.

Hechos 23:9

Te ndiꞌi de ni ka kuvaa. Yun te ni ndontakuei sava tee ka kaxtnoꞌo Ley Moisés, ja suni ka yiunduu de ka kuu de fariseo, te ka jiñaꞌa de: ―Tee yaꞌa, tu saꞌun na kuechi vi teo de, chi tu na in jakueꞌe saꞌa de, chi vatu ni, in espíritu ni kaꞌan jin de axi in ia jinokuechi nuu Dios, te ma kuu vi koo siki ia Dios ―ka jiñaꞌa de.