San Lucas 5:22 - El Nuevo Testamento y unos libros del Antiguo Testamento

²² Su Jesús, chi ni jini ya ja siun ka ndakani ini de. Yun te ni jikan tnoꞌo ña ya, te jiñaꞌa ya: ―¿Nau ja siun ka ndakani ini ni?

San Lucas 5:22 Iomraidhean Croise

Salmos 139:2

Ja jini maa ni nagua saꞌa san vi guaa ndee nuu nukoo san vi guaa ndee nuu ndakoo san. Te visi jika oo ni, su jini ni nagua ndakani ini san.

Proverbios 15:26

Skexiko Jitoꞌo ja ka ndakani ini ñayiu kueꞌe, su junkuaan ini ya tnoꞌo vii tnoꞌo vaꞌa ka kaꞌan ñayiu ndaa.

Isaías 66:18

“Chi jini maa rin nagua ka saꞌi vi naxa ka ndakani ini, su kenta in kiuu ja ndaxtutu maa rin ñayiu ndiꞌi ñuu vi ndiꞌi nuu saꞌan, te kikuei te vi kuni jakaꞌnu maa rin.

San Mateo 12:15

Su nuu ni jini Jesús, te ni kee ya kuaꞌan ya. Te ni ka jata ndikin ña kuaꞌa ñayiu, te ni ndasaꞌa ya ndiꞌi ñayiu ka kuꞌu.

San Mateo 12:25

Te ni jini Jesús ja siun ka ndakani ini de, te jiñaꞌa ya: ͏―͏Ndiꞌi tee ka netniuu ja ka saꞌa siin tnaꞌa de ka jaxin tnaꞌa ndisa maa de, te ka xnaa tnaꞌa maa de. Te ndiꞌi ñuu axi veꞌe ja ka saꞌa siin tnaꞌa, te suni ma kuu vi koo.

San Mateo 9:4

Yun te nuu ni jini Jesús ja siun ka ndakani ini de, te jiñaꞌa ya: ͏―͏¿Nau ja ka ndakani kueꞌe ini ni jin anu ni?

San Marcos 8:17

Te ni jini Jesús ja siun ka ndatnoꞌo de, te jiñaꞌa ya: ―¿Nau ja ka kaꞌan ni ja tu na xtaa vixin ka nee ni? ¿A vi chiaꞌan ka vi jinkuiꞌnu ini ni ja vi kuni ni tnoꞌo kaꞌan san? ¡Nase ndeꞌe inu ndee ini anu ni!

San Lucas 24:38

Yun te jiñaꞌa ya: ―¿Nau ja ka yuꞌu ron? ¿Te nau ja siun ka ndakani ini ron?

San Lucas 5:21

Yun te ni ka kiti ini tee ka kaxtnoꞌo Ley Moisés vi tee ka kuu fariseo ja siun ni kaꞌan ya, te ni ka jinkondee de ka ndakani ini de: ―¿Na in kuu tee yaꞌa ja kaneꞌe de jin ia Dios? Te tu na in kuu konekaꞌnu ini yika kuechi, chi maintnoꞌo maa ia Dios guaa kuu konekaꞌnu ini ya ―ka ndakani ini de.

San Lucas 5:23

¿Nagua kuu ja vijin ka ja kaꞌan san? ¿A vijin ka ja kuñaꞌa san ja ni onekaꞌnu ini san yika kuechi tee yaꞌa, axi vijin ka ja kuñaꞌa san ja na ndakoo de te na kaka de?

Hechos 5:3

Te jiñaꞌa Pedro: ―Ananías, ¿nau ja ni kee tachi anu ni, te ni ka kuini ni ja vi xndaꞌu ni Espíritu ia Dios ja ni ka jaꞌnde ni sava xuꞌun ni oo ndee ñundeꞌi ni?

Hebreos 4:12

Chi tnoꞌo ia Dios kuu tnoꞌo teku ja saꞌa nagua kuini maa ya, te xeen ka saa in yuchi kani ja oo xeen ndi nduu lado nuu, te kenta guaa ndee ini anu vi jajintnuni in ñayiu vi ndee yiki kaji, te xtuu kaji nagua ndakani ini ñayiu vi ja kaꞌin ndee ini anui ja saꞌi.

El Apocalipsis 2:23

Te saꞌa rin ja vi kuu ñayiu ka kandija tnoꞌo kaꞌan ñaꞌa yun. Saa te vi kuni ndiꞌi ñayiu ka skuaꞌa ja maa rin kuu ia jini ndiꞌi ndee jajintnuni vi ndee anu ñayiu. Te taa rin nuu in in ron nakuu nakuu nagua ni ka saꞌa ron.