San Lucas 5:21 - El Nuevo Testamento y unos libros del Antiguo Testamento

²¹ Yun te ni ka kiti ini tee ka kaxtnoꞌo Ley Moisés vi tee ka kuu fariseo ja siun ni kaꞌan ya, te ni ka jinkondee de ka ndakani ini de: ―¿Na in kuu tee yaꞌa ja kaneꞌe de jin ia Dios? Te tu na in kuu konekaꞌnu ini yika kuechi, chi maintnoꞌo maa ia Dios guaa kuu konekaꞌnu ini ya ―ka ndakani ini de.

San Lucas 5:21 Iomraidhean Croise

Salmos 103:3

Chi maa ya kuu ia jakaꞌnu ini ndiꞌi jakueꞌe saꞌo. Te maa ya kuu ia ndasaꞌa ña ndiꞌi ni nuu kueꞌe ja kuꞌo.

Salmos 130:4

Su maa ni, chi jakaꞌnu ini ni yika kuechi ñayiu, yun guaa ka nee yiñuꞌi nuu ni.

Salmos 32:5

Su ni naꞌma san yika kuechi san nuu ni, te tu ni tayuꞌu san jakueꞌe saꞌa san, chi ni kachi san: “Na naꞌmao yika kuechio nuu Jitoꞌo Dios”. Te ni jakaꞌnu ini ni jakueꞌe saꞌa san vi yika kuechi san.

Salmos 35:5

Te na vi kokui na kuinio miꞌi ja xtechi ña tachi, ja ni ka sondikin ña ia ka jinokuechi nuu Jitoꞌo.

Isaías 43:25

’Te ruꞌun kuu ja xnaa jakueꞌe ka saꞌa ron ja jaꞌa ja na koo jayiñuꞌu nuu rin, te ma kondakaꞌan saꞌun ka rin yika kuechi ka saꞌa ron.

Isaías 44:22

Chi ni xnaa rin jakueꞌe ka saꞌa ron na kuinio in viko vi na kuinio viko noꞌo, saa ni xnaa rin yika kuechi ron. Te vi ndajiokuiin nuu maa rin, chi ni ndatau ña rin nuu jakueꞌe”, jiñaꞌa ya.

Daniel 9:19

Konini ni joo tnoꞌo kaꞌan san, vi Jitoꞌo. Konekaꞌnu ini ni joo, vi Jitoꞌo. Ndakaꞌan ni joo nagua ka kuu san, vi Jitoꞌo san, te saꞌa ni. Ma kokuu kuee ni ja na koo jayiñuꞌu nuu maa ni, vi Dios, chi ñayiu ñuu ni, vi nuu ñuu ni kuu nuu ka ndakakuneꞌe sivi ni ―jiñaꞌa san nuu ia Dios.

Daniel 9:9

Su maa ni, vi Jitoꞌo, kuu ni ia Dios ndaꞌu ini, vi jakaꞌnu ini ni yika kuechi ka saꞌa san, visi ni ka kusoꞌo san nuu ni.

San Mateo 26:65

Yun te ni ndata sutu kuu nijaꞌnu ka yun saꞌun de, ja kuu in seña ja kiti ini de, te jiñaꞌa de: ͏―͏Ni kaneꞌe tee yaꞌa jin ia Dios. ¿Te nagua vi kokuu kao testiu ja vi kaꞌan kuechi siki de? Te vitna ja ni ka onini maa ni ja kaneꞌe de jin ia Dios.

San Mateo 9:3

Yun te sava tee ka kaxtnoꞌo Ley yun ka ndakani ini de: “Tnoꞌo kaꞌan tee yaꞌa, chi kaneꞌe de jin ia Dios”.

San Lucas 3:8

Vitna, te vi saꞌa ni javaꞌa ja ni ka ndataꞌu ini ndija ni. Te ma vi saꞌa teyii ni maa ni ja tatatnoꞌo Abraham ka kuu ni, chi kaꞌan ndaa san ja ia Dios, chi vi ndee yuu yaꞌa te kuu ndasaꞌa ya ja vi ndui tatatnoꞌo Abraham.

San Lucas 5:17

Te in kiuu oo Jesús kaxtnoꞌo ya nuu ñayiu. Te yun ka nukoo sava tee ka kuu fariseo vi tee ka kaxtnoꞌo Ley Moisés ja vajikuei de taka ñuu ja tnii Galilea vi Judea vi Jerusalén. Te oo Jesús jin jakaꞌnu maa Dios, yun guaa ndasaꞌa ya kuaꞌa ñayiu ka kuꞌu.

San Lucas 5:22

Su Jesús, chi ni jini ya ja siun ka ndakani ini de. Yun te ni jikan tnoꞌo ña ya, te jiñaꞌa ya: ―¿Nau ja siun ka ndakani ini ni?

San Lucas 7:49

Yun te ni ka jinkondee tee ka nukoo jin ya nuu mesa ka ndatnoꞌo de: ―¿Na in kuu jayaꞌa ja vi suni jakaꞌnu ini yika kuechi ñayiu? ―ka ndatnoꞌo de suaꞌa.

San Juan 10:33

Te ka jiñaꞌa de: ―Masu ja jaꞌa tniuu guaꞌa ni saꞌa ni guaa vi kani yuu ña san, chi ja jaꞌa ja kaneꞌe ni siki ia Dios, chi suni in teyii kuu ni, te saꞌa inuu ni maa ni jin ia Dios ―ka jiñaꞌa de.

Romanos 8:33

Tu na in kuu kaꞌan kuechi nuu ia Dios siki ñayiu ni kaji ya, chi maa Dios kuu ia ni saꞌa ja ni ka ndui ñayiu ndaa.