San Lucas 4:6 - El Nuevo Testamento y unos libros del Antiguo Testamento

⁶ Te jiñaꞌa Tachi yun: ―Taa rin ndiꞌi jakaꞌnu yaꞌa nuu ron vi ndiꞌi jayiñuꞌu oo nui, chi maa rin ni niꞌi ndiꞌi, te kuñaꞌa rin nuu na ñayiu kuini maa rin ja kuñaꞌa rin.

San Lucas 4:6 Iomraidhean Croise

Ester 5:11

Te ni ndakani Amán nuu tee yun ndiꞌi ja nevaꞌa de ja ni kuu kuika ndevaꞌa vi ja kuaꞌa seꞌe nevaꞌa vi ndiꞌi ja saꞌa de ja ni saꞌa kaꞌnu ña rey, ja maa de kuu nijaꞌnu ka nuu tee ka netniuu jin de vi nuu tee ka jinokuechi nuu rey.

San Lucas 4:7

Nuu ja na jinkuiin jiti ron nuu rin, te chiñuꞌu ña ron, te taa rin ndiꞌi koo nuu ndaꞌa maa ron ―jiñaꞌa.

San Juan 12:31

Chi vitna kuu ja saꞌa ndaa ia Dios yika kuechi ñayiu ñuyiu. Te vitna guaa skunu ya jakueꞌe ja tatnuni nuu ñuyiu yaꞌa.

San Juan 14:30

Ma kaꞌan kuaꞌa ka san jin ni, chi ja vaji maa jakueꞌe ja tatnuni nuu ñuyiu yaꞌa, te ma kuu saꞌun nagua saꞌa siki san.

San Juan 8:44

Chi tata maa ni kuu Tachi, te ka kuini ni vi saꞌa ni nagua junkuaan ini tata ni, chi in ja jaꞌni ndiyi kuu ndee jaxtnañuꞌu. Te tu oo jin tnoꞌo ndaa, chi tu na tnoꞌo ndaa oo nuu. Te nuu kaꞌan tnoꞌo ja xndaꞌu ña, te ja jaꞌa maa kaꞌan, chi jaxndaꞌu ña kuu, chi maa kuu yua ndiꞌi jaxndaꞌu ña.

2 Corintios 11:14

Te ma vi saꞌu kuii ini ni jin yaꞌa, chi ndee maa Tachi te sama maa, te saꞌa na kuinio ja vi ia yeꞌe ja jinokuechi nuu ia Dios kuu.

Efesios 2:2

nuu ni ka ojika ni ndee ama ka, ja ni ka ondikin ni ndiꞌi ja ka saꞌa ñayiu ñuyiu. Chi ni ka osaꞌa ni nagua kuini maa Tachi kaꞌnu ja oo nuu yiꞌi tachi kuiñi, espíritu ja skaꞌan ña vitna jin ñayiu inu soꞌo ndevaꞌa nuu ia Dios.

1 Pedro 1:24

Chi suaꞌa kaꞌan nuu tutu ii: Ndiꞌi ñayiu ñuyiu ka kui na kuinio yuku kuii, te ndiꞌi ja ka kuu kaꞌnui kuu na kuinio ita ja jaa nuu yuku kuii. Chi yichi ni yuku kuii, te kuei ndiꞌi ni ita,

1 Juan 5:19

Te ka jinio ja ka oo jin maa Dios, te sava ka ñayiu nii ñuyiu ka yiꞌi nuu ndaꞌa Tachi.

El Apocalipsis 12:9

Saa ni kuu ja ni ka skunu ña ya jin koo kaꞌnu yun, ja kuu ti koo oo ndee ja nanaꞌa, ja nani ti Tachi, ja suni kuu Satanás, te maa ti kuu ja xndaꞌu ñayiu nii ñuyiu. Te ni keneꞌe ña ya jin ti vi ndiꞌi ja ka jinokuechi nuu ti, te ni tnaa ña ya jin ti ndee nuu ñuyiu.

El Apocalipsis 13:2

Te kiti xeen ja ni jini san yun kaa ti na kaa in yiꞌi, te ndaꞌa ti kaa na kaa ndaꞌa oso, te yuꞌu ti kaa na kaa yuꞌu ndikaꞌa. Te ni jiñaꞌa koo yun jakaꞌnu ti vi nuu mesa nuu tatnuni ti vi tniuu kaꞌnu ja konee kiti xeen yun.

El Apocalipsis 13:7

Te suni ni jandetu ia Dios ja kaxin tnaꞌa ti jin ñayiu maa ya, te kundee ti nui. Te suni ni niꞌi ti tniuu kaꞌnu ja kotatnuni ti nuu ñayiu ndiꞌi ni tatatnoꞌo vi ñuu naꞌnu vi ñuu kueli vi ndiꞌi nuu saꞌan.