San Lucas 4:34 - El Nuevo Testamento y unos libros del Antiguo Testamento

³⁴ te jiñaꞌa: ―Xndendoo ña. ¿Nagua kuini ron ja vaji ron nuu ka oo rin, vi Jesús, tee ñuu Nazaret? ¿A vaji ron ja xnaa ña ron jin rin? Te ja jini ña rin jin ron, chi ia ni tetniuu Dios kuu ron ―jiñaꞌa suaꞌa.

San Lucas 4:34 Iomraidhean Croise

Génesis 3:15

Te saꞌa rin ja vi kuni uꞌu tnaꞌa ron jin ñasiꞌi yaꞌa, te vi suni saa ni ndikin tata ron jin ndikin tata ña vi konee uꞌu tnaꞌa, te kuain niꞌnui xini ron, te maa ron guaa kayiꞌi ron xujaꞌi.

Salmos 16:10

Chi ma xndendoo ni anu san nuu yau ñaña, te ni ma kuandetu ni ja teꞌi yiki kuñu san, ja kuu san tee jinokuechi guaꞌa nuu ni, vi Dios.

Daniel 9:24

Uni xiko uxi ja uja kuia kuu ja yikuaꞌa, ja koo tnundoꞌo siki ñayiu ñuu ron vi siki ñuu ii ron. Saa te ndiꞌi jakueꞌe vi ndiꞌi yika kuechi, nagua ja junkunyaꞌu yika kuechi, nagua ja na koo jandaa nikuii nikani, te na skunkuu ja ni ka jini vi tnoꞌo ja ni ka ndakani nuu ron, te kuu ii nuu altar maa veñuꞌu.

San Mateo 8:29

Te ni ka kana jaa tachi yun ndee anu de, te ka jiñaꞌa: ͏―͏¿Nagua kuini ron ja vaji ron nuu ka oo rin, vi Seꞌe Dios? ¿A vaji ron ja taa ron tnundoꞌo vi tnaꞌa rin ama ka ja jino kiuu sandiꞌi?

San Marcos 1:24

Te jiñaꞌa de: ―¿Nagua kuini ron ja vaji ron nuu ka oo rin, vi Jesús, tee ñuu Nazaret? ¿A vaji ron ja xnaa ña ron jin rin? Te ja jini ña rin jin ron, chi ia ni tetniuu Dios kuu ron ―jiñaꞌa.

San Marcos 1:34

Te ni ndasaꞌa Jesús kuaꞌa ñayiu ka kuꞌu ndinuu nuu kueꞌe, te ni tau ya kuaꞌa tachi ka ñuꞌu ña jin ñayiu ka kuꞌu kueꞌe yun. Te tu ni jandetu ya ja vi kaꞌan tachi yun, chi ja ka jini na ia kuu ya.

San Marcos 5:7

Te vi ni kana koꞌo tachi ndee ini anu de, te jiñaꞌa: ―¿Nagua kuini ron ja vaji ron nuu oo rin, vi Jesús, Seꞌe ia Dios oo ndee sukun yun? Te jikantaꞌu rin nuu ia Dios ja ma taa ron tnundoꞌo koo rin ―jiñaꞌa.

San Lucas 1:35

Te ni kaꞌan ya: ―Kii Espíritu ia Dios siki ron, te jakaꞌnu maa ya ja oo ndee sukun jinkoo siki ron, na kuinio in viko, te yun saꞌa ja jinkuꞌun lulu ron. Te suchi kaku jian kokui suchi ii, te vi xnani ñayiu jin Seꞌe maa ia Dios.

San Lucas 4:33

Te ini veꞌe ii sinagoga yun oo in tee ñuꞌu ña espíritu tneꞌe ja kuu espíritu tachi, te vi sanaa ni kana jaa,

San Lucas 4:41

Te suni ni kanakuei ña espíritu tachi jin kuaꞌa ñayiu, te ni ka jinkondee ka kana: ―Roon, chi Seꞌe Dios kuu ron ―ka jiñaꞌa. Su ni kaꞌan xeen Jesús, te tu ni jandetu ya ja vi kaꞌan, chi ja ka jini ja maa ya kuu Kristu, ia ni tetniuu Dios.

San Lucas 8:28

Te nuu ni jini tee yaꞌa Jesús, te ni kana jaa de, te ni jinkuiin jiti de nuu ya, te ni kana jaa tachi yun ndee anu de: ―¿Nagua kuini ron, vi Jesús, Seꞌe ia Dios oo ndee sukun, ja vaji ron nuu oo rin? Jikantaꞌu rin ja ma saꞌa ndevaꞌa ña ron ―jiñaꞌa.

San Lucas 8:37

Te vija siun ni kuu, te ndiꞌi ñayiu ñuu ja tnii Gadara ni ka jikantaꞌui nuu Jesús ja na kujioo ya, chi ka yuꞌu ndevaꞌi. Yun te ni ndekuei Jesús nuu barco yun, te kuanoꞌokuei ya Galilea.

Hechos 16:39

Yun te ni jaꞌankuei tee ka jaꞌnde kuechi yun, te ni ka ndakantaꞌu de nuu Pablo vi Silas, te ni ka keneꞌe ña de vekaa yun, te ni ka kaꞌan ndaꞌu de jin tee yun ja na ndekuei de ñuu yun.

Hechos 2:27

chi ma xndendoo ña ni yau ñaña, te ni ma kuandetu ni ja teꞌi yiki kuñu ia tetniuu ni.

Hechos 3:14

Chi saa suaꞌa ni ka skexiko ni ia vii ia ndaa, te ni ka jikan ni ja ni yaa in tee jaꞌni ndiyi.

Hechos 4:27

’Chi ja ndaa kuiti ja ñuu yaꞌa ni ka kututu Herodes vi Poncio Pilato vi ndiꞌi ñayiu sava ka tatatnoꞌo vi ñayiu ñuo Israel ja ni ka ndakoi siki seꞌe vii ni Jesús, ia ni ndakaji ni,

Hebreos 2:14

Te nagua ka kuu seꞌe jin yiki kuñu vi niñi, te suni saa ni ni okuu ya yiki kuñu vi niñi, nagua oo ñayiu ñuyiu, nagua ja jin maꞌñu sagua ja kuu ya, saa te kindee ya jakaꞌnu nevaꞌa Tachi ja jaꞌni.

Santiago 2:19

Te maa ni ja kandija ni ja oo invaa ia Dios, te vatuka, su suni tachi, chi ka kandija vi ka kisi ja ka yuꞌu.

1 Juan 3:8

Su ñayiu saꞌa ni yika kuechi, te oi nuu ndaꞌa Tachi, chi Tachi kuu ja saꞌa yika kuechi ndee jaxtnañuꞌu nuu ni junkoo ñuyiu. Te yun guaa ni kii Seꞌe ia Dios ja ni xnaa ya tniuu saꞌa Tachi yun.

El Apocalipsis 20:2

Te ni kakuiko ya koo kaꞌnu ja oo ndee janaꞌa, ja suni kuu Tachi vi Satanás. Te ni juꞌni ña ya ja konuꞌni mil kuia.

El Apocalipsis 3:7

Te suni ni kaꞌan tuku ya nuu san, te kachi ya: ―Tee tnoꞌo yaꞌa na kiꞌin nuu ia jinokuechi nuu Dios ja jito ñayiu ka skuaꞌa veñuꞌu oo ñuu Filadelfia: Suaꞌa kaꞌan ia vii, ia ndaa, ia yindaꞌa ndakaa rey David, ja ndiso ya tniuu kaꞌnu ja ndakune ya nuu kiukuei ñayiu, te ni in ma kuu ndakasi, te nuu ndakasi ya, te ni in ma kuu ndakune.