San Lucas 4:18 - El Nuevo Testamento y unos libros del Antiguo Testamento

¹⁸ Espíritu maa ia Dios oo jin san, chi ni saꞌa siin ña ya, nagua ja ndakani san tnoꞌo vaꞌa ya nuu ñayiu ka kundaꞌu. Te ni tetniuu ña ya vaji san ja ndasaꞌa san ñayiu ka ndatnaꞌu ini nuu yika kuechi, vi kana ndoso san ja na vi yaa ñayiu ka oo nuu ndaꞌa ñayiu inka ñuu, vi ndasaꞌa san ñayiu ka ndesi nuu vi siaa san ñayiu ka kaꞌan uꞌu ña tnaꞌi.

San Lucas 4:18 Iomraidhean Croise

Génesis 3:15

Te saꞌa rin ja vi kuni uꞌu tnaꞌa ron jin ñasiꞌi yaꞌa, te vi suni saa ni ndikin tata ron jin ndikin tata ña vi konee uꞌu tnaꞌa, te kuain niꞌnui xini ron, te maa ron guaa kayiꞌi ron xujaꞌi.

Salmos 102:20

nagua ja konini ya nuu ka kana ndaꞌu ñayiu ka yiꞌi vekaa, te skaku niꞌnu ya ñayiu vi ja ka oo ja vi kuu,

Salmos 147:3

Te maa ya ndasaꞌa ñayiu ka kusuchi ini anui, te kasi ya in saꞌun nuu ni ka tuji.

Salmos 2:2

Te ka ndakoo tee ka kuu rey vi tee ka tatnuni nuu ñuu siki Jitoꞌo Dios, te inuu ka ndakani kueꞌe ini de siki ya vi siki ia ni chitniuu maa Dios, te ka kachi de:

Salmos 2:6

“Ni jani maa rin rey rin nuu yuku Sión, ja kuu yuku ii maa rin”, jiñaꞌa ya.

Salmos 34:18

Chi yatni ñuꞌu oo Jitoꞌo ja chituu ya ñayiu ka tnaꞌa tnundoꞌo, vi skaku niꞌnu ya ñayiu ka kusuchi ini, ja tu saꞌun ka nagua ka ndetui.

Salmos 45:7

Chi kutoo ni ja saꞌa ndaa ni, te skexiko ni jakueꞌe, te yun guaa ni kaji ña ia Dios, ia kuu Dios maa ni, te ni joso ña ya texeꞌen ja kokusii ini ka ni, saa sava ka ñayiu ka oo jin ni.

Salmos 51:17

Chi ja junkuaan ini ni ja vi soko nuu ni kuu ja vi kusuchi ini ñayiu jin jakueꞌe ka saꞌi. Chi ma skexiko maa ni, vi Dios, in ñayiu ja vi kukueli ja ndatnaꞌu ini.

Isaías 42:7

nagua ja ndakune ron nduchi nuu ñayiu kuꞌu nuu, vi ndatau ron ñayiu ka yiꞌi vekaa vi nuu ka ndesi ñayiu ka oo nuu nee.

Isaías 45:13

Maa rin saꞌa ja saꞌa ndaa Ciro, te ndasaꞌa ndaa rin ndiꞌi ichi jika de. Te maa de ndasaꞌa ñuu rin, te ndasiaa de ñayiu rin ja ka jika ndaꞌu. Te ni ma kakan de ja vi tniuyaꞌui, ni ja vi skutaꞌu ñai, kachi maa rin ja kuu rin Jitoꞌo, ia ndakui ndevaꞌa.”

Isaías 49:9

Te kuñaꞌa ron nuu ñayiu ka ndesi vekaa: Kekuei ni. Te nuu ñayiu ka oo ñunee kuñaꞌa ron: Vi koo ni nuu yeꞌe niꞌnu. Te ndiꞌi ni nuu ichi vi skaa ña jin ron, te nuu nani kuu ni tinduu teꞌa, suni vi niꞌi ron ite ja vi kaa ron, na kuinio lelu.

Isaías 50:4

Maa Jitoꞌo ni tnaa tnoꞌo ndichi yuꞌu san, nagua ja kuni san naxa ndakuñaꞌa san tnoꞌo ndee ini nuu ñayiu mavikuita ichi ya. Te ndiꞌi ni neꞌe xtoto ña ya, te june ya soꞌo san ja konini san tnoꞌo kaꞌan ya nagua saꞌa in tee skuaꞌa.

Isaías 57:15

Chi saa kaꞌan ia kaꞌnu ndevaꞌa, ia oo ndee sukun, ia oo nikuii nikani, te nani ya ia ii: “Maa rin oo ndee sukun vi nuu ii, te suni oo rin jin ñayiu ndatnaꞌu ini vi saꞌa ndaꞌu saꞌa kei mai, nagua ja ndakuñaꞌa rin tnoꞌo ndee ini nuu ñayiu saꞌa ndaꞌu saꞌa kei mai, vi ndasaꞌa sii ini rin anu ñayiu ndatnaꞌu ini.

Isaías 59:21

“Te yaꞌa kuu tratu ja saꞌa rin jin ron”, kachi Jitoꞌo, “Taa rin Espíritu rin ja vi koo jin ron, te tnaa rin tnoꞌo rin yuꞌu ron, te ma kujioo nuu yuꞌu ron, ni ma kujioo nuu yuꞌu ndikin tata ron, ni nuu yuꞌu seꞌe ndikin tata ron, ndee vitna vi nikuii nikani”, kachi Jitoꞌo.

Isaías 61:1

Espíritu maa Jitoꞌo oo jin san, chi ni saꞌa siin ña ya jin san, te ni tetniuu ña ya ja kaxtnoꞌo san tnoꞌo vii tnoꞌo vaꞌa ya nuu ñayiu ka kundaꞌu, vi ndasaꞌa sii ini san ñayiu ka kusuchi ini, vi kana ndoso san ja na vi yaa ñayiu ka oo nuu ndaꞌa ñayiu inka ñuu vi ja siaa san ñayiu ka yiꞌi vekaa.

Isaías 66:2

Chi jin ndaꞌa maa rin ni saꞌa rin ndiꞌi yaꞌa, te yun guaa ni ka jinkoo ndiꞌi”, kachi Jitoꞌo. “Te ñayiu kaꞌan vaꞌa rin ka kuu ñayiu ka saꞌa ndaꞌu ka saꞌa kee mai vi ñayiu ka kusuchi ini ja ka ndatnaꞌu ini nuu jakueꞌe ka saꞌi, te vi ka niꞌi ja ka yuꞌu niꞌnui nuu tnoꞌo rin.

Daniel 9:24

Uni xiko uxi ja uja kuia kuu ja yikuaꞌa, ja koo tnundoꞌo siki ñayiu ñuu ron vi siki ñuu ii ron. Saa te ndiꞌi jakueꞌe vi ndiꞌi yika kuechi, nagua ja junkunyaꞌu yika kuechi, nagua ja na koo jandaa nikuii nikani, te na skunkuu ja ni ka jini vi tnoꞌo ja ni ka ndakani nuu ron, te kuu ii nuu altar maa veñuꞌu.

Zacarías 11:11

Te kiuu yun ni ndaxtuꞌu san tratu ni saꞌa san, saa te ni ka jini ndikachi ndaꞌu ka ja ka ndiaꞌa nagua saꞌa san ja maa ia Dios ni kaꞌan ja saa saꞌa san.

Malaquías 4:2

“Su roon ja ka yuꞌu niꞌnu ña ron, chi yeꞌe nikandii nuu ron ja saꞌa ndaa, te nuu ndaꞌa nikandii yun vaji ja skaku niꞌnu ña, te kekuei ron te vi kanta ron ja ka kusii ini ron, na kuinio chikeru nuu kekuei ti korra ti.

San Mateo 11:5

Ñayiu ka kuꞌu nuu te ka ndayeꞌe nduchi nui. Ñayiu ka kuꞌu siꞌin, te kuu ka ndakakai. Te ñayiu ka kuꞌu kueꞌe ndiꞌyi teꞌi, te ka nduvii. Te ñayiu ka ndesi soꞌo, te ka ndanune soꞌi. Te ñayiu ni ka jiꞌi, te ni ka ndatekui. Te ñayiu ka kundaꞌu, ni ka jini tnoꞌo vaꞌa ia Dios.

San Mateo 12:18

Yaꞌa oo in tee jinokuechi nuu rin ja ni kaji rin de. Te kutoo rin de vi osii ini rin jin de, te kuñaꞌa rin Espíritu rin nuu de, te kaxtnoꞌo de tnoꞌo ndaa rin nuu ñayiu sava ka tatatnoꞌo.

San Mateo 12:20

Te ni ma kaꞌnu de in ndoo ja ni taxin, te ni ma ndaꞌva de ni in yuaꞌa ja inka ni jinkondee kana ñuaꞌa ja kai, vi guaa ndee na kundee de ja kotatnuni ndaa de.

San Mateo 4:16

ñayiu ka oo nuu nee, te vi kuni ja yeꞌe niꞌnu. Chi ndiꞌi ñayiu ka saꞌa jakueꞌe ja ka oi nuu kati ja vi kui, vi kuni ja ndayeꞌe niꞌnu in ñuꞌu ja tetniuu maa ia Dios, ni kaꞌan de suaꞌa.

San Mateo 5:3

͏―͏Na taꞌu na ndetu ñayiu ka saꞌa ndaꞌu ka saꞌa kei mai nuu ia Dios, chi vi koi nuu tatnuni ya.

San Lucas 4:17

Te ni ka jiñaꞌa de tutu ii ja ni tee Isaías, tee ni ndakani tnoꞌo ia Dios ndee janaꞌa. Te nuu ni jani ya tutu yun, te ni jinkuꞌun ya nuu kaꞌan suaꞌa, te ni kaꞌu ya:

San Lucas 6:20

Yun te ni ndakondiaꞌa Jesús nuu tee ka skuaꞌa jin ya, te jiñaꞌa ya: ―Na taꞌu na ndetu maa ni ja ka kundaꞌu ni, chi vi koo ni nuu tatnuni ia Dios.

San Lucas 7:22

Yun te jiñaꞌa Jesús nuu tee ni tetniuu Juan: ―Kuaꞌankuei ni te vi ndakani ni nuu Juan ndiꞌi ja ni ka jini ni vi ni ka onini ni, ja ni ka nduvaꞌa ñayiu ka kuꞌu nuu, vi ñayiu ka kuꞌu siꞌin, vi ñayiu ka kuꞌu kueꞌe teꞌi, vi ñayiu ka ndesi soꞌo vi ni ka ndateku ñayiu ni ka jiꞌi. Te vaji san kaxtnoꞌo san tnoꞌo ia Dios nuu ñayiu ka kundaꞌu.

San Juan 1:41

Yun te ni kee Andrés, ni ndanduku de xtnañuꞌu ka ñani de Simón, te nuu ni ndaniꞌi ña de, te jiñaꞌa de: ―Ni ka nukuꞌun san Mesías, (ja kei kaꞌan “Kristu”, ia ni tetniuu Dios).

San Juan 12:46

Maa san kuu ñuꞌu ja yeꞌe niꞌnu nuu ñayiu, te vaji san nuu ñuyiu, nagua ja ndiꞌi ñayiu ja ka kandija ña jin san, te ma vi koi ñunee.

San Juan 3:34

Chi na in ni tetniuu ia Dios, te tnoꞌo maa Dios kaꞌin, chi tu chikuaꞌa ia Dios Espíritu ya ja jiñaꞌa ya nui.

Hechos 10:38

Te ka jini ni naxa ni jiñaꞌa ia Dios Espíritu ya vi tniuu kaꞌnu nuu Jesús, ia ni jaꞌnu ñuu Nazaret, te ni saꞌa ya kuaꞌa javaꞌa, chi Dios ni oo jin ya. Te ni ndasaꞌa ya ñayiu ni ka okuꞌu kueꞌe ñuꞌu ña tachi.

Hechos 26:18

nagua ja ndakune ron nduchi nui nuu kaxtnoꞌo ron tnoꞌo rin, te ma vi kokakai nuu inee ja kuu ichi kueꞌe, chi na yeꞌe ñuꞌu nui. Te ma vi kosaꞌa kai nagua kuini Tachi, chi na vi saꞌi nagua kuini maa ia Dios, te na vi kandija ñai jin rin. Te vi niꞌi ja konekaꞌnu ini rin yika kuechi, te vi niꞌi in nuu vi saꞌa jajin jin ñayiu ka nduvii nuu rin”, kachi ya nuu san ―jiñaꞌa de.

Hechos 4:26

Ni ka ndututu tee ka tatnuni ñuyiu vi ndiꞌi tee ka kuu nijaꞌnu ni ka kututu, ja ni ndontakuei de siki Jitoꞌo Dios vi siki Kristu, ia ni kaji ni ni kachi ni jin maꞌñu sagua David.

Hechos 4:27

’Chi ja ndaa kuiti ja ñuu yaꞌa ni ka kututu Herodes vi Poncio Pilato vi ndiꞌi ñayiu sava ka tatatnoꞌo vi ñayiu ñuo Israel ja ni ka ndakoi siki seꞌe vii ni Jesús, ia ni ndakaji ni,

Colosenses 1:13

Te ni ndatau ña ia Dios nuu tatnuni Tachi nuu ñunee, te ni ndasiaꞌa ña ya nuu tatnuni Seꞌe ya, ia kutoo ndevaꞌa ya.

Santiago 2:5

Vi konini ni tnoꞌo yaꞌa, vi ñani vi kuaꞌa, ja kaꞌan too ña san: ni kaji ia Dios ñayiu ka kundaꞌu ñuyiu yaꞌa nagua ja na vi kukuikai jin tnoꞌo ka kandijai, te vi niꞌi nuu tatnuni ya ja vi saꞌa jajin, nagua ni kee yuꞌu ya jin ñayiu ka kutoo ya.

1 Pedro 2:9

Te maa ni, chi ñayiu tatatnoꞌo maa ia Dios ka kuu ni, chi ni ndakaji ña ya jin ni. Te ka kuu ni sutu ja ka jinokuechi ni nuu maa ya ja kuu ya rey. Te ka kuu ni in ñuu vii, in ñuu ja ni niꞌi ya ja ka kuu ni ñayiu maa ya, nagua ja vi ndakani ni ndiꞌi javii javaꞌa saꞌa ya, ia ni ndakana ña ja ni ndekuei ni nuu ichi nee, te ni ndiukuei ni nuu ichi ja yeꞌe niꞌnu maa ya.