San Lucas 4:15 - El Nuevo Testamento y unos libros del Antiguo Testamento

¹⁵ Saa te ni jikanuu ya taka veꞌe ii sinagoga nuu ka ndututu ñayiu judio, te ni kaxtnoꞌo ya tnoꞌo ia Dios, te vi ndiꞌi ñayiu ni ka ndakuantnoꞌo ña ja luu kaxtnoꞌo ya.

San Lucas 4:15 Iomraidhean Croise

Isaías 55:5

Te kana ron ñayiu taka ñuu ja tu jini ron, te ka jino ñayiu ñuu ja tu ka jini ña jin ron jakuei nuu oo ron, ja jaꞌa maa rin ja kuu Jitoꞌo ron, ia Dios maa ron, ia ii ñayiu Israel ja ni saꞌa ja oo jayiñuꞌu nuu ron.”

San Mateo 13:54

Te nuu ni ndajino ya ñuu ya, te ni kaxtnoꞌo ya ini veꞌe ii sinagoga nuu ñayiu. Yun te vi ni ka saꞌu kuii kuiti ini ñayiu, te ka ndatnoꞌo tnaꞌi: ͏―͏¿Ndenu ni kutuaꞌa suchi yaꞌa tnoꞌo ndichi ja kaꞌin yaꞌa vi tniuu naꞌnu ja saꞌi?

San Mateo 4:23

Yun te kuaꞌan Jesús ja ni jika nuu ya nii Galilea ja kaxtnoꞌo ya taka veꞌe nuu ka skuaꞌa ja kuu veꞌe ii sinagoga ja ka oo in in ñuu yun. Te ni kaxtnoꞌo ya tnoꞌo vaꞌa naxa tatnuni ia Dios, te ni ndasaꞌa ya ndiꞌi ñayiu ka kuꞌu kueꞌe vi ndiꞌi ja ka jatui.

San Mateo 9:35

Te ni jiondita Jesús nii ñuu naꞌnu vi ñuu kueli kaxtnoꞌo ya taka veꞌe ii sinagoga tnoꞌo vaꞌa naxa tatnuni ia Dios vi ni ndasaꞌa ya ñayiu ka kuꞌu ndiꞌi nuu kueꞌe vi ndiꞌi ja ka jatu ka janiꞌni ñayiu.

San Mateo 9:8

Te nuu ni ka jini ñayiu ja siun ni saꞌa ya, te ni ka yuꞌi, vi ni ka chiñuꞌi ia Dios ja ni jiñaꞌa ya in jakaꞌnu ya nuu ñayiu.

San Marcos 1:27

Te ndiꞌi ñayiu ni ka saꞌu kuii kuiti ini, te ni ka jinkondei ka ndatnoꞌo tnaꞌi: ―¿Nagua kuu jayaꞌa? ¿A in tnoꞌo jaa kuu ja kaxtnoꞌo tee yaꞌa? Chi ndiso tniuu de ja tatnuni de, yun guaa vi ndee tachi kueꞌe ka jantnoꞌo nuu de, te kekuei kuaꞌankuei ―ka kachi.

San Marcos 1:39

Saa te ni jikanuu Jesús nii ñuu ja tnii Galilea, ni kaxtnoꞌo ya tnoꞌo ia Dios nuu veꞌe ii sinagoga ja ka oo taka ñuu yun, te ni tau ya tachi ka ñuꞌu ña jin ñayiu.

San Marcos 1:45

Su tee yun, chi vi nuu ni ndee de kuaꞌan de, te ni jinkondee de ndakani de nuu ndiꞌi ñayiu naxa ni ndoꞌo de ja ni nduvaꞌa de. Te yun guaa ña ni kuu ka kiuu ndijin Jesús nuu ni in ka ñuu yun, chi chitu ndevaꞌa ñayiu nuu ya, te ni kee ya ni ojika ya nuu tu na ñayiu ka oo, su ni ojaꞌankuei ñayiu taka ñuu nuu oo ya.

San Lucas 13:10

In kiuu ndatatu oo Jesús veꞌe ii sinagoga, kaxtnoꞌo ya nuu ñayiu.

San Lucas 4:16

Yun te kuanoꞌo ya ñuu Nazaret nuu ni jaꞌnu ya. Te in kiuu ndatatu ni kiuu ya veꞌe ii sinagoga, nagua ni osaꞌa ya. Te ni ndakoo ya ja kaꞌu ya tutu ii.