San Lucas 3:22 - El Nuevo Testamento y unos libros del Antiguo Testamento

²² Te ni kunjino ndijin Espíritu ia Dios siki ya na kuinio in sata. Te ni kaꞌan in tnoꞌo ndee andivi nuu jiñaꞌa suaꞌa: ―Maa ron kuu seyii rin ja kutoo ndevaꞌa ña rin, te kusii ini rin jin ron ―jiñaꞌa tnoꞌo yun.

San Lucas 3:22 Iomraidhean Croise

Salmos 2:7

Te jiñaꞌa rey yun: “Na kaxtnoꞌo san tnoꞌo ni kaꞌan ia Dios nuu ni kaꞌan ya suaꞌa: Seꞌe maa rin kuu ron, te maa rin ni saꞌa kaꞌnu ña jin ron vitna.

Isaías 42:1

Te jiñaꞌa ka ia Dios: Yaꞌa oo tee jinokuechi nuu rin, te chituu guaꞌa rin de. Te maa rin ni kaji de, te kusii ini ndevaꞌa rin jin de. Te ni jiñaꞌa rin Espíritu rin nuu de, te maa de sandaa ja jaꞌa ñayiu ñuyiu.

San Mateo 12:18

Yaꞌa oo in tee jinokuechi nuu rin ja ni kaji rin de. Te kutoo rin de vi osii ini rin jin de, te kuñaꞌa rin Espíritu rin nuu de, te kaxtnoꞌo de tnoꞌo ndaa rin nuu ñayiu sava ka tatatnoꞌo.

San Mateo 17:5

Te vi nini kaꞌan de, te ni yeꞌe in viko, te ni chisaꞌu ña jin de, te ni ka jini soꞌo de in tnoꞌo kaꞌan nuu viko yun, te jiñaꞌa: ͏―͏Suchiaꞌa kuu seꞌe maa rin ja kutoo ndevaꞌa rin, te kusii ini rin jin. Te vi konini tnoꞌo kaꞌin ͏―͏jiñaꞌa tnoꞌo yun.

San Mateo 27:43

Ni kukanu ini de ia Dios, te na skaku niꞌnu ña ia Dios jin de vitna, nuu ja ndija ja kutoo ña ya, chi ni kaꞌan de ja Seꞌe ia Dios kuu de ͏―͏ka kaꞌan de.

San Mateo 3:13

Yun te ni kee Jesús Galilea, te kuaꞌan ya nuu oo Juan yute Jordán, te ni jino ya ja skuandute ña de.

San Mateo 3:16

Te nuu ni jandute Jesús, te nuu ni nana ya nuu ndute, te vi ore saa ni ndanune andivi. Yun te ni ndiaꞌa ya ja makuun Espíritu ia Dios na kuinio in sata, te ni jinkoxnee siki ya.

San Mateo 3:17

Yun te ni kaꞌan in tnoꞌo ndee andivi, te jiñaꞌa suaꞌa: ͏―͏Suchiaꞌa kuu seꞌe rin ja kutoo ndevaꞌa rin, te kusii ini rin jin ͏―͏jiñaꞌa tnoꞌo yun.

San Marcos 1:11

Yun te ni kana in tnoꞌo kaꞌan ndee andivi, te jiñaꞌa suaꞌa: ―Maa ron kuu seyii rin ja kutoo ndevaꞌa ña rin, te kusii ini rin jin ron ―jiñaꞌa tnoꞌo yun.

San Marcos 1:9

Te in kiuu yun ni kee Jesús ñuu Nazaret, ja tnii Galilea, te kuaꞌan ya ja ni skuandute ña Juan jin ya nuu yute Jordán.

San Marcos 9:7

Yun te ni kuun in viko, te ni chisaꞌu ña jin de, te ndee nuu viko yun ni kee in tnoꞌo, te jiñaꞌa: ―Suchiaꞌa kuu seꞌe maa rin ja kutoo ndevaꞌa rin jin, te vi konini tnoꞌo kaꞌin ―jiñaꞌa tnoꞌo yun.

San Lucas 2:14

Kaꞌnu ndevaꞌa kuu ia Dios ndee sukun yun, te nuu ñuyiu yaꞌa na koo jamani ya nuu ñayiu ja junkuaan ini ña ya, ka kachi ya.

San Lucas 4:21

Te ni jinkondee ya kaꞌan ya: ―Vitna te ni skunkuu tnoꞌo yoso nuu tutu ii yaꞌa ja ni ka onini ndiꞌi ni ―jiñaꞌa ya.

San Juan 1:32

Te suni ndakani Juan nuu jiñaꞌa de: ―Ni jini san Espíritu ia Dios ja makuun ichi andivi na kuinio in sata, te ni jinkoxnee siki ya.

San Juan 12:28

Tata, xneꞌe ni maa ni ja ia kaꞌnu kuu ni ―jiñaꞌa ya. Yun te ni kenta in tnoꞌo ichi andivi ja kaꞌan: ―Ja ni xneꞌe rin ja kuu kaꞌnu rin, te xneꞌe tuku rin inka jichi ―jiñaꞌa ia Dios nuu tnoꞌo yun.

San Juan 5:37

Te suni ndakani maa Tata Dios ja jaꞌa san, ja ni tetniuu ña ya jin san. Te maa ni, chi tu saꞌun na ama ka nini ni tnoꞌo kaꞌan ya, te ni tu ka jini ni na yuꞌu na nuu ya,

Hechos 10:38

Te ka jini ni naxa ni jiñaꞌa ia Dios Espíritu ya vi tniuu kaꞌnu nuu Jesús, ia ni jaꞌnu ñuu Nazaret, te ni saꞌa ya kuaꞌa javaꞌa, chi Dios ni oo jin ya. Te ni ndasaꞌa ya ñayiu ni ka okuꞌu kueꞌe ñuꞌu ña tachi.

Colosenses 1:13

Te ni ndatau ña ia Dios nuu tatnuni Tachi nuu ñunee, te ni ndasiaꞌa ña ya nuu tatnuni Seꞌe ya, ia kutoo ndevaꞌa ya.

1 Pedro 2:4

Te vi kintnaꞌa ni Jitoꞌo Jesukristu, chi maa ya kuu na kuinio in kava teku ja yituu skina veꞌe, te visi ni ka skexiko ña ñayiu, su nuu maa ia Dios, chi Jesukristu kuu in kava ni kaji ya ja ndee yaꞌu ndevaꞌa.