San Lucas 3:16 - El Nuevo Testamento y unos libros del Antiguo Testamento

¹⁶ Yun te jiñaꞌa Juan nuu ndiꞌi ñayiu yun: ―Sein, chi ja ndaa ja jin ndute uun skuandute san ñayiu, su yata sein vaji in tee kuu kaꞌnu ka saa sein ja vini masu nagua kuu saꞌun san ja ndajin san korria ndijan de. Te suu de guaa skuandute ña jin Espíritu ia Dios, te suni teñuꞌu ya ñayiu tu ka kandija.

San Lucas 3:16 Iomraidhean Croise

Proverbios 1:23

Su vi konini tnoꞌo ja kuxeen rin nuu ron, te tetniuu rin Espíritu rin vi koo jin ron, te kaxtnoꞌo rin tnoꞌo rin nuu ron.

Zacarías 13:9

Te ñayiu vi kendoo yun saꞌa rin ja vi tnaꞌi kuaꞌa tnundoꞌo nagua saꞌa ñayiu jin plata ja tnai nuu ñuꞌu te ndasavii, axi nagua saꞌa ñayiu jin oro ja jito tnuni. Saa saꞌa rin jin ñayiu vi kendoo yun. Yun te vi ndakakuneꞌe ñai jin rin, te konini rin tnoꞌo ka kaꞌin, te kuñaꞌa rin ja ñayiu ñuu rin ka kui, te vi kachi: “Jitoꞌo kuu ia Dios mao”. Kachi ya.

San Mateo 3:11

Su sein, chi ja ndaa ja jin ndute uun ni skuandute san ñayiu ka ndatnaꞌu ini, te kiukuei ichi ia Dios. Su yun te kii tee kuu kaꞌnu ka saa maa san ja vini masu nagua kuu saꞌun san ja kuu konee san ndijan de. Su maa de kuu ia ja skuandute ña jin Espíritu ia Dios, te suni teñuꞌu ya ñayiu tu ka kandija.

San Mateo 3:12

Chi nee ya arkia ya ja xtechi ya triu. Te tavaꞌa siin ya triu nuu saka, te teñuꞌu ya paja nuu kokai ja ma ndaꞌva nikuii nikani. Saa kokuu jin ñayiu ͏―͏jiñaꞌa Juan suaꞌa.

San Juan 1:26

Te jiñaꞌa Juan suaꞌa: ―Maa san skuandute ñayiu jin ndute, su maꞌñu sagua maa ni, oo in tee ja tu ka jini ni de.

San Juan 1:27

Te tee yaꞌa kuu tee vaji yata nuu vaji san, su tee kuu kaꞌnu ka kuu de saa sein, te ni masu nagua kuu saꞌun san ja kuu ndajin san corria ndikin ndijan de ―jiñaꞌa de.

San Juan 1:33

Te tu ni ojini san na in kuu. Su ia ni tetniuu ña jin san ja skuandute san ñayiu jin ndute, kachi ya: “Ndee tee xiin siki kuni ron ja kuun Espíritu, te jinkoxnee siki de, te tee yaꞌa kuu tee skuandute ñayiu jin Espíritu ia Dios”, kachi ya.

San Juan 7:38

te na in kandija ña jin san, te ndee ini ndee anui kaka ndute ja taa ja kotekui na kuinio yute nagua kaꞌan nuu tutu ii ―jiñaꞌa ya.

Hechos 1:5

chi ja ndaa ja Juan ni skuandute ñayiu jin ndute, su maa ni, chi nuu masu kuaꞌa ka kiuu, te vi niꞌi ni Espíritu ia Dios ja koo ini anu ni, na kuinio ja ni ka jandute ni jin ya ―jiñaꞌa Jesús.

Hechos 10:44

Te vi nini kaꞌan Pedro tnoꞌo yaꞌa, te ni kee Espíritu ia Dios ini anu ndiꞌi ñayiu ka nini tnoꞌo kaxtnoꞌo de yun.

Hechos 2:33

Te kuanoꞌo ya ja ni nukoo ya ndaꞌa kuaꞌa maa Tata Dios. Te ni niꞌi ya maa Espíritu, nagua ja ni kee yuꞌu ia Dios. Te ni tetniuu ya vitna ja ni ka jini nuu ni vi ka onini ni.

1 Corintios 12:13

Te suni saa ni ka kuu ndiꞌo, a kuu ñayiu judio axi ñayiu sava ka tatatnoꞌo, a ñayiu ka jinokuechi ja tu ka niꞌi yaꞌui axi ñayiu ka saꞌa tniuu mai, chi invaa ni Espíritu ia Dios ni skuandute ña jin ndiꞌo, nagua ja vi kokuo invaa ni yiki kuñu, chi ndiꞌo ni ka niꞌi invaa ni Espíritu ia Dios.