San Lucas 24:11 - El Nuevo Testamento y unos libros del Antiguo Testamento

¹¹ Su tu ni ka kandija de, chi ni ka ndakani ini de ja chia ka kuu kueꞌe ña.

San Lucas 24:11 Iomraidhean Croise

Génesis 19:14

Yun te ni kee Lot kuaꞌan de ja majinkaxtnoꞌo de nuu tee vi kokuu kasa de. Su nuu ni jino de, te jiñaꞌa de: ―Vi ndakoo te na keo na kiꞌon, chi vitna guaa xnaa Jitoꞌo ñuu yaꞌa ―jiñaꞌa de. Su tu ni ka kandija ña tee yun, chi ni ka kaꞌan de ja chia kaꞌan siki de.

Salmos 126:1

Nuu ni saꞌa Jitoꞌo Dios ja ni ka ndajiokuiin san ñuu san Sión, ja ni ka jika ndaꞌu san inka ñuu, te kuu na kuinio nuu ka jani san.

San Marcos 16:11

Su nuu ni ka onini de tnoꞌo ndakani ña ja teku ya, chi ni jini ña jin ya, te tu ni ka kandija de tnoꞌo kaꞌan ña.

San Marcos 16:13

Te nuu ni ka ndakuni ña de, te ni ka ndajiokuiin de ni ka ndakani de nuu sava ka de. Su visi ni saa, te tu ni ka kandija de tnoꞌo ka kaꞌan nduu tee yun.

San Marcos 16:14

Te sandiꞌi ni ka, te ni ndenta ya nuu ndi uxi in tee ka skuaꞌa jin ya, nuu ka nukoo de nuu mesa ka jaa de xtaa. Te ni kuxeen ya nuu de ja tu ka kandija de vi ja inu ndee ini anu de, ja tu ni ka kandija de tnoꞌo ni ka ndakani ñayiu ni ka jini ña jin ya ja ni ndateku ya.

San Lucas 24:25

Yun te jiñaꞌa Jesús: ―¡Nase ndeꞌe uꞌu ka jinkuiꞌnu ini ni! Vi ¡nase ndeꞌe kuee ka kandija ni tnoꞌo ni ka kaꞌan tee ni ka ndakani tnoꞌo ia Dios ndee janaꞌa!

San Lucas 24:41

Te vi saa ni tu ka kandija guaꞌa de ja ka kusii ini de vi ja ni ka saꞌu kuii ini de ja ni ka ndakuni de ya. Te jiñaꞌa ya: ―¿A ka nevaꞌa ron joo ja vi kao yaꞌa? ―jiñaꞌa ya.

Hechos 12:9

Te ni ndee de ndikin de ia yun, su tu ni jinkuiꞌnu ini de a jandaa kuu ja saꞌa ia jinokuechi yun, chi ndakani ini de ja suaꞌa ni ni skuni ña jin de.