San Lucas 23:5 - El Nuevo Testamento y unos libros del Antiguo Testamento

⁵ Su viꞌi ka ni ka kaꞌan de, te ka jiñaꞌa de: ―Tee yaꞌa, chi skaꞌan de ñayiu ñuu san ja ndontakuei vai siki tee ka netniuu. Te ni kejaꞌa de kaxtnoꞌo de ndee Galilea, te vitna ja ni kenta de ndee Judea yaꞌa ―ka jiñaꞌa de.

San Lucas 23:5 Iomraidhean Croise

Salmos 22:16

Chi ni ka jionduu ña in tnii tee kueꞌe jin san ja ka kuu de na kuinio tiꞌina, te ni ka kaan jioo de ndaꞌa san vi siꞌin san.

Salmos 57:4

Te oo san neꞌu ñayiu ka kuu na kuinio ndikaꞌa vi kixin san neꞌu tee xeen ja ka koko de ñayiu. Te noꞌo de ka kuu na kuinio yutnu ndugua, te yaa de kuu na kuinio yuchi kani xeen xeen.

Salmos 69:4

Te ni ka kaya kuaꞌa ka ñayiu ka skexiko ña jin san, saa ixi xini san, te inu ndakui ka ñayiu ka kaꞌan uꞌu ña jin san ja ka kuini ja vi xnaa ñai, visi masu nagua saꞌa san, te ka xtavi kuechi ñai ja ni suꞌu san, su ¿nagua ndatniuyaꞌu san, te masu nagua suꞌu san?

San Mateo 11:1

Te nuu ni ndiꞌi ni xteku ña Jesús jin ndi uxi uu tee ka skuaꞌa jin ya, te kuaꞌan ya ja kaxtnoꞌo ya vi ndakani ya tnoꞌo ndaa nuu ñayiu ka oo taka ñuu yun.

San Mateo 2:1

Te kuia ni otatnuni rey Herodes, ni kaku Jesús ñuu Belén ja tnii Judea, te ni kikuei tee ndichi ja ni ka oskuaꞌa de siki kimi, vajikuei de ichi nuu kana nikandii, te ni jinokuei de ñuu Jerusalén.

San Mateo 27:24

Te nuu ni jini Pilato ja ña kuu nagua saꞌa de, chi vi saa suaꞌa viꞌi ka ka kuvaa ñayiu, te ni jikan de ndute, te ni ndaꞌa de jin nuu ñayiu yun, te jiñaꞌa de: ͏―͏Ma kotavi kuechi san ja kuu tee ndaa yaꞌa. Te vi kotavi kuechi maa ni ͏―͏jiñaꞌa de.

San Mateo 4:23

Yun te kuaꞌan Jesús ja ni jika nuu ya nii Galilea ja kaxtnoꞌo ya taka veꞌe nuu ka skuaꞌa ja kuu veꞌe ii sinagoga ja ka oo in in ñuu yun. Te ni kaxtnoꞌo ya tnoꞌo vaꞌa naxa tatnuni ia Dios, te ni ndasaꞌa ya ndiꞌi ñayiu ka kuꞌu kueꞌe vi ndiꞌi ja ka jatui.

San Marcos 1:14

Te nuu kuee ka ja ni ka jasi ña jin Juan vekaa, te ni ndenta Jesús ñuu ja tnii Galilea, ndakani ya tnoꞌo vaꞌa naxa tatnuni ia Dios.

San Lucas 11:53

Te nuu ni kaꞌan ya tnoꞌo yaꞌa, te ni ka kiti ini ndevaꞌa tee ka kaxtnoꞌo Ley Moisés vi tee ka kuu fariseo, te ni ka jinkondee de ka xtichi ña de jin kuaꞌa tnoꞌo vijin.

San Lucas 23:23

Su vi viꞌi ka ni ka kana ñayiu ka jikain ja na kuitakaa ya, te jin tnoꞌo ni ka kana ñayiu yun vi tee ka kuu nijaꞌnu nuu sutu, ni ka niꞌi ja ka kuini.

San Lucas 23:6

Te nuu ni onini Pilato ja siun ni ka kaꞌan de, te ni jikan tnoꞌo de a tee Galilea kuu ya.

San Juan 1:43

Te inka kiuu tnee suaꞌa, te ni ndakani ini Jesús ja noꞌo ya Galilea, te yun ni ka junkuntnaꞌa ya jin Felipe, te jiñaꞌa ya: ―Kondikin ña ni na kiꞌinkueio.

San Juan 19:15

Su ni ka kana jai: ―¡Na kuu de, na kuu de! ¡Katakaa ni de yika cruz! Te jiñaꞌa Pilato: ―¿A rey ni katakaa san yika cruz? Te ka jiñaꞌa sutu ka kuu nijaꞌnu: ―Tu na rey ka ka nevaꞌa san, chi maintnoꞌo César.

San Juan 2:11

Te tniuu kaꞌnu yaꞌa ni saꞌa Jesús jaxtnañuꞌu ñuu Caná ja tnii Galilea. Te saa ni kuu ja ni xneꞌe ya jakaꞌnu ya, te ni ka kandija ña tee ka skuaꞌa jin ya.

San Juan 7:41

Te sava ka de ka kachi: ―Kristu, ia ni tetniuu Dios, kuu tee yaꞌa. Su sava ka de ka kachi: ―Ñaꞌa, chi masu ñuu Galilea kii Kristu.

San Juan 7:52

Yun te ka jiñaꞌa de: ―¿A suni tee ñuu Galilea kuu ni? Skuaꞌa guaꞌa ni nuu tutu ii, te kuni ni ja tu kee saꞌun in tee ndakani tnoꞌo ia Dios ñuu Galilea ―ka jiñaꞌa de.

Hechos 10:37

Te ja ka jini guaꞌa maa ni nagua ni kuu nuu ni kii Juan ni kaxtnoꞌo de ja nini kuu ja vi kuandute ñayiu. Te yatai yun ni jinkondee Jesús ñuu Galilea vi nii ñuu Judea ni kaxtnoꞌo ya.

Hechos 23:10

Te ja siun ioo ndevaꞌa ka saꞌa de, te ni yuꞌu tee kuu nijaꞌnu nuu soldado yun ja kana saa vi skuechi de Pablo nuu ni ka ndututu de yun. Te ni tatnuni de nuu soldado de ja ni ka ndakindee de Pablo nuu ñayiu yun, te ni ka ndachiꞌi tuku ña de ini cuartel yun.

Hechos 5:33

Su nuu ni ka onini tee yun tnoꞌo ni ka kaꞌan Pedro, te ni ka kiti ini ndevaꞌa de, te vi ni ka kuini de ja vi kaꞌni ña de.

Hechos 7:54

Yun te nuu ni ka onini de tnoꞌo yaꞌa, te ni ka kiti ini ndevaꞌa de, te vi ni ka kaꞌñi noꞌo de ni ndontakuei de siki Esteban.

Hechos 7:57

Yun te ni ka jasi tee yun soꞌo de ja ma vi konini ka de, te ni ka kana koꞌo de ni ka jino de ni ka jinkakuiko ña de jin Esteban.