San Lucas 23:4 - El Nuevo Testamento y unos libros del Antiguo Testamento

⁴ Yun te jiñaꞌa Pilato nuu sutu ka kuu nijaꞌnu vi nuu ndiꞌi ñayiu ni ka ndututu yun: ―Tu saꞌun na kuechi niꞌi san siki tee yaꞌa ―jiñaꞌa de.

San Lucas 23:4 Iomraidhean Croise

San Mateo 27:19

Su nuu nukoo Pilato nuu mesa ja jaꞌnde de kuechi, te ni ndaniꞌi de in tnoꞌo ja ni tetniuu ñasiꞌi de nuu jiñaꞌa ña: ͏―͏Ma kiunduu ni ja xtavi kuechi ni tee ndaa jian, chi ioo ndevaꞌa ni jani san nuu jakuaa ja jaꞌa de ͏―͏jiñaꞌa ña.

San Marcos 15:14

Te jiñaꞌa Pilato: ―¿Te na kuechi ni saꞌa de nuu saa? Su viꞌi ka ni ka kana koꞌo ñayiu ka oo yun: ―Katakaa ni de yika cruz ―ka jiñaꞌi.

San Lucas 23:22

Te ni kaꞌan tuku Pilato jichi kuu uni, te jiñaꞌa de: ―¿Su na jakueꞌe ni saꞌa tee yaꞌa? Tu na kuechi niꞌi san siki de ja kokuu de. Te na tatnuni san vi kani ña jin de, te siaa san de ―jiñaꞌa Pilato.

San Juan 18:38

Te jiñaꞌa Pilato: ―¿Te nagua kuu tnoꞌo ndaa yun? Te nuu ni ndiꞌi ni jikan tnoꞌo ña Pilato jin Jesús, te ni ndee tuku de nuu ka oo ñayiu judio, te jiñaꞌa de: ―Tu saꞌun na kuechi nukuꞌun san siki tee yaꞌa.

Hechos 25:25

Su maa san, chi kaꞌan san ja tu na kuechi ni saꞌa de ja kuu de. Su ja siun vi maa de ni jikan ja ndayaꞌa de nuu ndaꞌa César Augusto, guaa ni ndakani ini san ja ndasiaꞌa san de nuu ndaꞌa rey yun.

Hechos 3:13

Su masu saa, chi ia Dios ni ochiñuꞌu ndi tatao Abraham vi Isaac vi Jacob, vi Dios ndiꞌi tatatnoꞌo kuu ia ni saꞌa kaꞌnu ya seꞌe ya Jesús, te ia yaꞌa ni ka kakuiko ni, te ka kaꞌan kuechi ni siki ya nuu Pilato. Te nuu ni kuini de ja siaa ña de, te tu ni ka jandetu ni.

Hebreos 7:26

Chi Jesús kuu ndija sutu ja ka jiniuꞌo, chi ia vii kuu ya, te tu na kuechi ya, ni tu na jakueꞌe saꞌa ya, te kuu siin ya nuu ñayiu ka saꞌa yika kuechi, te kuu kaꞌnu ndevaꞌa ka ya ndee andivi.

1 Pedro 1:19

chi ni ndatau ña ya jin niñi Jesukristu ja ndee yaꞌu ndevaꞌa ka, ja ni soko ya maa ya na kuinio in lelu, kiti oo vii oo vaꞌa.

1 Pedro 2:22

Chi kaꞌan nuu tutu ii: Maa ya, chi tu saꞌun na yika kuechi ni saꞌa ya, te ni tu ni xndaꞌu ya ñayiu, kachi tutu ii.

1 Pedro 3:18

Chi suni saa ni tnaꞌa Jesukristu tnundoꞌo nuu ni jiꞌi ya invaa jichi ja jaꞌa yika kuechi ndiꞌo. Te ia vii ia vaꞌa kuu ya, su ni tnaꞌa ya tnundoꞌo ja jaꞌa yoon ja ni ka okuo ñayiu kueꞌe, nagua ja ndakuaka ña ya noꞌokueio nuu ia Dios. Chi ni jiꞌi ya jin yiki kuñu ya, su ni ndateku ya ni saꞌa Espíritu maa ia Dios.