San Lucas 23:2 - El Nuevo Testamento y unos libros del Antiguo Testamento

² Te ni ka jinkondee de ka kaꞌan kuechi de siki ya, te ka jiñaꞌa de: ―Ni ka nukuꞌun san tee yaꞌa ja skaꞌan de ñayiu ñuu san, vi kaꞌan de ja ma vi tniuyaꞌu ka san xuꞌun impuestu ja kiꞌin nuu rey ñuu Roma. Te suni kaꞌan de ja tee ni tetniuu Dios kuu de, vi suu de kuu rey ―ka jiñaꞌa de.

San Lucas 23:2 Iomraidhean Croise

Salmos 35:11

Te ka ndakoo testiu kueꞌe ndevaꞌa, te ka jikan tnoꞌo ña tnoꞌo ja tu jini san ja vi skanakau ña.

Salmos 62:4

Te maintnoꞌo ni ka ndakani ini ni ja vi xtajioo ña ni, ja ma kokuu kaꞌnu ka san, te inu too ni ja ka kaꞌan ni tnoꞌo tnoꞌo. Te ka saꞌa ni ja ka kaꞌan vii ka kaꞌan vaꞌa ni jin san, su anu ni, chi ka xtau tniaꞌa ña ni.

Zacarías 11:8

Te jin invaa ni yoo ni skunu san uni tee ka jito ndikachi, chi ni tunini san de, te ni ka skexiko ña maa de jin san.

San Mateo 17:27

Su ja ma vi nduxii ini de jion, te kuaꞌan ni yuꞌu ndute mar, te skee ni kaa tikanchu ni, te chiaka xtnañuꞌu ja tau ni, tnii ni ti, te kune ni yuꞌu ti, te yun ndaniꞌi ni in xuꞌun ja kenta ja tniuyaꞌu ni impuestu nduo ͏―͏jiñaꞌa ya.

San Mateo 22:21

Te ka jiñaꞌa de: ͏―͏Yunuu César, tee tatnuni ñuu Roma kuu. Yun te jiñaꞌa ya: ͏―͏Nuu saa te vi kuñaꞌa ni nuu César nagua kuu kuenta maa César, te nuu ia Dios ja kuu kuenta maa ya.

San Mateo 27:11

Yun te ni ka ndasiaꞌa de Jesús ndaꞌa Pilato, tee tatnuni ñuu Jerusalén, te ni jikan tnoꞌo ña de jin ya: ͏―͏¿A suu ron kuu rey ñayiu judio? ͏―͏jiñaꞌa de. Te jiñaꞌa Jesús: ͏―͏Suu san kuu kaꞌan maa ni.

San Marcos 12:17

Yun te jiñaꞌa Jesús: ―Nuu saa te vi kuñaꞌa ni nuu César nagua kuu kuenta maa César, te nuu ia Dios nagua kuu kuenta maa Dios, ―jiñaꞌa ya. Te vi ni ka saꞌu kuii kuiti ini de ja siun jiñaꞌa ya.

San Marcos 15:2

Te ni jikan tnoꞌo ña Pilato jin ya: ―¿A suu ron kuu rey ñayiu judio? ―jiñaꞌa de. Te jiñaꞌa Jesús: ―Saa kaꞌan maa ni.

San Lucas 23:14

te jiñaꞌa de: ―Yaꞌa oo tee ni ka kisiaꞌa maa ni nuu san, ja ka xtavi kuechi ni de, ja skaꞌan de ñayiu ñuu ja vi ndakoi siki tee ka netniuu. Su vi jin nuu ndiꞌi maa ni ni xndichi san de, te tu ni nukuꞌun san ni in jakueꞌe ja ka xtavi maa ni de.

San Lucas 23:5

Su viꞌi ka ni ka kaꞌan de, te ka jiñaꞌa de: ―Tee yaꞌa, chi skaꞌan de ñayiu ñuu san ja ndontakuei vai siki tee ka netniuu. Te ni kejaꞌa de kaxtnoꞌo de ndee Galilea, te vitna ja ni kenta de ndee Judea yaꞌa ―ka jiñaꞌa de.

San Juan 18:29

Yun te ni kee Pilato, tee tatnuni ñuu yun, ja kaꞌan de jin ñayiu yun, te jiñaꞌa de: ―¿Na kuechi ka xtavi ni tee yaꞌa?

San Juan 18:30

Te ka jiñaꞌa de: ―Nuu suaꞌa te masu tee saꞌa jakueꞌe kuu de, chi ma vi kisiaꞌa san de nuu ndaꞌa ni ―ka jiñaꞌa de.

San Juan 19:12

Te ndee ore saa ni nduku ndee Pilato ja siaa de Jesús, su ñayiu judio, chi ni ka kana jai, ka jiñaꞌi: ―Nuu ja siaa uun ni tee yaꞌa, te masu amigo César kuu ni, chi ndiꞌi tee saꞌa ja rey kuu maa de, te ndakoo de siki rey César ―ka jiñaꞌa de.

Hechos 24:13

Su tee yaꞌa, chi ni in kuechi ja ka xtavi ña de jin san vitna, ma kee ndaa.

Hechos 24:5

Chi ka jini ndaa san ja tee yaꞌa kuu de na kuinio in kueꞌe ja chiꞌi tnaꞌa, te vi nii ñuyiu jika de, te suu de kuu ja saꞌa ja jaꞌnde tnaꞌa ñayiu judio, chi maa de kuu nijaꞌnu yindaꞌa ñayiu ka skuaꞌa tnoꞌo Jesús, tee ni jaꞌnu ñuu Nazaret.

Romanos 13:7

Te suni tniuyaꞌu ni ndiꞌi nagua ndita ni: tniuyaꞌu ni xuꞌun ja ka jakin tnaꞌa ni nuu ñuu, vi xuꞌun impuestu ja ndita ni nuu ñayiu ka jikan xuꞌun impuestu. Te kaꞌan vii vi kaꞌan vaꞌa ni nuu ñayiu kuini ja kaꞌan vaꞌa ni, te konee yiñuꞌu ni nuu ñayiu kuini ja konee yiñuꞌu ni.