San Lucas 22:11 - El Nuevo Testamento y unos libros del Antiguo Testamento

¹¹ Te vi kaꞌan ni jin maa tee xiin veꞌe yun: “Kachi Mastru ja ¿ndenu oo veꞌe ja tanuu ni vi kaxini de jin tee ka skuaꞌa jin de viko pascua yaꞌa?”, vi kuñaꞌa ni.

San Lucas 22:11 Iomraidhean Croise

San Mateo 21:3

Te nuu na in kaꞌan, te vi kuñaꞌa ni suaꞌa: “Maa Jitoꞌo jiniuꞌu ti, su vini ndatetniuu ya ti” vi kuñaꞌa ni ͏―͏jiñaꞌa ya.

San Marcos 14:14

Te veꞌe nuu ndiuu de yun, vi kaꞌan ni jin maa tee xiin veꞌe yun: “Kachi Mastru: ¿Ndenu oo veꞌe ja tanuu ni vi kaxini san jin tee ka skuaꞌa jin san viko pascua yaꞌa?”, vi kuñaꞌa ni.

San Lucas 19:31

Te nuu na in ñayiu jikan tnoꞌo: “¿Nau ja ka ndajin ni ti?”, te vi kuñaꞌa ni ja maa Jitoꞌo jiniuꞌu ti ―jiñaꞌa ya.

San Lucas 19:34

Te ka jiñaꞌa de: ―Saa, chi maa Jitoꞌo jiniuꞌu ti, guaa ka ndajin san ti ―ka jiñaꞌa de.

San Lucas 19:5

Te nuu ni yaꞌa Jesús yun, te ni jini ya ja yoxnee de, te jiñaꞌa ya: ―Zaqueo, manuu ñama ni na kiꞌon, chi kanuu ja ndoo san veꞌe ni vitna ―jiñaꞌa ya.

San Lucas 22:10

Te jiñaꞌa ya: ―Kuaꞌankuei ni te nuu kiukuei ni maa ñuu kaꞌnu yun, te vi jinkuntnaꞌa ni jin in tee ndiso in kiyi ndute. Te vi kondikin ni de kiꞌinkuei ni ndee na ndiuu de veꞌe nuu oo de yun.

San Lucas 22:12

Te xneꞌe maa de in veꞌe kaꞌnu oo ndee sukun nuu ja oo tuaꞌa. Te yun vi saꞌa vaꞌa ni ja vi kaxinio ―jiñaꞌa ya.

San Juan 11:28

Te nuu ni ndiꞌi ni kaꞌan ya tnoꞌo yun, te ni jaꞌan Marta ni nukana ña kuꞌu ña María, ni kaxtnoꞌo yuꞌu ña, te jiñaꞌa ña: ―Ni kee Mastru yaꞌa, te kana ña ya jin lo ―jiñaꞌa ña.

El Apocalipsis 3:20

Vi konini guaꞌa, chi yaꞌa oo rin yeꞌe ron, te kana rin. Te nuu ja ndee in ñayiu nini tnoꞌo kaꞌan rin, te ndakunei yeꞌi, te kiuu rin veꞌi, te kaxini rin jin, te suni kaxini mai jin rin.