San Lucas 2:9 - El Nuevo Testamento y unos libros del Antiguo Testamento

⁹ Te vi sanaa ni kenta in ia jinokuechi nuu ia Dios, te ninii nuu ka oo de ni yeꞌe niꞌnu, te ni ka yuꞌu ndevaꞌa de.

San Lucas 2:9 Iomraidhean Croise

Éxodo 16:10

Te vi nini kaꞌan Aarón nuu ndiꞌi ñayiu Israel, te ni ka ndakondiaꞌa ndiꞌi de ichi nuu ñuꞌu teꞌa, te ni ka jini de jakaꞌnu maa Jitoꞌo ja ni kenta nuu viko.

Éxodo 16:7

Te neꞌe ka xtnee te vi kuni ni jakaꞌnu ndevaꞌa kuu maa Jitoꞌo, chi ni onini ya ja ka kaꞌan kuechi ni siki ya. Te sein, chi masu na in ka kuu saꞌun san ja vi kokaꞌan kuechi ni siki san ―ka jiñaꞌa de.

Isaías 40:5

Yun te xneꞌe Jitoꞌo ja yeꞌe tajan ya, te in ni vi kuni ndiꞌi ñayiu, chi saa kaꞌan maa Jitoꞌo.

Isaías 60:1

Ndakoo, vi ñuu Jerusalén, te yeꞌe ron, chi ni kenta ia sieꞌe ña jin ron, te ja yeꞌe tajan Jitoꞌo ni yeꞌe nuu oo ron.

San Mateo 1:20

Yun ndakani ini de, te ni kixin de, te ni skuni ña in ia jinokuechi nuu maa Dios, te jiñaꞌa ya: ͏―͏José, ndikin tata ndee David, ma koyuꞌu ron ja tnandaꞌa ron jin María ja kokuu ñasiꞌi ron, chi lulu ña ja ñuꞌu jian, maa Espíritu ia Dios ni saꞌa.

San Lucas 1:28

Ni kiuu ya nuu oo María, te ni ndakantnoꞌo ña ya, te jiñaꞌa ya: ―Na taꞌu na ndetu ni kuu ron nuu ndiꞌi ñasiꞌi, chi oo ia Dios jin ron, ia kuu Jitoꞌo ron ―jiñaꞌa ya.

San Lucas 2:8

Yatni ñuu Belén ka oo tee ka jito ndikachi ja ka ndee de ti jakuaa yun.

San Lucas 24:4

Te vi tu ka nii ini ña naxa vi saꞌa ña, te vi sanaa ni ka jini ña uu ia ka jinokuechi nuu Dios, ka yeyeꞌe saꞌun ka niꞌnu ya ka nukuiin ya nuu ka oo ña.

San Juan 12:41

Te tnoꞌo yaꞌa ni kaꞌan Isaías, nuu ni skuni ña ia Dios jin de ja kuu kaꞌnu ndevaꞌa Jesús, te ja jaꞌa ya ni kaꞌan de.

Hechos 12:7

Te vi sanaa ni ni jino in ia jinokuechi nuu Jitoꞌo, te ni yeꞌe niꞌnu in ñuꞌu ini vekaa yun, te ni skanda ya xiin Pedro ja ni xndoto ña ya, te jiñaꞌa ya: ―Ndakoo ñama. Te vi ore saa ni junkuei cadena ndikin ndaꞌa de.

Hechos 27:23

Chi nuu jakuaa vitna, ni skuni ña in ia jinokuechi nuu Dios, ia xiin nuu oo san vi jinokuechi san.

Hechos 5:19

Su nuu jakuaa ni jaꞌan in ia jinokuechi nuu Jitoꞌo Dios, te ni ndakune ya yeꞌe vekaa yun, te ni keneꞌe ña ya, te jiñaꞌa ya:

2 Corintios 3:18

Te yun guaa ndiꞌi yoon ja ka kandijao, chi tu ka jasi kao in saꞌun nuo, chi ka kuo na kuinio in speju ja ndasieꞌe ja yeꞌe tajan maa Jitoꞌo, te ndi joo ndi joo kuaꞌankueio ka ndasamao nagua oo nagua kaa maa Jitoꞌo, te vi saa vi saa ka yeꞌe kao, nagua yeꞌe tajan maa ya. Te yaꞌa saꞌa maa Jitoꞌo ja kuu ya Espíritu.

2 Corintios 4:6

Chi maa Dios, ia ni tatnuni ja ni yeꞌe nuu nee, kuu ia ni saꞌa ja ni yeꞌe ini anuo nagua ja kuu vi kunio jayeꞌe tajan ia Dios, nagua yeꞌe ya nuu Jesukristu.

1 Timoteo 3:16

Ja ndaa ja kaꞌnu kuu tnoꞌo ni oyuꞌu ndee janaꞌa ja ka kandijao: Ni xneꞌe Dios maa ya nuu ni kuu ya teyii, Te Espíritu ia Dios kaxtnoꞌo ja oo guaꞌa ndiꞌi tniuu ni saꞌa ya. Te ni ka jini ia ka jinokuechi nuu Dios ja saa ni kuu. Te ni jitenuu tnoꞌo ya nuu ñayiu ñuyiu. Te ni ka kandija sava ñayiu nii ñuyiu tnoꞌo ya. Te mandaa ya kuanoꞌo ya andivi.

Hebreos 12:21

Te ioo ndevaꞌa kaa ja ka ndiaꞌi yun ja vi ndee Moisés jiñaꞌa: “Vi suaꞌa niꞌi san ja yuꞌu ndevaꞌa san”, jiñaꞌa de.

El Apocalipsis 18:1

Te nuu ni yaꞌa yun, te ni jini tuku san inka ia jinokuechi nuu Dios ja makuun ya ichi andivi jin jakaꞌnu ndevaꞌa ya, te vi ni yeꞌe niꞌnu ninii ñuyiu jin jayeꞌe tajan ya.

El Apocalipsis 20:11

Yun te ni jini san in mesa kuijin kaꞌnu, vi maa ia nukoo ja tatnuni. Te ni ka kujioo ñuyiu vi andivi nuu ya, te ni tu naꞌa ka ndenu ni oo.