San Lucas 2:11 - El Nuevo Testamento y unos libros del Antiguo Testamento

¹¹ chi ni kaku in lulu ñuu David, in suchi skaku niꞌnu ñayiu, te sui kuu Kristu, ia ni tetniuu Dios ja kui Jitoꞌo.

San Lucas 2:11 Iomraidhean Croise

Génesis 3:15

Te saꞌa rin ja vi kuni uꞌu tnaꞌa ron jin ñasiꞌi yaꞌa, te vi suni saa ni ndikin tata ron jin ndikin tata ña vi konee uꞌu tnaꞌa, te kuain niꞌnui xini ron, te maa ron guaa kayiꞌi ron xujaꞌi.

Génesis 49:10

Te tu na in kindee seyu Judá nuu mesa ja tatnuni de, ni vara ii tee netniuu, vi guaa ndee na ndenta maa tee xiin kuenta yun. Te nuu maa de guaa vi kandija ñayiu ñuu te vi ndututui ja vi chiñuꞌu ñai.

Salmos 2:2

Te ka ndakoo tee ka kuu rey vi tee ka tatnuni nuu ñuu siki Jitoꞌo Dios, te inuu ka ndakani kueꞌe ini de siki ya vi siki ia ni chitniuu maa Dios, te ka kachi de:

San Mateo 1:16

Te Jacob ni okuu yua José yii María. Ñaꞌa yun ni okuu nana Jesús, ia nani Kristu.

San Mateo 1:21

Te koo in seyii ña, te vi xnani ron jin Jesús, chi sui skaku niꞌnu ñayiu ñui nuu yika kuechi ͏―͏jiñaꞌa ya suaꞌa.

San Mateo 16:16

Yun te jiñaꞌa Simón Pedro: ͏―͏Maa ni kuu Kristu, ia ni tetniuu Dios, vi Seꞌe ia Dios teku kuu ni ͏―͏jiñaꞌa de.

San Mateo 16:20

Yun te ni tatnuni ya nuu tee ka skuaꞌa jin ya ja ma vi kokaꞌan de nuu ni in ñayiu ja maa ya kuu Kristu, ia ni tetniuu Dios.

San Lucas 1:43

Te ¿na in kuu sein ja kokikoto ña nana maa ia Jitoꞌo san?

San Lucas 1:69

chi ni tetniuu ya in ia ndiso tniuu kaꞌnu ja skaku niꞌnu ña ya, in ia kuu tatatnoꞌo rey David, tee ni ojinokuechi nuu maa ia Dios.

San Lucas 2:26

Te ni oo in kiuu ni skuni ña Espíritu ia Dios ja maa kuu de ama ka ja kuni nuu de ia tetniuu maa Jitoꞌo ja skaku niꞌnu ya ñayiu.

San Lucas 2:4

Te yun guaa ni ndee José ñuu Nazaret ja tnii Galilea, te kuanoꞌo de ñuu Belén ja tnii Judea, ñuu nuu ni kaku rey David, chi tatatnoꞌo rey David kuu José,

San Juan 1:41

Yun te ni kee Andrés, ni ndanduku de xtnañuꞌu ka ñani de Simón, te nuu ni ndaniꞌi ña de, te jiñaꞌa de: ―Ni ka nukuꞌun san Mesías, (ja kei kaꞌan “Kristu”, ia ni tetniuu Dios).

San Juan 1:45

Ni ndanduku ña Felipe jin Natanael, te ni ndaniꞌi ña de, te jiñaꞌa de: ―Ni ka nukuꞌun san tee xiin jaꞌa ni tee Moisés nuu Ley, vi nagua ni ka kaꞌan tee ni ka ondakani tnoꞌo ia Dios ndee janaꞌa. Te suu de kuu Jesús, seyii José, tee ñuu Nazaret ―jiñaꞌa de.

San Juan 11:27

Te jiñaꞌa ña: ―Saa, vi Jitoꞌo san, kandija san ja maa ni kuu ia ni tetniuu Dios vi Seꞌe maa ia Dios, ja vaji ni nuu ñuyiu yaꞌa ―jiñaꞌa ña.

San Juan 20:31

Su ni tee san tnoꞌo yaꞌa nagua ja vi kandija ni ja Jesús kuu Kristu, ia ni tetniuu Dios, vi Seꞌe maa Dios kuu ya. Te jin ja ka kandija ni ya, te vi niꞌi ni ja vi koteku ni nikuii nikani jin maꞌñu sagua ya.

San Juan 4:25

Te jiñaꞌa ñasiꞌi yun: ―Ja jini san ja kii Mesías, ia tetniuu Dios, ja nani ya Kristu. Te nuu na kenta ya, te kaxtnoꞌo ndiꞌi ya nani guaa kuu ―jiñaꞌa ña.

San Juan 4:42

Te ka jiñaꞌi nuu ñasiꞌi yun: ―Masu ka kandija ka san maintnoꞌo tnoꞌo ni ndakani ni, chi vi ni ka onini maa san, te ni ka jini ndaa san ja suu ia yaꞌa kuu Kristu, ia skaku niꞌnu ñayiu ñuyiu ―ka jiñaꞌi.

San Juan 6:69

Te sein, chi ka kandija ña san vi ka jini san ja maa ni kuu ia ni tetniuu Dios vi Seꞌe maa ia Dios teku ―jiñaꞌa de.

San Juan 7:41

Te sava ka de ka kachi: ―Kristu, ia ni tetniuu Dios, kuu tee yaꞌa. Su sava ka de ka kachi: ―Ñaꞌa, chi masu ñuu Galilea kii Kristu.

Hechos 10:36

Ni tetniuu ia Dios tnoꞌo ya nuu ñayiu Israel nuu ni kaxtnoꞌo ya tnoꞌo vaꞌa Jesús nuu ñayiu yun ja na vi koo mani jin maꞌñu sagua ya, te maa ya kuu Jitoꞌo ndiꞌo.

Hechos 13:23

Te in ndikin tata maa rey David yaꞌa kuu Jesús, ia ni tetniuu Dios ja skaku niꞌnu ya ñayiu Israel, nagua ja ni kee yuꞌu ya ndee ama ka.

Hechos 17:3

Ni okaxtnoꞌo de nagua yoso nuu tutu ii yun ja oo ndaa ja nini kuu ja kuu Kristu, te ndateku ya neꞌu ndiyi. Te jiñaꞌa de: ―Suu maa Jesús, ia xiin jaꞌa ndakani san yaꞌa kuu Kristu, ia ni tetniuu Dios.

Hechos 2:36

’Te yun guaa vi kuni ndiꞌi ñayiu ñuu Israel ja vi jandaa ja Jesús, ia ni ka jatakaa ni yika cruz, kuu ia ni saꞌa kaꞌnu Dios ja kokuu ya Jitoꞌo vi Kristu ―ni kaꞌan Pedro.

Hechos 5:31

Su Dios, chi ni ndoneꞌe ña ya, te ni juntaa ña ya ndaꞌa kuaꞌa ya, te ni saꞌa kaꞌnu ña ya ja skaku niꞌnu Jesús ñayiu, nagua ja ñayiu ñuo Israel vi ndatnaꞌu ini ichi kueꞌe, te vi ndajiokuiin nuu ia Dios, te kuakaꞌnu ini ya yika kuechi.

1 Corintios 15:47

Te tee xtnañuꞌu ja ni oo ñuyiu, chi jin ñuyaka ñuꞌu ni saꞌa ña ia Dios. Te tee kuu uu ja kuu maa Jitoꞌo, chi ndee andivi oo ya.

Filipenses 2:11

Te saa nagua ja ndiꞌi ñayiu vi ndaa yuꞌu, te vi kaꞌin ja Jesukristu kuu maa Jitoꞌo, nagua ja vi konei jayiñuꞌu nuu Tata Dios.

Filipenses 3:8

Te ja ndaa ndija ja tu kukanu ini ka san ndiꞌi yun, chi in jaguaꞌa ka kuu ja jini guaguaꞌa san Jitoꞌo san Jesukristu. Te ja jaꞌa maa ya kuu ja tu ndiꞌni ka san ndiꞌi yun, te ndiaꞌa san na kuinio in miꞌi, nagua ja kundee san ja koo san jin Kristu.

Colosenses 2:6

Te yun guaa naxa ni ka jantaꞌu ni Jesukristu ja kuu ya Jitoꞌo, te saa vi kaka ni jin ya.

1 Juan 4:14

Te maa san, chi ni ka jini san jin nuu san, te ka ndakani san ja ni tetniuu tata Dios Seꞌe ya ja skaku niꞌnu ya ñayiu ñuyiu.

1 Juan 5:1

Te ndiꞌi ñayiu ja ka kandija ja Jesús kuu Kristu, ia ni tetniuu Dios, te seꞌe maa Dios ka kui. Te ndiꞌi ñayiu ka kutoo ia kuu Tata, te suni ka kaꞌan toi ñayiu ka kuu seꞌe maa ya.