San Lucas 2:10 - El Nuevo Testamento y unos libros del Antiguo Testamento

¹⁰ Su yun te jiñaꞌa ia jinokuechi yun: ―Ma vi yuꞌu ron, chi vaji rin ndakani rin in ja vi kusii ndevaꞌa ini ndiꞌi ñayiu ñuu vitna,

San Lucas 2:10 Iomraidhean Croise

Génesis 12:3

Te ñayiu saꞌa ña javii javaꞌa, te saa ni javii javaꞌa saꞌa rin jin, te na ñayiu xtau tniaꞌa ña jin ron, te suni xtau tniaꞌa rin jin, te ja jaꞌa ron guaa saꞌa rin ja vi koo vii vi koo vaꞌa ndiꞌi ñayiu ñuyiu ―jiñaꞌa ia Dios nuu Abram.

Isaías 40:9

Makakuei ron ñayiu Sión, ja kuu Jerusalén ndee nuu yuku sukun yun, te vi xtutenuu tnoꞌo rin. Vi kana jin ndiꞌi jandakui ron, te vi xtutenuu tnoꞌo vii tnoꞌo vaꞌa, vi kana, ma vi yuꞌu ron, te vi kuñaꞌa nuu ñayiu Judá: “Yaꞌa vaji ia Dios mao”.

Isaías 41:27

Chi maa rin kuu jaxtnañuꞌu ja ni kaxtnoꞌo tnoꞌo sii ini nuu ñayiu Sión, te maa rin ni tetniuu in tee ja ndakani de tnoꞌo vii tnoꞌo vaꞌa nuu ñayiu Jerusalén, ja ja oo yatni ja vi ndajiokuiin ñayiu ñuu yun.

Isaías 49:6

Te kachi ya nuu san: “Masu na ja vaviꞌi kuu ja kokuu ron tee jinokuechi nuu rin, ja ndaxtutu ron ñayiu Israel ja ka teku ka, ja ka kui ndikin tata Jacob, nagua ja na vi ndajiokuiin ñui. Chi suni saꞌa rin ja kokuu ron na kuinio ñuꞌu ja koyeꞌe ron nuu ñayiu sava ka tatatnoꞌo, vi nagua ja kaxtnoꞌo ron nuu ñayiu ka oo ndee jaꞌa ñuyiu ja skaku niꞌnu rin jin.”

Isaías 52:10

Chi vi jin nuu ñayiu ndiꞌi ñuu, te ni xneꞌe ya jakaꞌnu ya, te vi ndiꞌi ñuu ja ka oo ndee jaꞌa ñuyiu vi kuni ja ni skaku niꞌnu ña ia Dios mao jion.

Isaías 52:7

Nase vivii siꞌin nevaꞌa ñayiu vaji nuu yuku jin tnoꞌo vii tnoꞌo vaꞌa, vi kaꞌin tnoꞌo mani, vi vaji jin tnoꞌo sii ini, vi xtutenui tnoꞌo ja skaku niꞌnu ia Dios ñayiu, te jiñaꞌi nuu ñuu Sión: “Maa ia Dios ron kuu rey, ia tatnuni”.

Isaías 61:1

Espíritu maa Jitoꞌo oo jin san, chi ni saꞌa siin ña ya jin san, te ni tetniuu ña ya ja kaxtnoꞌo san tnoꞌo vii tnoꞌo vaꞌa ya nuu ñayiu ka kundaꞌu, vi ndasaꞌa sii ini san ñayiu ka kusuchi ini, vi kana ndoso san ja na vi yaa ñayiu ka oo nuu ndaꞌa ñayiu inka ñuu vi ja siaa san ñayiu ka yiꞌi vekaa.

Daniel 10:19

Te kachi ya: ―Ma koyuꞌu ron, te koo jin jamani, chi kutoo ndevaꞌa ña ia Dios. Saꞌa ndee ini ron, te koo yutnu ron ―kachi ya. Te vi nini kaꞌan ya, te ni nukuꞌun ndee ini san, te jiñaꞌa san: ―Kaꞌan ni, vi Jitoꞌo san, chi ni ndataa maa ni jandakui san ―jiñaꞌa san.

Zacarías 9:9

Vi kokuu sii ini ndevaꞌa ron, ñayiu Sión, te vi kana jaa ron ñayiu Jerusalén ja ka kusii ini ron. Vi kondiaꞌa ja vaji tee kuu rey ron nuu ka oo ron, te kuu de in tee ndaa, in tee kundee, te saꞌa ndaꞌu de maa de. Yoso de in mentu, in mentu luluu, seꞌe mentu siꞌi kiti jiso.

San Mateo 14:27

Su yun te ni kaꞌan Jesús, te jiñaꞌa ya: ͏―͏Vi koo anu ni, ma vi yuꞌu ni, chi maa san kuu.

San Mateo 28:18

Yun te ni kuyatni Jesús, te jiñaꞌa ya: ͏―͏Ja ni taa ia Dios tniuu kaꞌnu ja tatnuni rin andivi vi nuu ñuyiu.

San Mateo 28:5

Te jiñaꞌa ia jinokuechi nuu Dios nuu ñasiꞌi yun: ͏―͏Ma vi yuꞌu ron, chi ja jini rin ja ka ndanduku ron Jesús, ia ni intakaa yika cruz.

San Marcos 1:15

Te jiñaꞌa ya: ―Ja ni jino kiuu, te ja ni kuyatni ja tatnuni ia Dios. Vi ndatnaꞌu ini ni nuu yika kuechi ni, te vi kandija ni tnoꞌo vaꞌa ia Dios ―jiñaꞌa ya.

San Marcos 16:15

Te jiñaꞌa ya: ―Kuaꞌankuei ninii ñuyiu, te vi kaxtnoꞌo ron tnoꞌo vaꞌa rin nuu ndiꞌi ñayiu.

San Lucas 1:13

Su yun te ni kaꞌan ia jinokuechi yun: ―Zacarías, ma yuꞌu ron, chi vaji rin kaxtnoꞌo rin ja ia Dios, chi ni onini ya tnoꞌo ndakuatu ron, guaa konevaꞌa ñasiꞌi ron in seꞌe ña jin ron, te xnani ron jin Juan.

San Lucas 1:19

Te jiñaꞌa ia jinokuechi yun: ―Maa rin kuu Gabriel, ja jinokuechi rin nuu ia Dios, te maa ya ni tetniuu ña ja vaji rin ja kaxtnoꞌo rin javaꞌa saꞌa ya jin ron.

San Lucas 1:30

Te ni kaꞌan ia Gabriel: ―María, ma yuꞌu ron, chi in javaꞌa saꞌa ña ia Dios.

San Lucas 2:11

chi ni kaku in lulu ñuu David, in suchi skaku niꞌnu ñayiu, te sui kuu Kristu, ia ni tetniuu Dios ja kui Jitoꞌo.

San Lucas 24:47

Te na vi kejaꞌa ñayiu vi kaxtnoꞌi tnoꞌo rin ndee Jerusalén, te vi saa kutenuu ninii ñuyiu, nagua ja vi ndatnaꞌu ini ñayiu nuu jakueꞌe ka saꞌi, te konekaꞌnu ini ia Dios yika kuechi ñayiu yun.

San Lucas 8:1

Nuu kuee ka te ni jika nuu Jesús ñuu naꞌnu vi ñuu kueli ja ni kaxtnoꞌo ya tnoꞌo vaꞌa nuu ñayiu naxa tatnuni ia Dios. Ni ka jika nuu ya jin ndi uxi uu tee ni chitniuu ya,

Hechos 13:32

’Te suni sein ka xtutenuu san tnoꞌo vaꞌa Jesús nuu ndiꞌi ni, tnoꞌo ni kee yuꞌu ia Dios nuu ndee ndi yuao.

Romanos 10:15

¿Te naxa vi kaxtnoꞌi nuu ja tu na in tetniuu ña jin? Nagua yoso nuu tutu ii: “¡Nase vivii siꞌin ka nevaꞌa ñayiu ja kuaꞌankuei ka ndakani tnoꞌo mani vi ka ndakani tnoꞌo vaꞌa ia Dios!”, kachi tutu.

Efesios 3:8

Te maa san ja in tee nuu ka kuu san nuu in tee lule saꞌun nuu ndiꞌi ñayiu ñuu maa ia Dios, su ni taa ya in tniuu guaꞌa ndevaꞌa ja ndakani san tnoꞌo vaꞌa Jesús nuu ñayiu sava ka tatatnoꞌo, tnoꞌo ja ma kentakueio vi kunio na kuaꞌa kuika ja kuu tnoꞌo maa Jesukristu.

Colosenses 1:23

Te yun guaa vi koo guaꞌa ni, te vi koo yutnu ni jin ja ka kandija ni, te ma vi kujioo ni nuu tnoꞌo vaꞌa Jesús ja ka ndetu kaꞌnu ni, nagua ni ka jini soꞌo ni. Te suu tnoꞌo yaꞌa ka kaxtnoꞌo nuu ñayiu nii ñuyiu, te suni saa kaxtnoꞌo maa san ja kuu san Pablo ja jinokuechi san nuu ia Dios.