San Lucas 19:6 - El Nuevo Testamento y unos libros del Antiguo Testamento

⁶ Yun te ñama kuiti ni nuu Zaqueo, te ni kusii ndevaꞌa ini de, te ni jaka de ya, kuaꞌankuei de jin ya.

San Lucas 19:6 Iomraidhean Croise

Isaías 64:5

Chi jantaꞌu ni ñayiu ka osii ini ja ka saꞌa ndai, te ka ndakaꞌan ñai jin ni ja ka jikai nuu ichi ni. Su ni kiti ini ni, chi ni ka saꞌa san yika kuechi, te ndee ja ni kuu nanaꞌa siun ni vajikuei san ka saꞌa san jakueꞌe. ¿Te naxa kuu vi kaku niꞌnu san?

San Lucas 19:5

Te nuu ni yaꞌa Jesús yun, te ni jini ya ja yoxnee de, te jiñaꞌa ya: ―Zaqueo, manuu ñama ni na kiꞌon, chi kanuu ja ndoo san veꞌe ni vitna ―jiñaꞌa ya.

San Lucas 19:7

Su nuu ni ka jini ñayiu, te ndiꞌi ni ka kaꞌan ndee ña ja veꞌe in tee saꞌa yika kuechi ni jino ya ja ndoo ya.

San Lucas 2:16

Yun te kekuei ñama de kuaꞌankuei de, te nuu ni jinokuei de, te ni ka jini de María jin José jin lulu yun katui nuu in tnundoo kee ja ka jaa kiti.

San Lucas 5:29

Yun te ni saꞌa de in viko kaꞌnu veꞌe de ja kusii ini de jin Jesús. Te kuaꞌa tee ka xtutu xuꞌun impuestu ka oo jin sava ka ñayiu ja ka nukoi in ni nuu mesa jin Jesús, ja ka jai xtaa jin ya.

Hechos 16:15

Te ni ka jandute ndiꞌi ña jin ñayiu veꞌe ña. Yun te ni kaꞌan ña ña, te kachi ña: ―Nuu ja ka jini ni ja jandaa ja ñaꞌa kandija Jitoꞌo kuu san, te kiꞌinkueio veꞌe san, te yun vi ndoo ni ―kachi ña. Te ni tenini ña ña, ja ni ka ndoo san.

Hechos 16:34

Yun te ni ndakuaka de Pablo jin Silas veꞌe de, te ni juntaa ña de nuu mesa, te ni jiñaꞌa de ja ni ka jaa de. Te maa de vi ndiꞌi ñayiu veꞌe de ni ka kusii ndevaꞌa ini de ja ni ka kandija de ia Dios.

Hechos 2:41

Te yun guaa ndiꞌi ñayiu ni ka kandija tnoꞌo ni kaꞌan de, te ni ka jandutei, guaa ni ka kiunduu ndee uni mil ka ñayiu kiuu yun ja ni ka kandijai Jesús.