San Lucas 19:44 - El Nuevo Testamento y unos libros del Antiguo Testamento

⁴⁴ Te vi xnaa ndiꞌi ñuu ni, chi ni in yuu ma vi xndoo ka siki inka. Te vi kaꞌni ñai jin ndiꞌi ni, chi tu ni ka jinkuiꞌnu ini ni kiuu ni kikoto ña ia Dios ja skaku niꞌnu ña ya ―jiñaꞌa Jesús.

San Lucas 19:44 Iomraidhean Croise

Salmos 137:9

Te na taꞌu na ndetu tee kakuiko suchi kueli ni, te kani ña de jin yika kava vi ndee skuechi kueli ña de.

Daniel 9:24

Uni xiko uxi ja uja kuia kuu ja yikuaꞌa, ja koo tnundoꞌo siki ñayiu ñuu ron vi siki ñuu ii ron. Saa te ndiꞌi jakueꞌe vi ndiꞌi yika kuechi, nagua ja junkunyaꞌu yika kuechi, nagua ja na koo jandaa nikuii nikani, te na skunkuu ja ni ka jini vi tnoꞌo ja ni ka ndakani nuu ron, te kuu ii nuu altar maa veñuꞌu.

Daniel 9:26

Su nuu yaꞌa uni xiko uu ja uja kuia, te vi kaꞌni ña jin tee ni kaji ia Dios ja kotatnuni, te tu saꞌun ka nagua kendoo. Te kii in tee kotatnuni, te ñayiu ñuu de vi xnani ñuu Jerusalén vi veñuꞌu. Te vi naa na kuinio nuu ndaa ndute, te ma junkuiin saꞌun tnundoꞌo yun, guaa ndee na ndiꞌi ja ka jaxin tnaꞌa ñayiu.

San Mateo 24:2

Te jiñaꞌa ya: ͏―͏Ndiꞌi ja ka ndiaꞌa ni yaꞌa, kaꞌan ndaa ndija san, jayaꞌa, chi ma kendoo ni in kava siki inka kava, chi ndiꞌi tnani ͏―͏jiñaꞌa ya.

San Marcos 13:2

Te jiñaꞌa Jesús: ―Taka veꞌe naꞌnu ja ndiaꞌa ni yaꞌa, chi ma kendoo ni in kava siki inka kava, chi ndiꞌi tnani ―jiñaꞌa ya.

San Lucas 1:68

Kaꞌnu kuu Jitoꞌo, ia kuu Dios ñayiu ñuo Israel, chi vitna te ni kee ya ja ndatau ya ñayiu ñuu ya nuu yika kuechi,

San Lucas 1:78

Chi ni kundaꞌu ndevaꞌa ini ña ia Dios jion, guaa vaji ya ndee sukun ja makikoto ña ya, na kuinio nikandii ja yeꞌe ndaꞌa nuu ndejaꞌa in kiuu jaa,

San Lucas 19:42

Te jiñaꞌa ya: ―Nuu siun te na vi jinkuiꞌnu ini maa ni ja kiuu vitna saꞌa san ja vi ndumani tnaꞌa ni jin ia Dios, su oo yuꞌu, te tu ka jinkuiꞌnu ini ni.

San Lucas 21:6

―Koo in kiuu ja vi ndiꞌi taka ja ka ndiaꞌa ni yaꞌa ndonso, chi ma kendoo ni in kava siki inka kava, chi ndiꞌi tnani ―jiñaꞌa ya.

1 Pedro 2:12

Te vi kosaꞌa vii vi kosaꞌa vaꞌa ni neꞌu ñayiu tu ka jini tnoꞌo ia Dios, nagua ja saa, te visi vitna ka xtavi kuechi ñai ja ka kuu ni ñayiu ka saꞌa jakueꞌe, su nuu na vi kuni tniuu guaꞌa ka saꞌa ni, te vi chiñuꞌi ia Dios kiuu ndajiokuiin ya ja kaꞌnde ya kuechi.