San Lucas 18:7 - El Nuevo Testamento y unos libros del Antiguo Testamento

⁷ Te ndee ka kuu ia Dios ja ma chituu ya ñayiu ni kaji ya ja vi nduu vi ñuu ka jikantaꞌui nuu ya. Te ma kokukuee ya ja kuñaꞌa ya nagua ka jikain.

San Lucas 18:7 Iomraidhean Croise

Salmos 88:1

Jitoꞌo san, maa ni kuu Dios, ia skaku niꞌnu ña jin san, te nduu vi ñuu ni kana ndaꞌu san nuu ni ja chituu ña ni jin san.

Salmos 9:8

Te sandaa ya kuechi ñayiu ñuyiu vi tatnuni ndaa ya nuu ñayiu.

Éxodo 22:23

Chi nuu ja vi kuñaꞌa ron tnoꞌo suchi ini, te vi kana jai nuu rin, te vi jandaa kaꞌan rin ja konini rin tnoꞌo ka kanai.

Isaías 40:27

¿Te nau ja ka kaꞌan maa ni, ñayiu Israel, ndikin tata Jacob, te ka kachi ni: “Tu jini ia Dios na ichi jika san, ni tu ndiꞌni ya tnundoꞌo tnaꞌa san”?

San Mateo 24:22

Su kiuu kii tnundoꞌo yun, chi saꞌa ia Dios ja joo ni kiuu kokuu, chi nuu ja masu saa saꞌa ya, te tu na in kaku niꞌnu. Su ja jaꞌa ñayiu ni kaji ya kuu ja joo ni kiuu kokuu.

San Mateo 24:24

Chi vi ndakoo tee tnoꞌo vi kachi ja Kristu ka kuu, vi tee tnoꞌo vi kachi ja tee ka ndakani tnoꞌo ia Dios ka kuu, te vi saꞌa de kuaꞌa janaꞌnu vi javii, nagua ja vi xndaꞌu de ñayiu. Te nuu ja kuu, chi vi guaa ndee ñayiu ni kaji maa ia Dios vi xndaꞌu de.

San Mateo 7:11

Su nuu ja maa ni ja ka kuu ni ñayiu kueꞌe, te ka jini ni vi kuñaꞌa ni jaguaꞌa nuu seꞌe ni, te viꞌi ka tu maa Tata Dios, ia oo ndee andivi, chi taa ya jaguaꞌa nuu ja vi kakan ni nuu ya.

San Lucas 11:13

Su nuu ja maa ni ja ka kuu ni ñayiu kueꞌe, te ka jini ni vi kuñaꞌa ni jaguaꞌa nuu seꞌe ni, te viꞌi ka tu maa Tata Dios oo ndee andivi, chi taa ya Espíritu maa ya nuu ja na vi kakan ni ―jiñaꞌa Jesús.

San Lucas 2:37

Su tiempu saa, ja oo kuun xiko kuun kuia ja ni ndondaꞌu ña, te vi nduu vi ñuu oo ña nuu veñuꞌu jinokuechi ña nuu ia Dios. Te vi ondite ña vi ndakuatu ña nuu ya.

San Lucas 21:28

Te vi koo ini vi koo anu ni nuu kejaꞌa ja skunkuu taka tniuu yaꞌa. Te vi kinuu ni ichi andivi, chi ja oo yatni ja skaku niꞌnu ña san ―jiñaꞌa Jesús.

Romanos 8:33

Tu na in kuu kaꞌan kuechi nuu ia Dios siki ñayiu ni kaji ya, chi maa Dios kuu ia ni saꞌa ja ni ka ndui ñayiu ndaa.

Colosenses 3:12

Chi kutoo ña ia Dios, te ni ndakaji ña ya ja ka kuu ni ñayiu ñuu maa ya. Te nuu saa te vi kundaꞌu ini ni ñayiu, te vi kovaꞌa ini ni, te vi saꞌa ndaꞌu vi saꞌa kee ni maa ni, vi koo luu ini ni, te vi kokaꞌnu anu ni,

1 Tesalonicenses 3:10

Te nduu vi ñuu ka ndakuatu san nuu ia Dios, te ni tu ka jinkuiin san ja ka jikan san nuu ya ja na kune ya ichi ja vi ndakuni tnaꞌo, te vi chituu ña san nagua ka jaꞌni ka ña jin tnoꞌo ka kandija ni.

2 Tesalonicenses 1:6

Chi ia ndaa kuu Dios, te tetniuu ya tnundoꞌo vi tnaꞌa ñayiu ka saꞌa ja ka tnaꞌa ni tnundoꞌo.

1 Timoteo 5:5

Te ñaꞌa ja vi ja ndaa ja ni kendoo ndaꞌu ña, te ni kendoo maintnoꞌo ni ña, su ndetu kaꞌnu ña ia Dios, te nduu vi ñuu ndakuatu ña vi jikan taꞌu ña nuu ya ja na chituu ña ya.

2 Timoteo 1:3

Siun ni ndakaꞌan ña san jin ni, te nduu vi ñuu ni ndakuatu san ja jaꞌa ni vi ndakuantaꞌu san nuu Dios, ia xiin nuu jinokuechi san jin in jajintnuni vii in jajintnuni vaꞌa san, nagua ni ka osaꞌa ndi tata velu san.

2 Timoteo 2:10

Yun guaa jandee ini san nuu ndiꞌi tnundoꞌo ja kundaꞌu ini san ñayiu ni kaji ia Dios, nagua ja saa, te suni vi kaku niꞌnui jin maꞌñu sagua Jesukristu, te vi koi nuu yeꞌe tajan nikuii nikani.

Tito 1:1

Maa san kuu Pablo, tee jinokuechi nuu ia Dios vi tee ni chitniuu ña maa Jesukristu, te ni tetniuu ña ya jin san nagua ja na kaxtnoꞌo san nuu ñayiu ni kaji ia Dios ja na vi kandijai ya, te na vi jinkuiꞌnu ini tnoꞌo ndaa, ja ndeka ña ja vi chiñuꞌi ya.

1 Pedro 1:1

Maa san kuu Pedro, tee ni chitniuu ña Jesukristu, tee san tutu yaꞌa nuu maa ni ja ni ka jitenuu ni ka jika ndaꞌu ni ñuu ja tnii Ponto vi ñuu ja tnii Galacia vi ñuu ja tnii Capadocia vi ñuu ja tnii Asia vi ñuu ja tnii Bitinia.

2 Pedro 3:9

Te masu ja kukuee Jitoꞌo ja skunkuu ya tnoꞌo ni kee yuꞌu ya, nagua ka ndakani ini sava ñayiu ja ni kukuee ya, chi ndetu nuu ni ya ja jaꞌa in in maa ni, chi tu kuini ya ja ndee in ñayiu junaa, chi ndiꞌi na vi ndatnaꞌu ini, te na vi xndoi yika kuechi.

El Apocalipsis 18:20

Su vi kusii ini ron ja ka oo ron andivi, ja siun ni naa ñuu yun. Te vi kusii ini ron ja ka kuu ron ñayiu maa ia Dios, vi roon ja ni chitniuu ña Jesukristu, vi roon ja ni ka ndakani ron tnoꞌo ia Dios, chi ni sandaa ia Dios kuechi ja ni ka saꞌa ña ñayiu ñuu yun jin ron. Kachi tnoꞌo yun.

El Apocalipsis 6:10

Te ni ka kana jaa anu yun, ka jiñaꞌa: ―Jitoꞌo Dios, maa ni kuu ia vii ia ndaa ja skunkuu ni tnoꞌo kaꞌan ni. ¿Nasaa ka tiempu guaa kondetu ni, te saa sandaa ni ja jaꞌa san, ja ndaxtenaa ni ñayiu ñuyiu ja ni ka jaꞌni ñai jin san? ―ka jiñaꞌi.

El Apocalipsis 7:15

Te yun kuu ja ka oi ichi nuu mesa nuu tatnuni ia Dios, te nduu vi ñuu ka jinokuechi nuu veñuꞌu ya. Te kokoto ña ia nukoo nuu mesa ja tatnuni ya ja tu nagua vi ndoꞌi.