San Lucas 18:13 - El Nuevo Testamento y unos libros del Antiguo Testamento

¹³ Su tee xtutu xuꞌun impuestu, chi ndee jika ni jinkuiin de, te ni chindei de nuu de, te ni tu ni ndanenuu de ichi andivi, te ni jinkondee de katu de pechu de ja tnaꞌu ini de, te jiñaꞌa de: “Tata Dios, kundaꞌu ini ña ni, te konekaꞌnu ini ni ja jaꞌa san, chi tee saꞌa yika kuechi kuu san”, jiñaꞌa de.

San Lucas 18:13 Iomraidhean Croise

1 Timoteo 1:15

Te tnoꞌo yaꞌa kuu tnoꞌo ndaa kuiti, te kanuu ja ndiꞌi ñayiu vi kuantaꞌu tnoꞌo yaꞌa: ja Jesukristu ni kii ya ñuyiu ja skaku niꞌnu ya ñayiu nuu yika kuechi. Te maa san kuu tee viꞌi ka ni kaa san neꞌu ñayiu. Su visi ni saa, te ni skaku niꞌnu ña ya nuu yika kuechi san.

Salmos 41:4

Te jiñaꞌa san: “Kundaꞌu ini ña ni jin san, vi Jitoꞌo, te ndasaꞌa ña ni, chi nuu maa ni, ni saꞌa san yika kuechi”.

San Lucas 23:48

Te ndiꞌi ñayiu ni ka oo ja ni ka jini tnundoꞌo yun, ni ka ndajiokuiin ka katui ndikai ja ka tnaꞌu ndevaꞌa ini.

Hebreos 8:12

Te kuakaꞌnu ini rin jakueꞌe ka saꞌi, te ma ndakaꞌan saꞌun ka rin yika kuechi, kachi ia Dios.

Hechos 2:37

Te nuu ni ka onini ñayiu yun tnoꞌo ni kaxtnoꞌo Pedro, te ni ka tnaꞌu ini ndevaꞌa de. Yun te ka jikan tnoꞌo de Pedro vi nuu sava ka tee ni chitniuu ña Jesús, te ka jiñaꞌa de: ―Tata ñani, ¿nagua kuu ja vi saꞌa san? ―ka jiñaꞌa de.

Hebreos 4:16

Te yun guaa ma vi koyuꞌo, te na vi kuyatnio nuu mesa nuu tatnuni Dios, ia kaꞌan ndaꞌu kaꞌan kee ña, nagua ja na kundaꞌu ini ña ya jion, te na chindee chituu ña ya nuu jito tnuni ña jakueꞌe.

Romanos 5:8

Su xneꞌe ia Dios ja kutoo ña ya jion, chi visi ñayiu ka oo yika kuechi ka kuo, su ni tetniuu ya Kristu ja ni jiꞌi ya ja jaꞌo.

San Lucas 5:8

Te nuu ni jini Simón Pedro ja siun ni kuu, te ni jinkuiin jiti de nuu Jesús, te jiñaꞌa de: ―Jitoꞌo san, kujioo ni, chi tee oo ndevaꞌa yika kuechi kuu san ―jiñaꞌa de.

Salmos 25:11

Saꞌa ni ja na koo jayiñuꞌu nuu ni, vi Jitoꞌo san, te konekaꞌnu ini ni yika kuechi san, chi kuaꞌa ja yaꞌa ja tuku san.

2 Corintios 7:11

Te vi kondiaꞌa maa ni vitna, naxa ni saꞌa tnoꞌo suchi ini ja vaji nagua kuini maa ia Dios. Chi tnoꞌo suchi ini yun ni saꞌa ja ka ndiꞌni ndevaꞌa ni ja jaꞌa san, te ni ka kaꞌan niꞌnu ni ja jaꞌa maa ni, vi ni ka kiti ini ni nuu ñayiu saꞌa jakueꞌe, vi ni ka yuꞌu ni, vi ka ndioo ndevaꞌa ini ni ja vi ndakuni ña ni, vi ni ka saꞌa ndaa ni ja jaꞌa san, te ni ka kuxeen ni nuu ñayiu saꞌa yika kuechi. Te jin ndiꞌi ja ni ka saꞌa ni, ka xneꞌe ni maa ni ja tu na kuechi ka tavi ni jin tniuu yaꞌa.

Salmos 25:7

Te ma kondakaꞌan ni yika kuechi san vi jakueꞌe ja ni saꞌa san nuu lule san, su konaꞌa ña ni jin san nagua ndaꞌu ini ni, chi ia guaꞌa kuu ni, vi Jitoꞌo san.

San Mateo 9:13

Kuaꞌankuei ni te vi jinkuiꞌnu ini ni naxa kei tnoꞌo yaꞌa ja yoso nuu tutu ii: “Ja kuini rin kuu ja vi kundaꞌu ini ron ñayiu, masu ja vi soko ron nuu rin”. Chi masu vaji san ja ndakaꞌan san ñayiu ka ndakani ini ja ñayiu vaꞌa ka kuu, chi vaji san ja ndakaꞌan san ñayiu ka ndakuni ja ka oo yika kuechi, te vi ndatnaꞌu ini nuu yika kuechi.

San Lucas 17:12

Te nuu ni jino ya in ñuu luluu, te ni kentakuei uxi tee ka kuꞌu kueꞌe ndiꞌyi teꞌi, te ni ka jinkuiin jika de,

Daniel 9:5

Ni ka saꞌa san yika kuechi vi ni ka saꞌa san jakueꞌe, ka saꞌa san janeꞌe jayichi, vi ka kusoꞌo san nuu ni. Te ni ka kujioo san nuu tnoꞌo tatnuni ni vi nuu Ley ni.

Salmos 130:7

Saa vi kondetu kaꞌnu maa ni, ñayiu Israel, jin Jitoꞌo Dios, chi siun ni kundaꞌu ini ña ya jin ni, te nuu maa ya oo ndiꞌi ja ndatau ña ya nuu yika kuechi ni.

Salmos 119:41

Neꞌe ni, te kaꞌan ndaꞌu kaꞌan kee ña ni jin san, vi Jitoꞌo san. Skaku niꞌnu ña ni jin san, nagua ni kee yuꞌu ni ja saꞌa ni.

Salmos 106:6

Ni ka saꞌa san yika kuechi, inuu jin nagua ni ka osaꞌa ndi tata velu san, ni ka saꞌa san jakueꞌe vi ni ka saꞌa san janeꞌe jayichi.

Salmos 40:12

Chi ni kenta kuaꞌa jakueꞌe siki san ja vini ma kundee san ja kaꞌu san, ja ni kenta jakueꞌe saꞌa san siki san, te ña kuu ka ja kondiaꞌa san. Te kuaꞌa ka jakueꞌe yun ni saꞌa san saa ixi xini san, te kuaꞌan makuita anu san, jini san.

Isaías 66:2

Chi jin ndaꞌa maa rin ni saꞌa rin ndiꞌi yaꞌa, te yun guaa ni ka jinkoo ndiꞌi”, kachi Jitoꞌo. “Te ñayiu kaꞌan vaꞌa rin ka kuu ñayiu ka saꞌa ndaꞌu ka saꞌa kee mai vi ñayiu ka kusuchi ini ja ka ndatnaꞌu ini nuu jakueꞌe ka saꞌi, te vi ka niꞌi ja ka yuꞌu niꞌnui nuu tnoꞌo rin.

San Mateo 6:5

’Te nuu ka ndakuatu ni, ma vi saꞌa inuu ni jin ñayiu inu jani ini, chi ka kutoo ndevaꞌi ja ka nukuiin, te ka ndakuatui ini veꞌe ii sinagoga vi saa ni taka nuu yaꞌu nagua ja vi kuni kuaꞌa ñayiu jaguaꞌa ka ndakuatui. Su sein, chi kaꞌan ndaa san ja ñayiu yun, chi ja ni ka niꞌi yaꞌui.

San Mateo 10:3

vi Felipe, vi Bartolomé, vi Tomás, vi Mateo, tee ni oo xtutu xuꞌun impuestu, vi Jacobo seꞌe Alfeo, vi Lebeo ja ka xnani ña jin de Tadeo,

San Marcos 11:25

Te nuu ka ndakuatu ni, nuu ja ndee in ñayiu ni skiti ini ña jin ni, te vi kuakaꞌnu ini ni jin, nagua ja suni na kuakaꞌnu ini Tata Dios, ia oo ndee andivi, yika kuechi maa ni.

San Lucas 22:41

Yun te ni kujioo ya nagua kuaꞌa jika kenta in yuu ndaꞌo. Te ni jinkuiin jiti ya ja ni ndakuatu ya nuu ia Dios,