San Lucas 16:1 - El Nuevo Testamento y unos libros del Antiguo Testamento

¹ Yun te suni jiñaꞌa Jesús nuu tee ka skuaꞌa jin ya: ―Ni oo in tee kuika ni onevaꞌa de in tee jinokuechi ja kuu nijaꞌnu ndeka sava ka tee ka jinokuechi nuu de. Te ni jaꞌankuei tee ka jinokuechi yun, ni ka kaꞌan kuechi de ja ndevaꞌa xnaa tee kuu nijaꞌnu yun ndatniuu tee kuika yun.

San Lucas 16:1 Iomraidhean Croise

Génesis 15:2

Yun te jiñaꞌa Abram: ―Jitoꞌo san Jeovaa, nagua jiniuꞌu visi na skutaꞌu ña ni, te tu nagua niꞌi san chi tu na seꞌe san ja saꞌa jajin ja nevaꞌa san, chi nani ja saꞌa jajin Eliezer, tee ñuu Damasco ja kuu musu san ja yindaꞌa veꞌe san kokuu.

Génesis 43:19

Te ni ka jintnaꞌa ña de jin tee jito veꞌe José, te ni ka kaꞌan de yeꞌe nuu ndiukuei veꞌe yun.

Proverbios 18:9

Te ñayiu kuꞌndu ja satniui vi ñayiu jinkuaan ini ja xnai nagua nevaꞌi, chi vi na ni kuinio ja in ni ñani ka kui.

San Mateo 20:8

’Te nuu ni kunee, te jiñaꞌa tee kuu lamu yun nuu tee yindaꞌa tee ka satniuu yun: “Ndakana ni tee ka satniuu jian, te tniuyaꞌu ni de. Jinkondee ni xna ka tee ni kiukuei sandiꞌi, te xndiꞌi ni jin tee ni kiukuei xtnañuꞌu”, jiñaꞌa de.

San Lucas 12:42

Te jiñaꞌa Jitoꞌo Jesús: ―¿Ndee tee kuu tee jinokuechi ndaa nuu jitoꞌo de, te jinkuiꞌnu guaꞌa ini de ja chitniuu ña jitoꞌo de ja na kokoto de veꞌe tee yun, te na kokuñaꞌa de ja vi kokaa sava ka ñayiu ka jinokuechi yun jin ore?

San Lucas 15:13

Su ndee saa ni kiuu, te ni xiko ndiꞌi suchi lule yun, te ni niꞌi xuꞌun ja kuaꞌin inka ñuu jika, te yun ni xnaa ndiꞌi xuꞌin jin janeꞌe jayichi ni saꞌi.

San Lucas 15:30

Su vitna ja ni ndajaa seꞌe ni ja ni jaꞌin ni xnaa uin xuꞌun neꞌu jasiꞌi ka inee ichi yun, te vi in chikeru ndatnu ka jaꞌni ni ja saꞌa ni viko”, jiñaꞌa de.

San Lucas 16:19

Yun te ni ndakani ya in kuentu, te jiñaꞌa ya: ―Ni oo in tee kuika ja ni oniꞌnu de in saꞌun kuaꞌa nditnu vii ndevaꞌa, te ndiꞌi kiuu ni osaꞌa de in viko kaꞌnu.

San Lucas 16:2

Yun te ni kana ña de, te jiñaꞌa de: “¿Na tnoꞌo kuu ja ka kaꞌan kuechi sava ka tee yaꞌa siki ni? Vitna te ndakuaꞌa ni kuenta ndiꞌi ndatniuu yindaꞌa ni, chi ma kuu ka ja kondiso tniuu ni ja kotatnuni ni nuu tee ka jinokuechi nuu san”, jiñaꞌa de.

San Lucas 19:20

Su ni jino inka de, te jiñaꞌa de: “Jitoꞌo san, yaꞌa mandisiaꞌa san xuꞌun ni taa ni ja ni juꞌni vaꞌa san nuu in pañitu.

San Lucas 8:3

vi Juana, ñasiꞌi Chusa, tee ni onetniuu nuu Herodes, vi inka ñaꞌa nani Susana vi sava ka ñaꞌa ni ka ochituu ña jin ya jin ja ka nevaꞌa ña.

Tito 1:7

Chi tee ndiso tniuu yun, nini kuu ja na kokuu de in tee guaꞌa, nagua ja ma vi niꞌi ñayiu na in guaa vi kaꞌan kuechi siki de, chi tee jito ñayiu ka skuaꞌa kuu de. Te ma kokuu de in tee vixin, te ni ma koyachi ini de. Te ma kokuu de in tee jini. Te ma kokuu de tee xeen ja kokaxin tnaꞌa de, ni ma kojioꞌo de xuꞌun ja xndaꞌu de ñayiu naxa niꞌi uun de.

Santiago 4:3

Su nuu ka jikan ni nuu ya, te tu ka niꞌi ni, chi masu ka jikan vaꞌa ni, chi nani ja vi xnaa ni ja vi kokusii ini ni jin yiki kuñu ni kuu.

1 Pedro 4:10

Te vi kuantniuu maa ni na kuu na kuu nagua ni ka kutaꞌu ni nuu ia Dios, te saa vi chituu tnaꞌa guaꞌa ni jin sava ka ñayiu, na kuinio in tee satniuu guaꞌa, ja skunkuu guaꞌa de nagua ni kaꞌan ndaꞌu ni kaꞌan kee ña ia Dios.