San Lucas 14:12 - El Nuevo Testamento y unos libros del Antiguo Testamento

¹² Yun te jiñaꞌa ya nuu tee ni jaka ña ja kaa ya xtaa: ―Kiuu kuini ni ja saꞌa ni in viko ja vi kaxeꞌin ñayiu axi vi kaxini, ma kaꞌan ni ñayiu ka jini tnaꞌa jin ni, te ni ñayiu ka kuu tnaꞌa ni, te ni ñani ni, te ni ñayiu kuika oo yatni jin ni, chi ñayiu yun suni vi ndakaꞌan ñai kiuu na vi saꞌi viko, te ndaniꞌi ni ja ni skutaꞌu ni jin.

San Lucas 14:12 Iomraidhean Croise

Proverbios 14:20

Te ñayiu kundaꞌu, chi vi ndee ñayiu ndeka tnaꞌa guaꞌa ka jin skexiko ña. Su ñayiu kuika, chi kuakuaꞌa ñayiu ka kaꞌan too ña jin.

Proverbios 22:16

Ñayiu keneꞌe xuꞌun nuu ndaꞌa ñayiu kundaꞌu ja kokuu kuikai, axi ñayiu skutaꞌu ña jin ñayiu kuika, chi ndi nduu ñayiu yun vi kokuu ndaꞌu.

San Mateo 5:46

Chi nuu ja kaꞌan too ni na in ñayiu kaꞌan too ña jin ni, te ma vi niꞌi yaꞌu ni, chi suni saa ka saꞌa ñayiu kueꞌe ja ka tnoꞌo ña xuꞌun kuanoꞌo ñuu Roma.

San Lucas 1:53

Ni jiñaꞌa kuaꞌa ya ja vi kaa ñayiu ka jiꞌi soko, te saꞌa jioo ya ñayiu kuika kuaꞌin jin ndaꞌa iyui.

San Lucas 1:58

Te ndiꞌi ñayiu ka oo yatni jin ña vi ñayiu ka kuu tnaꞌa ña, ni jaꞌankuei ni ka jinkoto ña, te ni ka kusii ini jin ña nuu ni ka niꞌi tnoꞌi ja ni kundaꞌu ini ña ia Dios ja ni kaku lulu ña.

San Lucas 14:11

Chi nani kuu ñayiu ja saꞌa kaꞌnui mai, te vi saꞌa lule ña jin. Te ñayiu ja saꞌa luluu mai, te vi saꞌa kaꞌnu ña jin ―jiñaꞌa Jesús.

San Lucas 14:13

Te ñaꞌa, nuu ja saꞌa ni in viko, te kaꞌan ni ñayiu ka kundaꞌu, vi ñayiu kuꞌu nuu, vi ñayiu kuꞌu ndaꞌa, vi ñayiu kuꞌu siꞌin.

2 Corintios 6:13

Te jikantaꞌu san nuu ni na kuinio yua ja kaꞌan jin seꞌe, ja vi kaꞌan too ña ni, nagua ka kaꞌan too ña san jin maa ni.