San Lucas 14:1 - El Nuevo Testamento y unos libros del Antiguo Testamento

¹ In kiuu ndatatu ni jaꞌan Jesús veꞌe in tee kuu nijaꞌnu nuu tee ka kuu fariseo, ja ni jaa ya xtaa. Te ka oo sava ka tee ka kuu fariseo ka ndiaꞌa yuꞌu ña de.

San Lucas 14:1 Iomraidhean Croise

Salmos 37:32

Ka ndiaꞌa yuꞌu ña ñayiu kueꞌe jin ñayiu ndaa, chi ka nduku ndei ja vi kaꞌni ñai.

Salmos 41:6

Te nuu ja vajikuei ja mavikikoto ñai, te ninoꞌo ni tnoꞌo tnoꞌo ka kaꞌin, te ka xtutui tnoꞌo tikaꞌndu, te kuaꞌankuei ka ndakani nuu ñayiu.

Salmos 62:4

Te maintnoꞌo ni ka ndakani ini ni ja vi xtajioo ña ni, ja ma kokuu kaꞌnu ka san, te inu too ni ja ka kaꞌan ni tnoꞌo tnoꞌo. Te ka saꞌa ni ja ka kaꞌan vii ka kaꞌan vaꞌa ni jin san, su anu ni, chi ka xtau tniaꞌa ña ni.

Proverbios 23:7

Chi nagua ndakani ini de jin anu de, te saa oo de, te kachi de: “Kaa vi koꞌo ron”, su masu ndija de ja kaꞌan de jin anu de.

San Mateo 12:12

¿Te a masu ndee ka in ñayiu saa in ndikachi? Su yun guaa masu ii kuu ja saꞌo javaꞌa kiuu ndatatu.

San Marcos 3:2

Te ka ndiaꞌa yuꞌu ña tee ka kuu fariseo jin Jesús kondioꞌni a ndasaꞌa ya tee kuꞌu yun kiuu ndatatu, nagua ja saa te kuu vi kaꞌan kuechi de siki ya.

San Lucas 11:37

Nuu ni ndiꞌi ni kaꞌan Jesús, te ni kaꞌan ña in tee kuu fariseo ja kiꞌinkuei ya veꞌe de, vi kaa ya xtaa. Te nuu ni jinokuei ya, te ni ka jinkoo ya nuu mesa.

San Lucas 14:2

Te suni yun oo in tee ni chitu ña kuiñu nukoo de nuu oo Jesús.

San Lucas 17:20

Te ni ka jikan tnoꞌo ña tee ka kuu fariseo jin Jesús: ―¿Na kiuu kii ia Dios ñuyiu yaꞌa ja tatnuni ya? ―ka jiñaꞌa de. Te jiñaꞌa Jesús: ―Ma xneꞌe ia Dios ni in seña ama ka ja kii ya ja tatnuni ya.

San Lucas 20:20

Yun te ni ka kiꞌin vijin ña de, te ni ka tetniuu de tee ka saꞌa jani ini ja tee ndaa ka kuu de, nagua ja saa, te kanakau ya jin in tnoꞌo kaꞌan ya, ja vi niꞌi de kuechi vi xtavi ña de, te vi siaꞌa ña de ndaꞌa tee tatnuni ja ni chitniuu ña Roma.

San Lucas 6:7

Te ka ndiaꞌa yuꞌu tee ka kaxtnoꞌo Ley Moisés vi tee ka kuu fariseo, kondioꞌni a ndasaꞌa ya ñayiu kiuu ndatatu, nagua ja kuu vi kaꞌan kuechi de ja jaꞌa ya.

San Juan 3:1

Ni oo in tee fariseo ja ni onani Nicodemo, in tee kanuu neꞌu ñayiu judio.

Hechos 5:34

Yun te ni ndakoo in tee fariseo ndisa ka jaꞌnde de kuechi, tee nani Gamaliel, in tee kaxtnoꞌo Ley Moisés ja ka nee yiñuꞌu ndevaꞌa ñayiu nuu de, te ni tatnuni de ja vi keneꞌe nunuu ña jin tee ni chitniuu ña Jesús yeꞌe.