San Lucas 13:34 - El Nuevo Testamento y unos libros del Antiguo Testamento

³⁴ Yun te jiñaꞌa ya nuu ñuu Jerusalén: ―Jerusalén, Jerusalén, roon ja jaꞌni ron tee ka ndakani tnoꞌo ia Dios, vi kani yuu ron tee ni tetniuu ya, ¡nasaa jichi ni kuini rin ja ndaxtutu rin seꞌe ron na kuinio in chiuun ja ndachindijin ti seꞌe kueli ti, su tu ni kuini ron!

San Lucas 13:34 Iomraidhean Croise

Salmos 149:2

Vi kokusii ini maa ni, ñayiu Israel, nuu Dios, ia ni saꞌa ña jin ni. Vi kokusii ini maa ni, ñayiu ñuu Sión, nuu ia kuu rey ni.

Salmos 17:8

Koto ña ni nagua jito ni tinuu nuu ni, te tayuꞌu ña ni nuu kati chii ndijin ni,

Salmos 36:7

Te nase vivii kundaꞌu ini ña ni, vi Dios. Yun guaa ndiꞌi ñayiu ka nduku kati chii ndijin ni ja kisaꞌu ni jin.

Salmos 57:1

Kundaꞌu ini ña ni jin san, vi Dios. Kundaꞌu ini ña ni, chi kukanu ini ña san jin ni, te nduku san ja koo vaꞌa san chii ndijin ni, guaa ndee na yaꞌa tnundoꞌo tnaꞌa san.

Salmos 81:13

Su nuu suaꞌa te ni ka onini ñayiu ñuu rin tnoꞌo ni kaꞌan rin nui, te ni ka jika ñayiu Israel nuu ichi rin.

Salmos 91:4

Te chisaꞌu ña ya jin ndijin ya, te ndachindijin ña ya, na kuinio in kiti ndagua, te yun koo guaꞌa ni, chi tavaꞌa ña tnoꞌo ndaa ya jin ni, na kuinio kaa tikute.

Isaías 50:2

Chi tu na in ni jantaꞌu ña jin rin nuu ni kii rin, te tu na in ni kaꞌan nuu ni kana rin. ¿A ni ka kaꞌan ron ja ma kuu ndatau ña rin? ¿A jaꞌni ña ja koo ndakui guaꞌa ka rin ja kuu skaku niꞌnu ña rin? Te vi nani ja kuxeen rin nuu ndute mar, te yichi ndiꞌi ni de, vi ka yichi tiꞌa yute, te ka jiꞌi chiaka jin soko ndute, te ka teꞌi ndiꞌi ti ja tu ka na ndute ñuꞌu.

Zacarías 1:4

Te ma vi saꞌa ron nagua ni ka osaꞌa ndi nijaꞌnu ron, tee xiin nuu ni ka okaꞌan tee ni ka ondakani tnoꞌo rin ndee janaꞌa, nuu ni ka ojiñaꞌa de: Suaꞌa kaꞌan Jitoꞌo Dios, ia ndakui ndevaꞌa: Vitna te vi ndajiokuiin nuu ichi kueꞌe ka jika ron vi nuu jakueꞌe ja ka saꞌa ron jian, jiñaꞌa rin, su tu ni ka onini, te ni tu ni ka jantnoꞌo ñai jin rin, jiñaꞌa Jitoꞌo Dios.

San Mateo 22:3

Te ni tetniuu de tee ka jinokuechi nuu de ja vi junkuaka de ñayiu ni kana maa de ja vi koo nuu viko yun, su tu ni ka kuini ñayiu yun ja kiꞌinkuei.

San Mateo 22:6

Te sava kai, ni ka kakuiko ña jin tee ka jinokuechi yun, te ndevaꞌa ndetnuni ni ka saꞌa ñai vi ndee ni ka jaꞌni ñai.

San Lucas 15:28

Su ni kiti ini ndevaꞌa tee jakuaꞌa yun, te tu ni kuini de ja ndiuu de veꞌe. Yun te ni kee tata de, te ni kaꞌan ndaꞌu de ja na ndiuu seꞌe de yun.

San Lucas 19:44

Te vi xnaa ndiꞌi ñuu ni, chi ni in yuu ma vi xndoo ka siki inka. Te vi kaꞌni ñai jin ndiꞌi ni, chi tu ni ka jinkuiꞌnu ini ni kiuu ni kikoto ña ia Dios ja skaku niꞌnu ña ya ―jiñaꞌa Jesús.

San Lucas 23:28

Su ni jionenuu ya nuu kuaꞌankuei ña, te jiñaꞌa ya: ―Maa ni ñaꞌa Jerusalén, ma vi kuaku ni ja jaꞌa sein, chi vi kuaku ni ja jaꞌa maa ni vi ja jaꞌa seꞌe ni.

Hechos 7:52

¿Axi ndee in tee ni ndakani tnoꞌo ia Dios ndee janaꞌa, tu ni ka sondikin ña ndi yua ni ja vi saꞌa ndevaꞌa ña de? Su ndi yua ni ni ka jaꞌni tee ni ka okaꞌan ndee ama ka ja kii ia ndaa. Su nuu ni kii ya, te maa ni ni ka xtuu ya nuu ndaꞌa tee ka netniuu, te ni ka jaꞌni ni ya.

Hechos 7:59

Te vi ka kuun ka kani ña de yuu, te ni jikantaꞌu Esteban nuu ia Dios, te jiñaꞌa de: ―Jitoꞌo Jesús, ndiundaꞌa maa ni anu san.

Hechos 8:1

Te Saulo, chi ni junkuaan ini de ja ni ka jaꞌni de Esteban. Te vi kiuu yun ni jinkondee tnundoꞌo siki ñayiu ka skuaꞌa ja ka oo Jerusalén. Te ndiꞌi ñayiu ka skuaꞌa yun ni ka ndutenuu kuaꞌankuei sava ñuu ja tnii Judea, vi sava kuaꞌankuei ñuu ja tnii Samaria, te nani tee ni chitniuu ña Jesús ni ka kendoo.

El Apocalipsis 11:8

Te vi konduei yiki kuñu nduu de nuu yaꞌu ñuu kaꞌnu yun, nuu ni ka jatakaa Jitoꞌo yika cruz. Te ñuu yun kuu na kuinio ñuu Sodoma vi Egipto.

Tutu ndakani tnoꞌo ja jaꞌa Rut 2:12

Te maa Jeovaa na ndajioneꞌe ndajiotaa ya ndiꞌi ja saꞌa ron. Te Jeovaa Dios ñayiu Israel, ia nduku ron ja koto kuni ña ya jin ron, na ndatniuyaꞌu ña ya jin ja saꞌa ron ―jiñaꞌa de.