San Lucas 13:25 - El Nuevo Testamento y unos libros del Antiguo Testamento

²⁵ Chi kiuu na ndakoo tee xiin veꞌe ja ndakasi de yeꞌe, te maa ni, nuu ja vi kendoo ni yeꞌe, te vi jinkondee ni vi kana ni yuyeꞌe: “Jitoꞌo san, ndakune ni yeꞌe, na kiukuei san”, vi kuñaꞌa ni. Su kachi de: “Tu jini ña san na ñayiu ka kuu ni”, kachi de.

San Lucas 13:25 Iomraidhean Croise

Génesis 7:16

Te ni jinokuei in kiti yii jin in in kiti siꞌi saa ndinuu nuu ti nagua ni tatnuni maa ia Dios. Te nuu ni ndiꞌi ja ni kiukuei de jin ti, te ni ndakasi maa Jitoꞌo yeꞌe arca yun.

Salmos 32:6

Yun guaa ka ndakuatu ndiꞌi ñayiu vii nuu maa ni, nuu ka tnaꞌi tnoꞌo suchi ini. Te visi na ndachitu kuakuaꞌa ndute, su ma kenta de nuu ka oi.

Isaías 55:6

Vi ndanduku ni Jitoꞌo vitna ja kuu vi ndaniꞌi ni ya. Vi kana ni nuu ya vitna ja oo yatni ya.

San Mateo 25:41

’Yun te kuñaꞌa san ja kuu san rey nuu ñayiu ka oo ichi ndaꞌa satni san: “Vi kujioo nuu oo rin, roon ja ni ka niꞌi taꞌu ron, te kiꞌinkuei ron nuu ñuꞌu nuu vi kokai ron nikuii nikani, nuu oo tuaꞌa ja kiꞌin Tachi jin tachi kueli ja ka jinokuechi nuu.

San Lucas 13:27

Su yun te kachi de: “Ja ni kaꞌan san ja tu jini ña san na ñayiu ka kuu ni. Vi kujioo ni nuu san, chi ñayiu ka saꞌa jakueꞌe ka kuu ndiꞌi ni”, kachi de.

San Lucas 3:8

Vitna, te vi saꞌa ni javaꞌa ja ni ka ndataꞌu ini ndija ni. Te ma vi saꞌa teyii ni maa ni ja tatatnoꞌo Abraham ka kuu ni, chi kaꞌan ndaa san ja ia Dios, chi vi ndee yuu yaꞌa te kuu ndasaꞌa ya ja vi ndui tatatnoꞌo Abraham.

San Lucas 6:46

Yun te jiñaꞌa ya: ―¿Nau ja Jitoꞌo ka xnani ña ni jin san, te tu ka skunkuu ni tnoꞌo kaꞌan san?

2 Corintios 6:2

Chi kaꞌan nuu tutu ii: Vi mamaa tiempu ja jantaꞌu ña rin, ni onini rin; te vi maa kiuu ja skaku niꞌnu ña rin, ni chituu ña rin, kachi ya. Te vitna kuu kiuu ja kuantaꞌu ña ya, vi vitna kuu kiuu ja skaku niꞌnu ña ya.

Hebreos 12:17

Chi ja ka jini maa ni ja nuu kuee ka, te ni kuini de ja kutaꞌu de javii javaꞌa nuu tata de, su tu ni niꞌi de. Te visi ni ndaꞌi ndevaꞌa de, su tu na tatna ni kuu ka ja siun kaa ja ni saꞌa de.