San Lucas 13:19 - El Nuevo Testamento y unos libros del Antiguo Testamento

¹⁹ Naxa tatnuni ia Dios kuu inuu jin ndikin yuku stancia, ja ni kiꞌin in tee, te ni skute de nuu ñundeꞌi de. Ni jite te ni jaꞌnu, te ni kuu in yutnu kaꞌnu, te vi ndee kiti ndagua ka tnaa ti taka ti nuu ndaꞌa tnu.

San Lucas 13:19 Iomraidhean Croise

Isaías 53:1

¿Na in ni kandija tnoꞌo ni ka kaxtnoꞌo? ¿Te na xiin nuu ni xneꞌe Jitoꞌo jakaꞌnu ya?

Isaías 53:10

Su saa ni kuini maa Jitoꞌo ja tnaꞌa de tnoꞌo suchi ini vi kuaꞌa tnundoꞌo, te ja siun ni soko de maa de ja jaꞌa yika kuechi ñayiu. Te kuni de ndikin tata de, te koteku de kuakuaꞌa kuia, te jin maꞌñu sagua maa de, te kee guaꞌa nagua kuini Jitoꞌo ja saꞌa ya.

Isaías 58:11

Te siun ni kokoto ña maa rin, te taa kuaꞌa rin ja vi kaa ron nuu ñuꞌu yichi, te taa rin jandakui yiki kuñu ron, te vi kokuu ron na kuinio xtnuu kuii ni joso guaꞌa ndute, vi na kuinio nuu kee ndute ja tu yichi de.

Isaías 61:11

Chi nagua saꞌa ñuꞌu ja ka ndakute yuku, axi nagua saꞌa nuu ka oo xtnuu kuii ja ka ndakute seꞌe tnu, saa saꞌa Jitoꞌo ja kute tniuu ndaa ja saꞌa ya, vi saꞌa ya ja ndiꞌi ñayiu ñuyiu vi kata yaa nuu ya.

Daniel 4:12

Te luu ndevaꞌa ka naꞌa ndaꞌa tnu, te vii ndevaꞌa ni kuun ndiaꞌa tnu. Te ndiꞌi ñayiu ñuyiu ni ka niꞌi ja ka jai nuu tnu. Te kati nduꞌu tnu ni ka onduei kiti yuku, te nuu ndaꞌa tnu ni ka otnaa kiti ndagua taka ti, te yutnu yun ni oxteku ndiꞌi ñayiu vi kiti.

Daniel 4:21

Te luu ndevaꞌa ka naꞌa ndaꞌa tnu, te vii ndevaꞌa ni kuun ndiaꞌa tnu, te ndiꞌi ñayiu ñuyiu ka niꞌi ja ka jai nuu tnu, te nduꞌu tnu ni ka oo kiti yuku, te nuu ndaꞌa tnu ni ka otnaa kiti ndagua taka ti.

Zacarías 2:11

“Te kiuu yun vi kututu ñayiu kuaꞌa ñuu naꞌnu ja vi koi nuu maa Jitoꞌo Dios, te vi kokuu ron jin ñayiu ñuu maa rin, te koo rin neꞌu ron. Saa te vi kuni ron ja maa Jitoꞌo Dios, ia ndakui ndevaꞌa, ni tetniuu ña jin rin ja vaji rin nuu ka oo ron.”

San Mateo 17:20

Te jiñaꞌa Jesús: ͏―͏Saa chi tu ka kandija guaꞌa ni. Chi kaꞌan ndaa ndija san ja nuu na vi kandija ni visi ja in taꞌu luluu nagua luluu in ndikin yuku stancia, te vi kuñaꞌa ni nuu tinduu yaꞌa: “Kujioo te ndayaꞌa ron ndee yun”, te vitna ñuꞌni ndayaꞌa kiꞌin. Chi tu na in tniuu kachio ja ma kuu vi saꞌa ni.

San Marcos 4:30

Te suni jiñaꞌa Jesús: ―¿Nagua kuu in ja vi skintnaꞌa inuo jin nuu tatnuni ia Dios, axi na tnoꞌo kuu ja vi skintnaꞌa inuo?

San Lucas 17:6

Yun te jiñaꞌa ya: ―Nuu ja ka kandija ni visi ja joo luluu na kuaꞌa in ndikin yuku, te kuu vi kuñaꞌa ni nuu yutnu kaꞌnu nukuiin yaꞌa: “Kana ndee yoꞌo ron, te kuaꞌan nukuiin ron ndee nuu ndute mar yun”, vi kuñaꞌa ni, te vi kuantnoꞌo tnu tnoꞌo vi kaꞌan ni ―jiñaꞌa ya.

Hechos 2:41

Te yun guaa ndiꞌi ñayiu ni ka kandija tnoꞌo ni kaꞌan de, te ni ka jandutei, guaa ni ka kiunduu ndee uni mil ka ñayiu kiuu yun ja ni ka kandijai Jesús.

Hechos 21:20

Nuu ni ka onini de ja siun ndakani Pablo, te ni ka ndakuantaꞌu de nuu ia Dios, te ka jiñaꞌa de nuu Pablo: ―Ja jini ni, vi ñani, ja kuaꞌa mil ñayiu ñuo judio ni ka kandija Jesús, te ndiꞌi de ka kaꞌan ja nini kuu ja vi skunkuo Ley Moisés.

Hechos 4:4

Su kuaꞌa ñayiu ni ka onini tnoꞌo ni ka kaxtnoꞌo de ni ka kandijai, te ni jino vaa ndee uꞌun mil ja vi nani teyii.

Romanos 15:19

jin maꞌñu sagua jakaꞌnu maa ya ja saꞌa kuaꞌa tniuu naꞌnu vi javii javaꞌa jin jakaꞌnu maa Espíritu ia Dios. Saa te skunkuu san ja kaxtnoꞌo san tnoꞌo vaꞌa Kristu nuu ñayiu guaa ndee ñuu Jerusalén vi nii sava ka ñuu guaa ndee kenta ñuu ja tnii Ilírico.

El Apocalipsis 11:15

Yun te ni xndaꞌi ia kuu uja trompeta ya. Te ni ka kaꞌan jaa ichi andivi, te ka kachi: Ndiꞌi ñuu nuu ni ka otatnuni ñayiu ñuyiu, ndayaꞌa ndaꞌa maa Jitoꞌo Dios jin Kristu, ia ni tetniuu ya. Te maa ya guaa kotatnuni nikuii nikani. Ka kachi.