San Lucas 11:34 - El Nuevo Testamento y unos libros del Antiguo Testamento

³⁴ Te nduchi nuu ni kuu in lámpara ja yeꞌe nii nuu yiki kuñu ni. Te nuu ja ka oo vaꞌa nduchi nuu ni, te yeꞌe nii nuu yiki kuñu ni. Su nuu ja tu ka oo vaꞌa nduchi nuu ni, te nii yiki kuñu ni oo nuu ñunee.

San Lucas 11:34 Iomraidhean Croise

Génesis 19:11

Yun te ni ka saꞌa ya ja ni ka kuaa ndiꞌi tee ka oo yeꞌe yun vi ndee tee kuechi guaa ndee tee nijaꞌnu, saa te ña ni ka ndaniꞌi ka de ndenu oo yeꞌe.

Salmos 119:18

Kune ni nduchi nuu san, nagua ja na kondiaꞌa san, ja luu ndevaꞌa kaꞌan nuu tnoꞌo kaxtnoꞌo ni.

Salmos 81:12

Te yun kuu ja ni xndendoo rin jin, chi inu ndee ndevaꞌa ini anui, te ni ka saꞌa mai nagua ka kuini.

Proverbios 21:4

Nduchi nuu ja saꞌa teyii, vi anu ja kuu vixin, vi ja ndakani ini ñayiu kueꞌe ndevaꞌa kuu yika kuechi.

Proverbios 28:22

Ñayiu xii nuu, chi ndioo ndevaꞌa ini ja kuu kuikai, te ni tu jini ja vaji ja kokuu ndaꞌui.

Isaías 42:19

¿Na in kuu tee kuaa nuu ja masu tee jinokuechi nuu rin? ¿Te na in kuu tee soꞌo, nuu ja masu tee ni tetniuu rin ja ndakani tnoꞌo rin? ¿Na in kuu tee kuaa nuu ja masu tee ni kaji rin? Te kuaa de na kuinio tee jinokuechi nuu maa rin ja kuu rin Jitoꞌo ron.

Isaías 44:18

Te ñayiu yun, chi tu ka jini, ni tu ka jinkuiꞌnu saꞌun ini, chi ka ndesi nduchi nui, te tu kuu vi kondiaꞌi. Vi ka ndesi jajintnuni, te tu kuu vi jinkuiꞌnu ini.

San Marcos 4:12

nagua ja visi ka ndiaꞌi, su ma vi kuni ja vi niꞌi. Te visi ka nini, su ma vi jinkuiꞌnu ini, nagua ja ma vi ndatnaꞌu ini ja kuakaꞌnu ini ia Dios yika kuechi.

San Marcos 7:22

ja suꞌi, ja jioꞌi ja konevaꞌi kuaꞌa xuꞌun, ja saꞌi jakueꞌe, ja xndaꞌui ñayiu, ja saꞌi janeꞌe jayichi, ja kuu kuasun ini, ja kaꞌan kueꞌi siki inka ñayiu, ja saꞌa teyii ndevaꞌi mai, ja tu ñuꞌu ndaa ini.

San Marcos 8:18

¿A vi ka oo nduchi nuu ni, te tu ka ndiaꞌa ni? Te ka oo soꞌo ni, te tu ka nini ni. Te ¿a tu ka naꞌa ni

San Lucas 11:35

Te koto vaꞌa ni maa ni ja ndakani guaꞌa ini ni, te koo ni nuu yeꞌe niꞌnu ndija, nagua ja ma ndakani kueꞌe ini ni ja koo ni nuu nee.

Hechos 13:11

Vitna te tetniuu Jitoꞌo tnundoꞌo kii siki ni, te ndesi nduchi nuu ni, ja ma kuni ka ni nikandii ndee saa tiempu ―jiñaꞌa de. Te vi ore saa ni ndesi nduchi nuu Elimas yun, te ni jinkondee de skaka ndaꞌa de, nduku de na in tee kotnii ndaꞌa de ja kuni de na ichi kiꞌin de.

Hechos 2:46

Te ndiꞌi ni ka ondututu in in kiuu veñuꞌu kaꞌnu maa Jerusalén, vi in ni tutu ni ka ojaꞌndei xtaa ni ka ojai, te ni ka okusii ini vi ni ka osaꞌa ndaꞌu ka osaꞌa kei mai.

Hechos 26:18

nagua ja ndakune ron nduchi nui nuu kaxtnoꞌo ron tnoꞌo rin, te ma vi kokakai nuu inee ja kuu ichi kueꞌe, chi na yeꞌe ñuꞌu nui. Te ma vi kosaꞌa kai nagua kuini Tachi, chi na vi saꞌi nagua kuini maa ia Dios, te na vi kandija ñai jin rin. Te vi niꞌi ja konekaꞌnu ini rin yika kuechi, te vi niꞌi in nuu vi saꞌa jajin jin ñayiu ka nduvii nuu rin”, kachi ya nuu san ―jiñaꞌa de.

2 Corintios 1:12

Oo in ja saꞌa ja ka kusii ini san, chi ka jani ini maa san ja maa ia Dios saꞌa ja ka saꞌa ndaa san jin ndee ini ndee anu san nuu ñayiu ñuyiu, te viꞌi ka ka saꞌa san nuu in in maa ni, su masu ja inu ndichi maa san, chi jandaꞌu ini maa ia Dios, te ni kaꞌan ndaꞌu ni kaꞌan kee ña ya ja saa ka saꞌa san.

2 Corintios 11:3

Su yuꞌu san ja suni vi xndaꞌu ña jin ni, te vi kujioo ni ja ma vi chiñuꞌu vii ni Jesukristu jin ndee ini ndee anu ni. Chi suni saa ni saꞌa Tachi jin Eva, ja ni nduu in koo, te jin ja ndichi ini ti, te ni xndaꞌu ña ti jin ña.

2 Corintios 4:4

Te tu ka kandijai, chi chuꞌchi ñuyiu yaꞌa ni jasi jajintnuni, nagua ja ma vi kuni ja vi yeꞌe tajan tnoꞌo vaꞌa Jesukristu, ia kaa nagua oo nagua kaa maa ia Dios.

Efesios 1:17

Jikantaꞌu san nuu Dios, Tata maa Jesukristu, ia yeꞌe tajan, ja na taa ya Espíritu ya ja vi jinkuiꞌnu guaꞌa ini ni tnoꞌo ndichi vi skuni ña ya ja vi kuni guaꞌa ka ni ya.

Efesios 6:5

Te maa ni ja ka kuu ni ñayiu ka jinokuechi, vi kuantnoꞌo ni nuu lamu ni ja ka oo ñuyiu yaꞌa. Vi konee ni jayiñuꞌu, te vi koyuꞌu niꞌnu ni de, te vi kunukuechi guaꞌa ni nuu de, nagua ka jinokuechi ni nuu Jesukristu.

Colosenses 3:22

Te maa ni ja ka jinokuechi ni, vi kuantnoꞌo ni ndiꞌi nagua ka tatnuni jitoꞌo ni ja ka oo ñuyiu. Ma vi satniuu vixin ni maintnoꞌo nuu ka ndiaꞌa de, nagua ja na vi kee yiñuꞌu ni nuu de, chi vi satniuu ni ndiꞌi ni jin anu ni nuu de ja ka yuꞌu niꞌnu ni Jitoꞌo.