San Lucas 11:2 - El Nuevo Testamento y unos libros del Antiguo Testamento

² Te jiñaꞌa Jesús: ―Suaꞌa vi kuñaꞌa ni nuu ka ndakuatu ni: Tata Dios, ja oo ni andivi, ka chiñuꞌu san sivi ni, chi ia ii kuu ni, ja na kii ni tatnuni ni. Te saꞌa ni nagua kuini ni ja na koo ñuyiu yaꞌa, nagua oo andivi.

San Lucas 11:2 Iomraidhean Croise

Salmos 103:20

Vi saꞌa kaꞌnu ni Jitoꞌo Dios, maa ni ja ka kuu ni ia ka jinokuechi nuu ya, ja ka ndiso ni tniuu naꞌnu ndevaꞌa, te ka saꞌa ni nagua kaꞌan ya vi ka jantnoꞌo ni tnoꞌo tatnuni ya.

Salmos 108:5

Chi kaꞌnu ndevaꞌa kuu maa ni ndee ichi siki andivi, vi Dios, te ja yeꞌe tajan ni kenta ninii ñuyiu,

Salmos 11:4

Su oo maa Jitoꞌo veñuꞌu ii ya, te ndee andivi oo ya tatnuni ya, te ndiaꞌa guaguaꞌa ya nagua ka saꞌa ñayiu, te jin nduchi nuu ya skuaꞌa guaguaꞌa ya nagua ka saꞌa ñayiu yun.

Salmos 57:11

Chi kaꞌnu ndevaꞌa kuu maa ni ndee ichi siki andivi, vi Dios, te jayeꞌe tajan ni kenta ninii ñuyiu.

Isaías 63:16

Maa ni kuu tata yua san, visi tu jini ña Abraham jin san, ni tu ndakuni ña Israel jin in in san. Su tata yua san kuu maa ni, vi Jitoꞌo san, te nikuii nikani ka kaꞌan san ja maa ni ni ndatau ña jin san.

Daniel 2:28

Su oo in ia Dios ndee andivi ja skuni ña ya tnoꞌo oyuꞌu, te maa ya ni kaxtnoꞌo nuu ni, vi rey Nabucodonosor, nagua kokuu kiuu ja vaji nuu kuee ka. Yaꞌa kuu jani ni vi ja ni jini ni nuu katuu ni nuu jito ni kixin ni.

Daniel 2:44

Te kiuu ja vi kotatnuni rey yaꞌa, chi saꞌa ia Dios oo ndee andivi ja ndakoo inka rey kotatnuni ja ma naa saꞌun. Te ni in ñuu ma kundee ja kokuu nijaꞌnu nuu, te xnaa ndiꞌi nuu ka tatnuni sava ka rey. Su maa, chi nikuii nikani ni koo.

Daniel 7:18

Su nuu kuee ka, te vi ndaniꞌi ñayiu ñuu maa ia Dios oo ndee sukun nuu vi kotatnuni yun, te siun ni vi kotatnuni nikuii nikani ―kachi ya.

Daniel 7:27

Yun te vi kuñaꞌa ya nuu tatnuni vi jakaꞌnu vi javii ndevaꞌa oo ndiꞌi nuu ka tatnuni ñayiu ñuyiu ja oo chii andivi, nuu ñayiu ñuu maa ia Dios oo ndee sukun. Te nuu vi kotatnuni kokuu in nuu kotatnuni nikuii nikani, te ndiꞌi tee ka tatnuni ñuyiu vi kokunukuechi de nui, te vi kokuantnoꞌo de.

San Mateo 10:32

’Te nani kuu ñayiu ndaa yuꞌu ja kandija ñai jin san nuu ñayiu ñuyiu yaꞌa, te suni ndaa yuꞌu san nuu Tata Dios, ia oo ndee andivi, ja kandija ñai jin san.

San Mateo 3:2

Te jiñaꞌa de suaꞌa: ͏―͏Vi ndatnaꞌu ini ni, te kiukuei ni ichi ia Dios, chi ja oo yatni ja kii ya ja tatnuni ya.

San Mateo 5:16

Te saa vi koyeꞌe niꞌnu ni nuu ñayiu ñuyiu yaꞌa, nagua ja na vi kuni ndiꞌi tniuu guaꞌa ka saꞌa ni, te suni vi ndakuantaꞌui nuu Tata Dios oo ndee andivi.

San Lucas 11:1

Ni oo in kiuu oo Jesús in nuu ndakuatu ya. Te nuu ni ndiꞌi ni ndakuatu ya, te jiñaꞌa in tee skuaꞌa jin ya: ―Jitoꞌo san, kaxtnoꞌo ni naxa vi ndakuatu san nagua ni saꞌa Juan, tee ni oskuandute, ja ni kaxtnoꞌo de naxa vi ndakuatu tee ni ka oskuaꞌa jin de ―jiñaꞌa de.

Romanos 1:7

Tee san tutu yaꞌa nuu ndiꞌi ni ja ka skuaꞌa ni ka oo ni ñuu Roma, chi kutoo ña Dios, te ni kana ña ya ja vi koo vii ni nuu ya. Te maa Tata Jaꞌnuo jin Jitoꞌo Jesukristu na kaꞌan ndaꞌu kaꞌan kee ña, te vi koo ni jin jamani maa ya.

Romanos 8:15

Chi Espíritu ja ni ka niꞌi ni nuu ia Dios, masu in espíritu ja jaka ña ja vi kunukuechi tuku ni nuu vi kuu ni, ja vi koyuꞌu ni, chi Espíritu saꞌa ja ndakuanseꞌe ña ia Dios jion kuu, te suu saꞌa ja vi kana jao nuu ya: “Tata yua san kuu ni”.

1 Corintios 1:3

Te maa Tata Jaꞌnuo jin Jitoꞌo Jesukristu na kaꞌan ndaꞌu kaꞌan kee ña ya, te vi koo ni jin jamani ya.

2 Corintios 1:2

Te maa Tata Jaꞌnuo jin Jitoꞌo Jesukristu na kaꞌan ndaꞌu kaꞌan kee ña ya, te vi koo ni jin jamani ya.

Gálatas 1:4

Chi ni soko Jesukristu maa ya ja ni jiꞌi ya ja jaꞌa yika kuechio, nagua ja saa te skaku niꞌnu ña ya nuu ñuyiu kueꞌe ja ka oo vitna, chi saa kuini maa Dios, ia kuu Tatao, ja saꞌa ya.

Efesios 1:2

Te maa Tata Yuao jin Jitoꞌo Jesukristu na kaꞌan ndaꞌu kaꞌan kee ña ya, te na koo jamani ya jin in in ni.

Filipenses 1:2

Te maa Tata Yuao jin Jitoꞌo Jesukristu na chindee chituu ña ya, te vi koo ni jin jamani ya.

Filipenses 4:20

Te na koo jayiñuꞌu nuu Tatao Dios nikuii nikani. Saa na kokuu.

Colosenses 1:2

nuu maa ni, vi ñani vi kuaꞌa, ja ka kuu ni ñayiu maa ia Dios ja ka saꞌa ndaa ni nuu Jesukristu ja ka oo ni ñuu Colosas. Te maa Tata Yuao jin Jitoꞌo Jesukristu na chindee chituu ña, te vi koo ni jin jamani ya.

1 Tesalonicenses 1:1

Maa san kuu Pablo ka tee san tutu yaꞌa jin Silvano vi Timoteo, nuu ñayiu ka skuaꞌa ja ka oo ñuu Tesalónica ja ka oi jin Tata Jaꞌnuo vi Jitoꞌo Jesukristu. Te maa ya na chindee chituu ña, te vi koo ni jin jamani ya.

1 Tesalonicenses 1:3

Te nuu ka ndakuatu san nuu Tata Jaꞌnuo, te ndiꞌi ni jichi ka ndakaꞌan san tniuu guaꞌa ka saꞌa ni, chi ka kandija ni, te ka chituu ni ñayiu, chi ka kutoo ni ia Dios, te ka oo yutnu ni, chi ka ndetu kaꞌnu ni maa Jitoꞌo Jesukristu.

2 Tesalonicenses 2:16

Su maa Jitoꞌo Jesukristu vi maa Tata Jaꞌnuo, ia luu ini ja kutoo ña ya, te taa ya ja ka osii inio nikuii nikani, vi taa ya javaꞌa ja ka ndetu kaꞌnuo.

El Apocalipsis 11:15

Yun te ni xndaꞌi ia kuu uja trompeta ya. Te ni ka kaꞌan jaa ichi andivi, te ka kachi: Ndiꞌi ñuu nuu ni ka otatnuni ñayiu ñuyiu, ndayaꞌa ndaꞌa maa Jitoꞌo Dios jin Kristu, ia ni tetniuu ya. Te maa ya guaa kotatnuni nikuii nikani. Ka kachi.

El Apocalipsis 15:4

Te tu na in oo ja ma koyuꞌu niꞌnu ña jin ni, vi ja ma saꞌa kaꞌnu sivi ni, vi Jitoꞌo san. Chi maintnoꞌo maa ni kuu ia ii, te kikuei ñayiu ndiꞌi ñuu, te vi chiñuꞌu ñai jin ni, chi ja ni ka jini ja saꞌa ndaa ni taka tniuu. Kachi yaa ka jitai.

El Apocalipsis 19:6

Te suni ni onini san ja na tnoꞌo ka kana kuakuaꞌa ñayiu, axi na kuinio ja jiso nuu jika kuaꞌa ndute, axi na kuinio ja niꞌi jiso kani tajan. Te ka jiñaꞌa: Kaꞌnu kuu ia Dios, chi ni jinkondee maa Jitoꞌo ja tatnuni ya, chi maa ya kuu ia Dios ndakui ja ndiꞌi ni ja kuu ja saꞌa ya.

El Apocalipsis 20:4

Yun te ni jini san kuaꞌa mesa nuu tatnuni ja ka nukoo ñayiu ni ka niꞌi tniuu ja vi sandaa kuechi. Te suni ni jini san anu ñayiu ja ni ka kindoso yiki xini, ja jaꞌa ja ni ka kandija ndai Jesús, te ni ka ndakani tnoꞌo ia Dios. Te ñayiu yun, chi tu ni ka chiñuꞌi kiti xeen, ni ja ni ka ndaneꞌe nagua kaa ti, te ni tu ni ka jandetui ja jinkondee tnuni ti tnei axi ndaꞌi. Te ni ka ndatekui ja ka tatnuni jin Jesukristu mil kuia.