San Lucas 11:18 - El Nuevo Testamento y unos libros del Antiguo Testamento

¹⁸ Te suni saa kuu jin Tachi, chi nuu ja na jinkondee ja vi kaxin tnaꞌa ndisa maa, ¿te naxa kuu kotatnuni ka? Kaꞌan san tnoꞌo yaꞌa, chi ka kaꞌan maa ni ja jin jakaꞌnu maa tachi kaꞌnu nani Beelzebú, tau san sava ka tachi ini anu ñayiu.

San Lucas 11:18 Iomraidhean Croise

San Mateo 10:25

Te na kendoo vaꞌa ini tee skuaꞌa yun ja kenta de kokuu de na kuinio mastru de, te saa ni tee jinokuechi yun ja na kenta de kokuu de na kuinio lamu de. Chi nuu tee xiin veꞌe, ni ka xnani ña jin de Beelzebú ja kuu tachi kaꞌnu ka, te ¿nagua kuu ka sava ka ñayiu veꞌe yun ja ma vi xnani ña siun?

San Mateo 12:26

Te suni saa ni tachi kuu kaꞌnu, nuu ja maa skunu tachi kueli yun, te jaxin tnaꞌa maa jin maa, te ¿naxa kuu koo guaꞌa nuu tatnuni nuu saa?

San Mateo 4:10

Yun te jiñaꞌa Jesús suaꞌa: ͏―͏Kuaꞌan, vi Tachi, chi yoso nuu tutu ii ja maintnoꞌo Jitoꞌo ron Dios kuu ia chiñuꞌu ron, te kunukuechi ron nuu maintnoꞌo ya.

San Mateo 4:24

Yun te ni jitenuu ndiꞌi jakaꞌnu ni saꞌa ya nii ñuu ja tnii Siria. Te ni kikuei jin ñayiu ka kuꞌu ndinuu nuu kueꞌe na kuinio ñayiu ka jatu ka janiꞌni vi ñayiu ka ñuꞌu ña tachi, vi ñayiu ka jiꞌi yiꞌi vi ñayiu ka ndutuchiin ja ña kuu vi kaka, te ni ndasaꞌa ña ya.

San Lucas 11:15

Su sava ñayiu ni ka kaꞌan: ―Jin jakaꞌnu maa tachi kaꞌnu nani Beelzebú tau tee yaꞌa sava ka tachi xeen yun.