San Lucas 10:4 - El Nuevo Testamento y unos libros del Antiguo Testamento

⁴ Te ma vi kindaꞌa ni ñunu xtaa, te ni itni xuꞌun, te ni ndijan, te ni ma vi jinkuiin ni ja vi ndakantnoꞌo ni, ni in ñayiu nuu ichi kuaꞌankuei ni.

San Lucas 10:4 Iomraidhean Croise

Génesis 24:33

Yun te ni ka jiñaꞌa ndei ja vi kaxini de, su jiñaꞌa musu Abraham: ―Ma kaxini san vi guaa ndee na kaꞌan san na tniuu vaji san saa saa kaa san ―jiñaꞌa de. ―Kaꞌan ni nuu saa na tniuu kuu ―jiñaꞌa Labán.

Génesis 24:56

Su yun te jiñaꞌa tee jinokuechi yun: ―Ma vi jinkani ka ña ni, chi ni kuatu ndiaꞌa maa Jitoꞌo ja ni kuu tniuu vaji san, te vi kuandetu ni kiꞌin san jin, chi ja ni kuu ndajiokuiin san veꞌe lamu san ―jiñaꞌa de.

Proverbios 4:25

Kondiaꞌa ichi nuu ron, te kinuu nagua oo ichi nuu kuaꞌan ron.

San Marcos 6:7

Yun te ni ndakana Jesús ndi uxi uu tee ka skuaꞌa jin ya, te ni jinkondee ya ni tetniuu ya ndi uu ndi uu de ja kiꞌinkuei de. Te ni jiñaꞌa ya jakaꞌnu maa ya, nagua ja vi tau de espíritu tachi ja ka ñuꞌu ña jin ñayiu.

San Lucas 22:35

Yun te ni jikan tnoꞌo ña Jesús jin ndiꞌi de: ―Na ni tetniuu ña san ja ni jaꞌankuei ni, ni ka ndakani ni tnoꞌo ia Dios, ¿a nagua ni jaꞌni ña jin ni ja siun vini in ñunu xtaa, te ni in itni xuꞌun, te ni ndijan ni tu nagua ni ka yindaꞌa ni? ―jiñaꞌa ya. Te ka jiñaꞌa de: ―Tu saꞌun nagua ni jaꞌni ña.